روايه (فلك):- بقلمي/وعد يحيي البكري

الفصل الحادي والعشرون:-

روايه (فلك) 
________________
بقلمي/وعد يحيي البكري:-
________________
وقفت صبا متسمره في مكانها تنتظر ان تستمع الي اي رد ولكن لم يأتيها ردا
ساد صمت ثقيل فاخذت قرارها وذهبت الي الباب وفتحته بحده وهي تستجمع شجاعتها ..
وللعجب انها لم تجد احدا امامها فقط هواء بارد يأخذ خصلات شعرها الي الخلف و صمت تام
كادت ان تغلق الباب لولا ان استمعت الي صوت خافت:-
-تقدري تخليني عندك للصبح...؟
__________________________________
شقت الشمس شرق السماء لتبصر علي شعاعها الميضئ اللذي يوحي بصباح جديد لكل عين تفتح و يوحي باخر صباح لكل عين لن تفتح بعد الان
كانت فلك تجلس في مكانها منذ ليله امس لم تذق النوم
تري احداث الليله الماضيه تدور حولها كل ثلاث دقائق ،بشعرٍ مبعثر و ملابس كادت ان تتقطع
تغمض عينيها تعتصر ما بهما من دموع
كيف كان سيف يبدو هكذا؟ كيف طاوعه قلبه الي فعلته؟
كيف هانت عليه وامامه الي هذه الدرجه؟
لم تكن تهابه رغم كل شيئ ..رغم سجنه ..رغم غضبه...ونظراته ..لم تكن تهابه..
ولكن امس..علمت معني كلمه الخوف ..وعرفتها مع من؟ مع سيف..
وضعت رأسها بين يديها وهي تنهار باكيه من جديد...
_________________________________
فتحت ساره عينيها وهي تتثائب في فراشها بكسل شديد وتنظر حولها بنصف عين
ثم اعتدلت في مضجعها وهي تتلفت وقبل ان تنادي جاسر كان قد دخل من باب الغرفه بابتسامته الهادئه قائلا:-
-صباح الخير..
قالت باسمه برقه:-صباح النور
اقترب ببروده المعتاد يجلس الي جانبها وهو يقول مقبلا يديها:-اجمل عروسه في الدنيا..ياتري عشان انتي جميله ولا عشان عروسه جاسر؟
تبسمت بخجل وهي تقول:-خلاص بقي يا جاسر
ضحك قائلا:-لاااااا خلاص ايه بقي ده كان زمان دلوقتي مفيش كسوف ما بيني وما بينك انتي حببتي ومراتي وعروستي مش النهارده بس ..هتفضلي عروستي باقي العمر كله....
قالت بفرح:-وانا بحبك اوي
-وانا عارف
ساد الصمت للحظات ثم قال مشجعا:-يلا قومي استحمي انا عملتك الفطار بنفسي
ضمته بجنون وهي تقول:-انا مش عاوزه اسيبك ابدا
بادلها العناق وهو يقول:-ولا انا يا ساره عاوز اسيبك
ابتعدت عنه قليلا ونظرت في عينيه مباشره:-توعدني؟
-اوعدك
تبسمت وهي تقوم من الفراش وتكاد قدماها ان تطيرا من سعادتها الجامحه ثم عادت تنظر له وتقول بتساؤل:-امتي هنسافر يا جاسر؟
-لسه...لسه كتير اوي
-اممم...طيب
___________________________________
شوارع القاهره بزحامها المعتاد..يملأها البشر و تملأها الحكايات ..فلكل واحدً من هذا الزحام له ما يكنه من الخبايا والاسرار
كان سيف يقود سيارته بنصف ذهن ..كان شاردا..لا يعلم كيف لم يري امامها انها فلك...
ترك نفسه يعترف ..لم يكن يفعل ذلك مع فلك...بل كان يرها زوجته..مره اخري يعود الي مرضه؟
تدهور حالته....ولم ينقذ فلك من بين يديه شيئا
ضرب المقود بيده عده مرات والدموع تنهال علي وجنتيه..
