#صبر_الجبال. الفصل. ٧
احمد:- انا. مش عارف. انتي. مكبره الموضوع ليه
ماحصلش حاجه. تخليكي متعصبه كده
امل:- كل ده. وماحصلش حاجه
الناس دي. مش لازم. نعرفهم ولا نحتك بيهم
محمد:- ياماما. انا مش صغير
ولوجين دي. مجرد صديقه عاديه
وانا مش بعمل حاجه غلط تستاهل كل ده
امل؛- الله الله.
بشاير معرفتك بالناس دي بانت اهي
وبقيت ترد عليا.
محمد/- يا ماما. انا مش برد عليكي
انا بعرفك. ان مافيش حاجه تستاهل القلق ده
امل:-بس انا مامتك. وعارفه مصلحتك.
وكلامي لازم يتسمع
محمد:- حاضر ياماما.
اللي تشوفيه
طلع محمد اوضته. تليفونه رن
محمد. الو
لوجين. ايوه يامحمد
محمد. عملتي ايه في الشنطه
لوجين. حطيتها. في الغرفه اللي في حديقة الفيلا
فيها كراكيب وماحدش بيخشها غيري
محمد. بعد ما مشيتو. ماما. امل اتخانقت معايا
علشان شافتني معاكم
لوجين. عمتو قالت لي حاجه مهمه.
محمد. ايه هيا
لوجين. مش هينفع في التليفون
بكره. لما تروح النادي
هكون مستنياك في ملعب التنس
في المدرجات
محمد. اوك. نتقابل هناك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في دار. عيشه. كان الحاج حسن ويامنه
وحسين ومني. قاعدين
دخل فاروق. وابنه
وبص ل عيشه وقال لها.
عقبال عندك ياعيشه.
ابني فرحه الخميس الجاي
علي بنت العمده
شفتي النسب اللي يشرّف
انتي كده من يومك. بتبصي تحت رجليكي
الشبكه اللي جايبها ولدي
ربع كيلو دهب
وبنيت له بيت تلات ادوار لحاله
والعمده. جاب له اتومبيل هدية فرحه
عيشه جات ترد عليه
كان قاعد جمبها الحاج حسن
داس علي ايدها.
سكتت عيشه
والحاج حسن قال
اسمع مني زين يا فاروق ياولدي-
كان زمان في واحد إسمه سُليمان بن عبد الملك ووقتها كان هو حاكم الدول الإسلاميه كُلها .. سليمان كان لسه شباب و شكله حلو, وتملي يبص في المرايه لنفسه وهو مبسوط بروحه, وكان يقول : كان مُحمد " عليه الصلاة والسلام " نبيًا, وكان أبو بكر " صديقًا " وسُمي عُمر بن الخطاب " فاروقًا " وكان عثمان " حييًا " خجول, وكان علي بن أبي طالب " إمامًا " وكان معاويه بن أبي سُفيان " حليمًا " يغضب بصعوبه .. بيجيب كُل واحد حكم المُسلمين ويقول صفه من صفاته اللي كان مشهور بيها, ويجي علي نفسه ويقول :
وأنا سُليمان الملك الشاب " الجميل صغير السن " .. العلماء بيقولوا : إن معداش شهر علي سُليمان بن عبد الملك ومات !
دايماً عود نفسك كل ماتشوف نعم ربنا عليك قول ماشاء الله لا قوة الا بالله
(فلولا اذ دخلت جنتك قلت ماشاء الله لا قوة الا بالله)
ماحدش عايش في نعمه بفضل عبقريته او حيلته
كل النعم اللي احنا فيها بفضل الله سبحانه وتعالي وبمشيئته
حتي العبقريه والعقل دول من فضل المولي عز وجل مش بايدينا
ربنا سبحانه وتعالي في الحديث القدسي بيقول
"وعزتي وجلالي لارزقن من لاحيلة له حتي يتعجب ذو الحيله"
وسيدنا علي بن ابي طالب عبقري الاسلام بيقول
لو كانت الدنيا تنال بفطنة وفضل وعقل نلت اعلي المراتب
لكنما الارزاق حظ وقسمة بفضل مليك لا بحيلة طالب
هتقابل غبي ملياردير وهتقابل غبي حاكم دوله وهتقابل عبقري شغال عامل
