وهم الاقدار (ج1 )

11/ عرايك جهال

⚘بقلمي جوري⚘
بارت (١١) عرايك جهال
الهام
حاولت انام مكدرت ضايجة ومحتصرة على الصار وياي مقهورة كلش منة ونفس الوقت مااكدر انام اذا مو بحضنة متعودة عليه ومن هو ماموجود حتة احس لبغرفة وحشة علية اوووف شلون انام خل اشغل روحي بقراءة ايات قصيرة لمن اغفة .

مرتضى : اني كلش ضايج من روحي ومتندم على السويتة بيهة بس مكدرت اعتذر او اصالحهة لان عقلي يكلي هي صفنت بوجهم اكيد متونسة بغزلهم طلعت وتاخر الوقت واني حاير ارجع مااكدر اشوفهة رح اضعف كدامهة اني الطبع الموحلو بية كرامتي وعزة نفسي اخر التفكير قررت لازم ارجع لبيتي دخلت البيت ونمت بالصالة مكدرت ادخل الغرفة
الهام : انتضرتة ومااجة وبعد محسيت ونمت كعدت الفجر مخروعة لان مالكيتة حسيت بوحشة جبيرة كمت اتوضة لكيتة نايم بالصالة انقهرت كلش ليش هيج يسوي فوك مااتهمني باطل يزعل المفروض اني الازعل مهلي اعوفة دون غطة رحت جبتلة غطوة وغطيتة لان المكيف (التبريد) معلوك
ومحس علية صليت وكملت رجعت نمت مرت يومين هو نفس وضعة اني والماكو سوة يطب ويطلع ميحجي حجاية وحدة واني هم مااحجي اكمل واجباتي البيتية كلهة ابد مامقصرة ويا هدومة اكلتة بيتة نضيف بس مااحاجي لان هو الغلطان عفتة شوكت ميصالح
- الووو
- الو هلو عمة شلونج اخبارج
- هلة بنتي انتو شلونكم شو ماتجون
- الحمدلله عمة ولة تعرفين ملتهية والجهال دوام ويرجعون يقرون ومامفتهمة شي من يومي بلكت باجر نمرلكم
- هلة بيكم يمة اكلج بنتي شبي مرتضى شو احسة ابد مو على بعضة تعبان مهموم شبي خوما عدة مشكلة بشغلة او بالبيت
- والله ياعمة هو شغلة صعب ومتعب وبعد تعرفين ضابط كومة مشاكل تصير كدامة وتاثر بي خطية الله يساعدة
- اي والله الله يساعدة ضل بالي عليه البارحة كاعد كبالي وبس يتصفن وتعبان سالتة مجاوب كلت اسالج انت
- لا يضل بالج عمة ماكو شي ان شاء الله
- ان شاء الله سلميلي عليه وبوسيلي بنياتج
- يبوسون ايدج حبيبتي عمة انت هم سلميلي علة عمي وحمواتي .

هههه متاذي على فراكي وعليمن ماذي روحك هياتني يمك اني الك اذا ماخبلتك وخليتك ترجعلي بنفسك مو اسمي الهام اروح اخابر رغودة ام الخبرة تعلمني ههه

-الووو
- الو هلو عيني ام الخبرة شلونج
- هلة الهام مبين من الخبرة جاية بمصلحة تردين طرق للصلح لو ماالمصلحة لا تخابرين ولا تسألين من ثلاث اسابيع ماكو
- ديلة عيني عاد انت شلونج لاتخابرين ولا تسألين عاد اني احسن منج اخابرج استغل خبراتج ههه
- شاسويلج مافارغة والله بيت وجهال ودراسة
- اي اني هم نفس الشي عوفينة من المعاتب يلة تعاي كليلي شلون اخلي يجي يتوسل بية دون ماانزل نفسي الة
- بعدة مايحاجيج
- اي والله ولا جني موجودة عبالك تمثال بالبيت
- والله شاكلج كل الطرق ناطيتج ياهم سابقا ومطبقتهن شانطيج بعد
- لعد شاسوي اريدة هو يجيني لان هو الغلطان واني بعد مااتحمل بعدة مشتاقتلة موت
- شوفي لبسي دشداشة مخصرة كلش عليج وبيهة فتحة فوك الركبة وبيهة دلعة جبيرة بحيث تضهر الشامة
- اووو مو اكلج ام الخبرة نيال زوجج ههه
- سكتي خل اكمل ترة ابطل
- لا عمي سكتنة كملي كملي
- ههه اي وتشتغلين وتمسحين يمة بالغرفة بسحي بيدج عود مو ماسحة وشوية مايري بجسمج وانت بعد عليج تتفننين مرة تصير كدامة بغداد ومرة كدامة الشامة وانت مدنكة تمسحين وبحساب مو يمج وماتدرين
- واوو خوش افكار
- اذا ضبطتيهة وجبتيهة عدل مايمر اليوم سلامات هههه اقصد يمر وانو واحد بحضن الثاني 😉😉
- اي يلة باي اروح
- الله وياج مع السلامة .