يشعر بالذنب..بالحزن...بالحب..لفلك..
يريد ان يعتذر و لكنه يعلم ان فعلته لا يغفرها اعتذار...
تنهد يحاولا نفض ما به من شرود ثم وضع تركيزه بالقياده وفقط..
____________________________________
وضعت صبا اطباق الافطار امام الرجل الغريب ونظرت له بشك وهي تقول:-
-اتفضل ..الاكل
نظر لها ممتنا وهو يتقدم من اطباق الطعام ثم يأكل بنهم شديد كمن لم يأكل منذ اعوام
عقدت صبا حاجبيها وهي تقول:-
-وانت بقي..ليه مش لاقي لنفسك حته تعد فيها؟؟حتي لو جامع ؟
رفع رأسه لها وهو يقول:-
-لو كنتي مش عاوزه تدخليني انا مكنش غصبتك
قالت بعصبيه:-
-وانا مقلتش اني مش عاوزه ادخلك ...انا بس سألتك سؤال...
-عشان انا مش وش ارصفه ولا وش حتي اني ابات في جامع مع الشحاتين
-بس ده بيت ربنا
ابتلع ريقه بضيق وهو يقول:-
-يا ستي كلها كام ساعه وهمشي
شعرت بالاحراج لطريقتها الفظه و عادت تتأمله بهدوء من جديد
كان له جسد عريض و طويل القامه و اصلع الرأس بعينين عسليتين
كانت يده اليسري مصابه بجرح حاولت صبا تضميده بشكل بدائي
ظل طوال الليل يأن و يتألم و الان يبدو بخير
ابتلعت ريقها وهي تقول:-انت هربان من حاجه؟
زفر الهواء الساخن من صدره:-يخربيت الستات
اتسعت عيناها بدهشه وهي تقول:-
-دي جزاتي اني ساعدتك؟ كان زمانك نزفت لحد ما موت
-يا ساتر يارب
ثم عقدت حاجبيها بغضب وانخفضت قليلا وهي تمد سبابتها امامها وتقول في لهجه محذره:-
-انا صاحبه البيت ده ...ولازم تعرف اني من حقي اسئل براحتي وانت تجاوب ماشي؟؟
ظل ينظر لها بصمت ودون انفعال بالسلب او الايجاب فشعرت بخوف وعادت للخلف وهي تقول:-
-بتبصلي ليه كده!؟
تبسم وهو يقول:-اسألي وهجاوب..حاضر
نظرت له بترفع وقالت :-طالما هتخاف كنت جوبت من الاول..
وقف فبدا ضخما فتراجعت قليلا مره اخري فتبسم قائلا:-
-طب اسألي عشان مخفش اكتر
ابتعلت ريقها وهي تقول:-
-انت هربان من حاجه؟
-ايوه...هربان من البوليس يا ستي
ضربت علي صدرها وهي تقول:-يالهوي! ومستخبي عندي ..انت عارف لو البوليس....لو البوليس...مسكك وانا ...رحت معاك ..هيعرفوا ان...ان...ارجوك لازم تمشي
-اهدي...مش شرط عشان اكون هربان من البوليس ابقي قتال قتله
قالت بغضب:-والطريقه الي انت خبطت بيها امبارح دي ؟
-ياستي ما انا شايف نور وسامع صوت تلفزيون و عايز مأوي وفكرتك مش سمعاني وبعدين اعرف منين انك واحده ست لوحدك
صرخت قائله:-انا مش لوحدي علفكره...
(مامي..جعانه)
اغمضت عيناها بأسف بينما ضحك قائلا:-خت بالي...
استدارت صبا لروح وهي تقول:-ادخلي جوا ومتطلعيش مره تاني
ثم استدارت اللغريب وهي تقول:-
-هربان ليه
-هربان عشان طلعت مصاحب ناس بيقولو الحق..وشكلي هتاخد في الرجلين.....امجد الدريني.
