البارت ١٠ بابا طلع مجرم
بقلمي جوري 🌹🌷
الهام: هذا ابسط عقاب اكدر اسوي واني مقهورة عليهم بس شأسوي مضطرة لان مو من طبعي اضرب جهالي فكلت احبسهم واحرمهم من العابهم ورة ساعة صار موعد جية ابوهم من الدوام
- مرتضى : دخلت البيت هدوء سنطة البنات ماالهم حس جنونة البطة ماتلكتني بضحكتهة وملاعيبهة صحت
الهاااام
- ها حبي الله يساعدك
- الله يسلمج اكلج وين البنات شو سنطة ليش
- دااعاقبهن حبستهن بغرفتهن ودون العاب
- ليش خطية هيج تعاملين اطفال
- لو تدري شمسويات
- شمسويات؟!
- وسولفتلة على عمايلهن باختهن
وانقهر عليهن
- ترة الصوج بية اني مدااكدر اساوي بينهم ديشوفون تعلقي بجنة هل شي مو بيدي اني احبهم نفس المحبة بس ميولي اكثر لجنات فدوة الكلبهة مرحة تنحب لوكية تخليني انجذب الهة حبيبة بابا فدوة مشتاقلهة ليش نيمتيهة هسة
- تعبت من البجي ونامت
- خل اشوف الشعيطات خطية ميصير يبقن محبوسات اطفال موزين خاف يصير بيهم خوفة لو شي ثاني اروح احاجيهن واطلعهن.
راحت لغرفة البنات خطية فرحو بية عبالك عصفور واطلقو صراحة من القفص اجن يركضن حضنني ويبجن
- بابا السويتو غلط هاي طفلة ماتتحمل ضرب وهي مامسويتلكم شي ليش تضربوهة
- نوران: بابا والله مو اني جنان كلتلي امشي نضربهة هاي من تكبر تصير مو حبابة وتاذينة
- لا باباتي بالعكس هاي اختكم الصغيرة من تكبر تكوم تحبكم وتحترمكم هسة هي طفلة كلشي متعرف
-جنان والله جذابة ماكلت اني
- بابا حرام تكذبون ثنينكم تحلفون بالله وثنينكم دتنكرون اكيد كذب حرااام هذا الله سبحانة اليكذب باسمة
- اثنينهن دنكن خجلانات 😔😔
بابا بعد لا تسووهة انتن كبار وتفتهمن مو تخلن عقلجن وياهة اني احبكم. افضلكم لان بناتي الكبار احجي وياكم لان تفهموني هي شنو لاتفهم لا تحجي بس تعرف تضحك
وكعد يلقي محاضرة طويلة وعريضة الهم وعن اختهم الصغيرة وشلون يحبوهة ويحموهة واخر شي كاللهم يلة خلص العقاب طلعو لعبو واذا شفتكم حبابات اطلعكم لمدينة الالعاب اونسكم باجر جمعة كلش كيفة وكامن يكمزن من الفرح
- عفتهم ورحت لغرفتي ارتاح
الهام باجر تحضرو نطلع لمدينة الالعاب مدام الجو حلو وخطية الجهال نونسهم
- اي خوش فكرة ليش لا باجر تلكانة جاهزين العصر
كلش فرحت باقتراحة عن الطلعة لان اني بطبعي مااطلب منة طلعات وونسات وكذا اكول خطية ماعدة مجال دوام وتعب ودوامة جدا متعب وبس الجمعة عطلة اكول خطية يرتاح بيهة فمن يكلي على طلعة كلش افرح
ثاني يوم الضهر كعدت اجهز عشة للطلعة فكرت اخذ لفات كباب مقلي (قبل جان حصار بالطلعات ناخذ عشانة ويانة اصرف النة)
وسويت عصير برتقال وحضرت كلاصات وزلاطة خليتهم بحافضة ومفرش نكعد عليه
مرتضى: صار الضهر كتلهم اروح انام شوية ارتاح حتة العصر اطلعكم الجهال من فرحتهم خبصوني ماخلوني انام كل شوية وفاتحين باب الغرفة
- بابا شوكت نطلع
- بعدة ماصار العصر كلسع جايتني وحدة
- ها بابا صار العصر نبدل؟
- اوف ابتليت من كتلكم نطلع عوفوني انام من يصير العصر اكللكم بدلو يلة بعد لاتجوني
أنت تقرأ
وهم الاقدار (ج1 )
Romanceاحيانا الاقدار تخط حياتنا وترسمها النا احيانا احنا نتصور ممكن الاقدار ان تزينلنا الحياة جائز يكون الحب نصيبنا وناخذ الذ نهواه لكن احيانا نوكع بوهم جبير ان السعادة ممكن تستمر يمكن الاقدار توهمنا بنصيبنا و يكون عكس مكنا نتمى
