وهم الاقدار (ج1 )

12/خباثة المعلمة

البارت (١٢ ) خباثة المعلمة
بقلمي جوري🌷🌷

مرتضى: ست سهاد طلبت رقم تليفون البيت بحجة تنطيني اخبار بناتي بالمدرسة تجاهلتهة اعرف بهاي الدروب بس الضاهر ماخذتة من البنات او من فايل المدرسة وكامت يومية تتصل على البيت ومن يشيلو الهام والبنات مترد بس من اشيلة اني تبدي تحجي وتتنعوص بس اني ماانطي مجال بلبداية معرفتهة بس من اثناء الكلام وركزت بالصوت

- الووو وينك حبي والله اموت بيك والله ماانام الليل كل فكري وياك

- دااكلج مااريدج عندي زوجتي ماابدلهة بيج

- هنيال زوجتك زين عادي اقبل اصير الثانية

- انت تخبلتي تفكرين تساوين روحج بزوجتي الذهب اكو واحد يستغني عن الذهب بالفضة

- اي اقبل اصير فضة حلو الفضة هم ينلبس
- اني مافارغ يلة روحي
- اوكف لحضة ارسب بناتك والله واخليك تجي تتوسل بية واخرب بيتك اوصل كلام لمرتك جذب اسوي مشاكل اذا ما توافق على العرض

- شنو خلصت الزلم ليش لزكتي بية عيب بابة انت مو طفلة شغلي دماغج ولا تخليني اروح افضحج كدام الكل

- اي خلصو اريدك انتة وبس وبالنسبة للفضيحة متهمني اهم شي مصلحتي وارضي نفسي

- طيح الله حضج دولي منا وشتريدين اسوين سوي ميهمني وسد التليفون

بعد ايام اجت جنان تشكي من درجة الاملاء
- جنان: ماما شوفي درجتي اهئ اهئ خالتلي المعلمة ٧ من ١٠ واني حافظة الموضوع والبارحة امتحنتيني جبت كاملة ليش هيج اني متاكدة مجاوبة اهئ اهئ

- شو ماما انطيني دفترج اخذت الدفتر ولج هاي صدك اكو اغلاط ليش ولج انت امتحنتج زينة شجاج كتبي عدل ليش تستعجلين

- ماادري والله اكتب عدل
- مرتضى جنت واكف وسمعت عرفت هاي سهاد
بابا جنان انت شاطرة واحنة واثقين بيج معليج بالدرجة اذا اتكررت نروح نحاجي المعلمة

نوران: بابا اني المعلمة طردتني من الصف
- ليش🤤🤤
- خلصت الفرصة واني جنت محصورة رحت للتواليت وتاخرت اجيت المعلمة ماخلتني ادخل
- منو يا معلمة
- ست سهاد
- استغفر الله العضيم تعامل الاطفال كانما عقلهم جبير وبالاعدادية ليش تطردهم المفروض تفهمهم يجون قبل لا يدك الجرص

مرت الايام ونفس الحال سهاد شدت وية البنات وهاي المسكينة جنان كلما تستلم دفتر الاملاء تكضيهة بجي ونوح وتقطع الاكل وتنعزل بغرفتهة لان شاطرة مدتتحمل هل وضع قررت اروح للمدرسة واشتكي للمديرة واذا ماسوتلي شي اني اعرف شسوي

في اليوم الثاني صباحا
مرتضى : دخلت المدرسة ورحبت بية المديرة حجيتلهة الوضع واشتكيت من ست سهاد

المديرة: اي هاي ست سهاد بلوة  محد يكدرلهة وكلهم ميحبوهة لا طلاب ولا معلمات الطلاب تشد وياهم والمعلمات تخطف زلمهم