ثم مد يده لها مصافحا
-صبا.....
صمت قليلا ثم قالت:-وبعدين
-ولا قبلين...همشي واشوف انا هعمل ايه....انا صاحب مطعم مشهور جدا....اسمه won عشان كده قلتلك اني مش وش بهدله يا صبا....بالمناسبه اسمك حلو
قالت باسف:-المفروض اطردك عشان كنت عاوزه اشتغل ضروي في المطعم ده ومعرفتش بسبب انهم..
ظل صامتا ينتظر ان تكمل حديثها فقالت:-
-انهم عاوزين بطاقتي وشهاده ميلادي...وانا معييش ومقدرش اطلع حاجه
تبسم بغموض:-هربانه بردو؟
-مش بالظبط...
تنهد ثم قال:-طيب...انا همشي دلوقتي...مش عارف اشكرك ازاي عشان ليله امبارح..انا كنت هموت من النزيف...واسف لوخضيتك او خضيت بنتك ...
تبمست قائله:-لا محصلش حاجه..انا بقول تسلم نفسك وربنا مبينساش حد...
عقد حاجبيه مفكرا ثم قال:-ونعم بالله..
ثم غادر فيلتها الصغيره..
__________________________________
دخل زياد الي مكتب سكرتيره جاسر وتبسم قائلا:-
-ممكن اقابل جاسر بيه
قالت الفتاه باقتضاب:-مش موجود و واخد اجازه تلت ايام
هرش رأسه مفكرا ثم قال بسرعه:-
-مهو انا عارف...بس كنت بتأكد اصلو..اصل بصي..
ثم وضع يده في حقيبه صغيره و اظهر منها ملفات :-
-دي ملفات جاسر بيه بعتني بيها و طلب مني احطها في مكتبه
-هات..
-لاااااااا....انا احطها بنفسي
عقدت حاجبيها بتعجب وهي تقول:-طيب اتفضل قدامي..
مشي خلفها حتي فتحت مكتب جاسر ودخلت مشيره الي مائد خشبيه صغيره في احدي الزوايا:-
-هنا بيحط دفاتره
-تمام ...
ثم وضع الملف فوق هذه الدفاتر و اظهر كم جيب سترته فلاشه صغيره وقال باسما:-هحط الحجات دي علي اللاب توب وهخرج فورا
ثم ذهب في خطوات واسعه واشعل جهاز الحاسب المنقول بينما قالت بتوتر:-
-ااي حاجه هتحصل انت هتبقي المسؤل قدام جاسر بيه وسيف بيه كمان ...وانت عارف يا زياد
قال زياد بهدوء:-متقلقيش...هتجبوني بسهوله انا شغال مع سيف ما انتي عارفه..
-طيب ..
-تعرفي الباسورد؟
ابتلعت ريقها بصعوبه وهي تقول:-ايوه..
ثم انحنت تكتبه بسرعه كي لا يلمحه الا انه لم يهتم
وبدأ في البحث بحرص عما يريد..
___________________________________
دخل سيف الي الشقه الصغيره يبحث بيعنياه بلهفه عنها حتي وجدها لازلت تجلس في نفس مكانها
-فلك..
لم ترفع رأسها له ولم تعيره اهتماما فقال :-
-انا اسف يا فلك سامحيني
-............
-فلك انا ندمت بجد انا مكنتش في وعي بعد الي قلتيه انتي عارفه حلتي يا فلك...مش هنكر تاني انا مريض ..
-سبني امشي..
-فلك انا اسف هتمشي تروحي فين بس
-اسف!!! بعد الي حصل بتقول اسف
قال مبررا:-محصلش حاجه يا فلك انا حاولت بس..
-حاولت!!...حاولت يا سيف ...ودي كفايه اوي..كنت مستني ايه تاني؟ ولا انا هعد هنا استني ايه؟
-عمري ما هعمل كده
-كنت هتعمل امبارح يا سيف..سبني امشي
-فلك....انا...
-انا افتكرت كل حاجه..