#صبر_الجبال الفصل ١٧
عيشه قالت ل محمد الصغير ابن مني
روح يامحمد انده لي امك عايزاها
راح محمد وبعد شويه
رجع و معاه مني
عيشه جابت مني قدام اختها حبيبه
وقالت المهندس علي صاحب محمد واللي بيشتغل في مشروع برج الشبكه
طلب مني ايد حبيبه
مني:- ماشاء الله الف مبروك ياحبيبه
صبرتي ونولتي ياحبيبتي
حبيبه:- لا انا ماعايزاش
عيشه:- ليه بس يابتي
مني:- كيف ماعايزاش انتي اتهبلتي
المهندس علي ده يترفض
دا ابن ناس ومحترم
ومهندس ياحبيبه عارفه يعني ايه مهندس
حبيبه:- عارفه يعني المفروض ياخد وحده متعلمه زيه
مش ياخد واحده زيي ما بتقدرش تخدم في البيت
عيشه:- هو راضي بكده يابتي
ومكلم اهله ومعرفهم ظروفك
حبيبه/- برضك اهله هيرضو له بواحده ماتقدرش
تعمل خدمة البيت ولا تقضي طلباتهم
مني:- يا حبيبه طالما قال لناسه
وناسه وافقو خلاص يبقي مقتنعين
حبيبه:- انا ماعايزاش اظلمه هو يستاهل حد احسن مني
عيشه :- انتي ماعارفاش قيمة نفسك يابتي
دانتي زي القمر والطيبه اللي جواكي تخلي كل اللي يشوفك يحبك
مني:- استهدي بالله يا حبيبه
واتوكلي علي الله ووافقي وانا متاكده ان علي ابن ناس هيشيلك في عنيه العمر كلو
عيشه:- خلاص حبيبه هتسمع كلامي
انا عمري مافرضت رأيي عليكم
بس المره دي
حبيبه محتاجه دفعه مني علشان توافق
انا لما ييجي محمد هتكلم معاه
واخليه يرد علي المهندس علي بالموافقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فاروق باليل قاعد علي سريره بيفكر
في الارض اللي ضاعت منه
ومخه يودي ويجيب
وهنيه قاعده قدام المرايه بقالها ساعه
عماله تحط في وشها البودره والالوان
قامت وراحت قعدت جمب منه
وقالت له مع تفكر في ايه يابو علي
فاروق:- مع افكر في حل ارجع بيه ارضي اللي الواد خدها مني بطريقه مافهاش الغلط
هنيه:- انا مستغربه هو جاب الفلوس دي كلها منين
فاروق:- الواد شكله مسنود اكيد وراه حد تقيل في مصر ولو فكرنا نعمل معاه الغلط
هييجي فوق راسنا
هنيه:- يعني مش هتجمع لها حل
دانت والعمده نسيبنا كنتو تحلو اي مشكله توقف قدامكم في ثواني
فاروق:- العمده اللي ضيع ارضه وامواله علي الكباريهات في مصر
وضيع العموديه
وبته اللي جوزناها لولدك وقلنا تورث لها خمسين فدان
مافيش دلوك من وراها حاجه
هنيه:- ياواخد القرد علي ماله يروح المال ويفضل القرد علي حاله
فاروق:- انا جاتني فكره
هنيه :- خير
فاروق:- طالما بت العمده مافيش من وراها مصلحه
ايه رايك علي يطلقها
وياخد حبيبه بت عيشه
بيقولو بقت تمشي علي رجليها
واهو يبقي ضمنا ان الارض ماتروحش لحد غريب
هنيه:- وتفتكر عيشه هترضي تناسبك بعد اللي عملته معاها زمان
فاروق:- البت كبرت وماحدش هيرضي بيها
وهيصدقو ما يلاقو نا طلبنا البت ل علي
ومش هيرضو بقعدتها جمبهم كده
هنيه:- طيب وولدك اللي بيحب بت العمده
مع انها ماخلفتش وكذا مره اتكلم معاه في الموضوع ده
ورافض يتجوز عليها هتخليه كيف يطلقها
فاروق:- وهو يقدر يكسر كلامي علشان اطير وراه هو واللي جابته
هنيه:- وتطير ليه ورا اللي جابته عملت ايه انا
فاروق:- مخوفاني ياهنيه
مخوفاني بالبوهيه اللي داهنه بيها وشك دي
حاسس اني قاعد جمب عفريته
استهدي بالله يابت الناس
وقومي اغسلي وشك
احسن ماقوم انام في الزريبه جمب البهايم احسن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
