#صبر_الجبال. الفصل. ١٠
لوجين تليفون مكتبها. رن
ردت.
قالت. محمد انت فين
قال لها وصلت المستشفي
قالت له تعال بسرعه
حبيبه اللي كلمتك عنها. عندي في المكتب
محمد قال لها.انا جاي
بعد شويه
دخل محمد
شاف الحاج حسن.
سلم عليه وبص في وشه
وقال له. انا قابلتك في القطر وسندتك ونزلتك لما خبطت عصايتك في الدكتوره لوجين
لوجين قالت ايوه. صح
افتكرت
والله كنت متاكده اني شفته
سلم محمد علي حسين
وبص ناحية حبيبه.
واتقدم ناحيتها ببطء
وبص في وشها.
وقال لها. ازيك ياحبيبه
حبيبه. ان شالله تسلم يادكتور
محمد:- سلامتك الف سلامه
حبيبه يارب يسلمك من كل شر
محمد؛- مسك الاشعه وبص فيها
وفضل يتكلم مع لوجين بالانجليزي
علشان مايعرفوش هم بيقولو ايه
وبعد ماخلصو.
لوجين قالت لهم
ان شاء الله يوم السبت هنعمل العمليه
انا والدكتور محمد
وهتخفي ياحبيبه.
وتقومي علي رجليكي
حبيبه فضلت تبكي
وتدعي لها
وتقول يارب يخليكم يارب
يارب يفرحكم زي ماهتفرحوني وتفرحو امي
لوجين ؛- وهي ماسكه دموعها بالعافيه
يلا بقي روحو ادفعو فلوس العمليه في الاستقبال
حسين والحاج حسن خدو حبيبه وهي بتعيط من فرحتها وخرجو
ومحمد قعد علي الكرسي سرحان
ولوجين فضلت تمسح في دموعها.
بعد شويه. لوجين بصت ل محمد وقالت له
مالك يامحمد.
سرحان ليه
محمد:- هاااه لا مافيش
لوجين:- شفت بقي حبيبه وطيبتها
تستاهل اننا نأجل سفرية الصعيد ولا لاء
محمد:- هاااه بتقولي ايه
لوجين. بقولك تستاهل حبيبه اننا نأجل سفرية الصعيد علشانها
محمد:- طبعاً يالوجين
الناس دول. فيهم حاجه غريبه
ناس تحسي انهم كلهم طيبين
وبالذات حبيبه دي
مش عارف اول ماشفتها. افتكرت.
ان كان عندي اخوات بنات وانا صغير
لوجين:- بس خلي بالك
الحاله متأخره
والعمليه هتكون صعبه
كان المفروض تعملها من زمان
بس ياعيني ماكانش عندهم فلوس العمليه
وهم بيتكلمو.
خبط الباب.
لوجين. ادخل
دخل حسين. وقال بعد اذنك يادكتوره.
رحنا الاستقبال. طلبو مننا ضعف الفلوس
اللي طلبوها مننا المره اللي فاتت
هنضطر نأجّل العمليه
ونسافر البلد
نكمل المبلغ. ونرجع
محمد. قال. استاذ حسين. ممكن تيجي في معاد العمليه
واحنا هنتصرف
حسين. لا يادكتور. المبلغ كبير.
ولازم نرجع نتصرف ونشوف هنقدر نجمعه ولا لاء
محمد. طيب ممكن تسمع كلامي
وتكونو هنا يوم السبت
علشان حتي لو ماعملتش حبيبه العمليه
نكشف عليها ونديها علاج قبل ماتمشي
حسين خلاص ماشي
هنيجي يوم السبت ان شاء الله
مشي حسين،،،،
لوجين. بتفكر في ايه يامحمد
محمد. ربنا. بعت لنا شنطة الفلوس دي يالوجين
علشان حبيبه تخف
وكأن القدر مرتّب الحكايه دي بالظبط
لوجين. ياااااه سبحان الله يامحمد
دي معجزه
معقول اللي بيحصل ده
محمد. الناس اللي زي حبيبه دي يالوجين
اللي قلوبها طيبه
وقلبها ابيض
ربنا بيسبب لها الاسباب
واحنا يدوب سبب
هي الشنطه فيها فلوس اد ايه
لوجين. حوالي اتنين مليون جنيه
محمد. طيب هتاخدي منها.
مبلغ العمليه
وتحطيه في الاستقبال باسم حبيبه
ولما ييجو يوم السبت
هندخلها العمليات علي طول
ونعمل لها العمليه.
لوجين. انت طيب اوي يامحمد
وشهم
محمد. وانتي قلبك زي حبيبه يالوجين
بيحس بالطيبين اللي زيه
،،،،،،،،،،،،،،،،،،،،،،،،،،،،،،،،،،،،،،،،،،،،،،
