وهم الاقدار (ج1 )

29/

البارت ٢٩
#وهم_الاقدار
بقلمي جوري

المكان: سوريا
بيت جاسم
-سميرة: هذا ابنك حيتخبل يكول لو تزوجوني سناء لو انتحر وتخلصون مني

- خل يولي هل زعطوط اولا ديدرس بعدة مامتخرج وهندسة صعبة ثانيا اروح اخطبلة شكللهم لاهلهة بيش اعيش بتهم هو اني كوة مدبر عيشتكم وهو ماعندة شغل هل خبل ميفكر

- هو يكول هم يعرفون وضعي وموافقين ويدرون احبهة وتحبني هو ابوهة كايلة بدل ماتبقة رايح جاي اخطبهة علمود امام الناس انتم مخطوبين وخالد كايلة ماعندي انتضر اتخرج واشوفلي شغل والاب كايلة لاتفكر بالفلوس تنحل اني اشغلك عندي هو ابوهة زنكين وماتهمة فلوس وشاري الخالد

- طاحضة هل زمال يعني وين كرامتة وين رجولتة يمشي ورى كلبة المعوق الماعرف يحب وبعدين يجي يوم تعيرة بفلوسهة

- يلة جويسم لين كلبك ترة هذا ابنك الوحيد ودشوفة متعذب على حبيبتة خل نفرحة ونخطبلة

- اني اعوف لجمال ولحسن والاخلاق الشايلتة جنات واخطبلة وحدةماعرف منين مامنين

- شنسوي ماكو قسمة ونصيب وية بيت مرتضى خل نجرب سناء يججوز هم اخلاق وتسعد ابني يلة جسومي هذا ابنك تعب

- 🤐 طبعا اني ماموافق بس شسوي بعد ماكو فائدة روحي شوفيهة واتفقي وية اهلهة وبعدين نروح خطابة زلم(مشاية زلم )

سميرة
ماصدكت خبر اروح واخطب لابني رغم جنت اتمنى جنات بس بعد هذا ابني وداشوفة كدامي ذبلان ومتمسك بحبيبتة وراواني صورتهة حلوة كلت مادام وافق ابوه خل باجر اروح كبل لا يغير كلامة وافرح ابني ثاني يوم رحت لبيتهم وشفتهم خوش ناس حبابين وملكاهم حلو امهم سورية وابوهم عراقي بس من زمان ساكنين سوريا والبنية حبابة وحلوة بس شوية انفة حسيتهة اتفقت وياهم وشفتهم كلش موافقين وفرحانين طبعا رحت دون علم خالد ردتهة مفاجئة اسويلة المهم كالولي خل يجون الزلم يخطبون ونسويلهم حفلة مهر وماحرجوني عرفو ماعدة خالد فماطلبو كالو خلوهة بس حلقات وبعدين على كيفكم جيبو الذهب بس ابوهة كال معليكم لاتفكرون من باجر اشغلة وياي العصر ويلملة فلس للذهب سلمت عليهم وتشكرت منهم وطلعت
وصلت لبيتي
- خالد : ها يوم على خير وين طالعة
- جاسم: 😎خير انشاء الله

- 🤔شبيكم ضامين شي

- سميرة: الف مبروك ابني رحت خطبتلك سناء
- اجيت اركض على امي لزمت ايدهة الضحكة مالية وجهي صدك يوم رحتي شفتيهة

- اي ابني رحت وشفتهة واتفقت نسوي خطبة هل ايام وابوهة يكول خل باجر يبلش شغل العصر وياية والبنية حلوة وحبابة بس احسهة متكبرة وانفة

- لا يمة انت هيج تشوفيهة بس من تعاشريهة تبين غير شكل كلبهة ابيض

- هاي هية ابني مدامك رايدهة شعلية اني انت التعيش وياهة مو اني
سميرة مشت الايام ورحنة وخطبنة وسوينة حفلة بيناتنة وفرحنة بي وبعد فترة احنة مقررين الزواج بعد تخرجهم بس تفاجئنة ابوهة ورى شهرين كال لازم نزوجهم ميصير يبقون هيج وهم بعدلهم سنة كنالة يمعود ميكدرون ويلتهون وخاف يصير عدهم طفل ضل مصر يزوجهم سلمنة امرنة لالله وزوجناهم