#صبر_الجبال الفصل ٢١
فاروق كان بيشتغل مع صديقه في المقابر
وكان دايماً يروح الموقع اللي موجود فيه علي ابنه
ويسرق من مواد البناء
علي كان منزل اجهزه كهربائيه
وشالها في المسجد
فاروق باليل راح وسرق من المسجد ادوات كهربائيه
الغفير مسكه
واتصل ب علي
جه علي وقال للغفير ماتقولش لحد
ومسك ابوه وفضل يعرض عليه فلوس
لكن فاروق رفض وسابه ومشي
بعد فتره الراجل اللي بيشتغل مع فاروق في المقابر مات
وبقي فاروق هو اللي بيشتغل مكانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امل جالها اتصال من الدار اللي فيها الاطفال
وقالو لها ان الشرطه داهمت مكان للمتسولين
وعثرو فيه علي ٢٠ طفل بيستخدموهم في التسول
امل خدت عنوان القسم
وخدت احمد وراحت بسرعه
في القسم طلبت امل انها تاخد الاطفال اللي ماحدش اتعرف عليهم
وتوديهم الدار عندها
انتظرت الاجرائات
وخدت معاها تسع اطفال لم يستدل لهم علي اهل
راحت الدار وسجلت الاولاد
ورجعت هي واحمد البيت عندها
يدوب قعدت
واتصلو عليها من الدار يبلغوها
ان الشرطه جايه بأنذار بأخلاء الدار
امل كانت جهزت الشقه بتاعة مدام نيفين جارتها
وراحت الدار
نقلت كل الاطفال اللي فيها وجابتهم الشقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محمد ولوجين راحو المستشفي يتطمنو علي مني
كانت حالتها صعبه جدا
بمجرد ماتفوق وتبدء تحس باللي حواليها
تفضل تصرخ وتنادي بأسم محمد
والدكتور يديها حقنه مهدئه
وترجع تنام تاني
اما حسين ف كان فاقد للكلام وساكت
بس قاعد وحاطط ايده علي دماغه
وعيشه وحبيبه كانو في قمة الحزن
وخصوصاً عيشه اللي عاشت الحاله دي
وحاسه بأحساس مني
محمد ولوجين فضلو جمب مني
اول ما فاقت وبدئت تعيط
محمد قال لها اهدي يامني
مالك فيه ايه قولي يارب
هيفيد بأيه اللي انتي بتعمليه في نفسك ده
لوجين قاعده جمبها الناحيه التانيه
قالت يامني المسأله مسألة وقت
احنا نزلنا اعلانات في الجرايد
وبياناته وصوره في كل الاقسام والمستشفيات
ودور الرعايه يعني بمجرد ما هيلاقوه
هنعرف علي طول
ماتعمليش في نفسك كده
اصبري وادعي ربنا
احسن من اللي انتي بتعمليه ده
وهما بيكلموها جات امل
يلمت عليهم وقعدت
سالت محمد مافيش جديد
محمد قال لها ادينا ارقامنا لكل الاقسام والمستشفيات ولو فيه حاجه هيتصلو علينا
امل:- دا حتي الدار الشرطه جات وامرت باخلائها
محمد:- والاولاد راحو فين
امل:- انا مجهزه شقة نيفين وفرشتها
ونقلتهم وخليت احمد معاهم
وجيت اتطمن علي مني
محمد:- والله مني تعبانه جدا ياماما
امل:- حاسه بيها يامحمد
اصعب الم في الدنيا دي
لما تفقد ضناك
بتحس روحك ضاعت منك ربنا يصبرها
ونلاقي محمد ويقومها بالسلامه
محمد:- يارب ومايحرمناش منك ياماما
امل:- هتيجو تباتو عندي النهارده
محمد:- معلش هنروح عند اهل لوجين
جهزو لنا الدور التاني في الفيلا عندهم
امل:- طيب خلي حبيبه وعيشه يروحو وتعال انت معايا بات وارجع الصبح
محمد:- وتفتكري هيجي لي نوم
واختي بالحاله دي
امل:- اومال هتفضل هنا في المستشفي
محمد:- حسين مصمم يقعد جمب مني
وانا لازم افضل معاه
امل:- علي العموم انا هروح اشتري اكل للاولاد
واروح تلاقيهم جننو احمد
محمد:- ربنا يفرح قلبك زي ما مفرحاهم
امل:- ويفرح قلبك انت واختك يارب
هامشي انا وبكره ان شاء الله
هاعدي عليكم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
