#صبر_الجبال الفصل ٢٠
فاروق بعد ما ارضه راحت منه
وصرف فلوسها
وبعد ما علي ولده ساب البيت وراح اشتغل مع محمد
الحاله سائت معاه
باع كل البهايم اللي حيلته
ماعادش يمتلك اي شئ
كان فاروق يروح باليل عند المدرسه والمستشفي
يسرق الحديد والاسمنت
علي ولده في مره شافه
سحب البندقيه وراح يمسكه يحسبه حرامي
ولما حط البندقيه علي دماغه
وشال من علي وشه الشال
لقيه ابوه
علي رمي البندقيه ووقع علي الارض من الصدمه
فاروق جري روح علي بيته
تاني يوم راح عند صاحبه سيد اللي كان بيشتغل في المقابر
وهم قاعدين جات جنازه
خد فاروق معاه يساعده وبعد مادفنو الميت
اهل الميت ادو سيد فلوس
سيد ادي فاروق نص الفلوس
فاروق عجبه الامر
بقي ملازم سيد في المقابر
وبيشتغل معاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محمد اتصل علي لوجين
وقال لها انه اليوم راح ييجي هو واهله يكتبو الكتاب
ويتفقو علي معاد الفرح
لوجين قالت له انها جهزت الدور التاني
في الفيلا عندهم علشان هو واهله يقعدو فيها
محمد قال لها احنا هننزل عند امل
قابلينا هناك
لوجين :- انا هاجي محطة القطر
اقابلك ونروح سوا
محمد:- مالوش لزوم خليكي انتي جهزي حالك
واحنا هنعدي علي امل واحمد
نجيبهم ونجي علي طول عندكم،،،
باليل محمد والمهندس علي وعيشه وحبيبه
مستنيين مني وحسين ييجو علشان يسافرو معاهم
جه حسين ومحمد الصغير
محمد قال له فين مني
حسين قال انها رفضت تيجي بتقول الحمل تاعبها
عيشه قالت اكيد لسه واخده علي خاطرها مني
قومو بينا هنروح نعدي عليها
وناخدها معانا
راحو كلهم عند مني
عيشه قالت لها مالك يابتي ليه مش عايزه تاجي معانا مش من زمان نفسك تشوفي فرح محمد اخوكي
مني:- طول عمري بتمني اني اشوفه وافرح بيه
بس انا تعبانه ومش هقدر علي السفر
محمد قال:- الف سلامه ليكي ياختي خلاص نأجل الفرح لعند ماتقومي بالسلامه
مني:- لا ماينفعش روحو انتو وسيبوني
عيشه :- وهو احنا كترنا علي بعض يامني
داحنا مالناش غير بعض يابتي
واللي حصل مني والله كان علشان مصلحتك
حسين قال:- قومي يامني انا جوزك وبقولك قومي هتروحي معانا
مني قالت:- مانت عارف اني تعبانه
حسين:- هاشيلك علي كتفي ولا اتعبش
محمد:- ايوه ياعم ايه الدلع ده كلو
حسين:- وما ادلعهاش ليه
تستاهل ام محمد نوارتنا
عيشه:- مالكيش حجه يامني بعد الكلام الحلو اللي بيقوله جوزك ده
حبيبه قالت:- قومي يامني دا فرح الغالي داحنا نروح مشي علشان سعادة اخونا
مني بعد اما شافتهم كلهم مصممين
جريت علي امها وباست ايدها وقالت لها طيب سامحيني
عيشه:- وعمرك شفتي قلب ام بيشيل من اولادها مهما حصل
دانا لو كنت لسه عايشه علي الدنيا فده بفضل ربنا
ووجودكم جمبي
قامو كلهم راحو محطة القطر وسافرو علي مصر
لما نزلو في مصر كانت الدنيا زحمه
وكان معاهم شنط
وكانت ساعة صبحيه وهم كانو طول اليل ماناموش في القطر
نزلو ووقفو البنات وعيشه
وحسين ومحمد والمهندس علي بينزلو الشنط
خلصو وجم يمشو
مني بتقول ل حسين فين محمد
حسين ؛- محمد كان معاكي وانتي نازله
مني:- سابني وجري وراك لما ركبت القطر
وصرخت مني وقالت ولدي تاه
جري محمد وحسين والمهندس علي في المحطه
يسألو ويدورو
وراحو لنقطة الشرطه اللي في المحطه
وخرج العساكر معاهم يدورو
مني كانت عايزه تجري تدور علي ولدها
عيشه وحبيبه قالو لها خلينا واقفين مع بعض
احنا مانعرفش حاجه هنا
واكيد الرجاله هيلاقوه
وهم واقفين القطر اللي نزلو منه اتحرك
حبيبه قالت هم مادوروش عليه في القطر
ممكن يكون لسه مانزلش
مني جريت ورا القطر
لكن ماعرفتش تركب
فوقعت علي الارض وفضلت تبكي
بسرعه راحت عيشه وحبيبه مسكوها
ورجعو تاني المكان اللي فيه شنطهم
بعد شويه رجع حسين ومحمد وعلي
مني قالت فين ولدي
محمد قال ماتقلقيش ياختي
ان شاء الله هنلاقيه
مني فضلت تبكي وتقول انا مش هاتحرك من هنا الا اما تجيبولي ولدي
محمد قال لها احنا هنفضل لعند مانلاقيه
وانتو هتيجي لوجين تاخدكم
ماينفعش تفضلو هنا
