#صبر_الجبال . الفصل. ٤
فضلت. عيشه. في دارها. حزينه.
وشايله الهم.
خسرت. كتير. لكن. برغم قساوة الدنيا. وعنادها معاها
كانت صابره. ومحتسبه.
وفي كل صلاه كانت تقول
يارب كل اللي تجيبه كويس
راضيين بقدرك. وبحكمك
الهمنا الصبر والقدره علي التحمل.
تقوم من علي السجاده.
تشوف محمد اخر العنقود. دايما. ضحكان
تاخده. في حضنها.
وتقول. ربي يعوض همي بفرحك. يامحمد
في. يوم. الاستاذ حسين. مدرس. محمد
خبط. علي باب. عيشه. الضهريه
وكان معاه. محمد
متعور. تعويره. بسيطه. في دراعه
شافته. عيشه.
اتخضت.
الاستاذ حسين طمنها.
قال لها. انا وديته. المصحه.
الحكيم. قال مافيش شرخ. ولا كسر الحمد لله
اتطمني يا ام محمود
فضلت. تشكر فيه.
وندهت. علي مني تعمل الشاي
الاستاذ حسين شاف مني. اعجب بيها
بعد يومين. جاب امه. وابوه
وراحو. عند عيشه.
وطلبو ايد مني.
عيشه. قالت. هشاور بتي.
وارد عليكم.
باليل. قالت. ل مني. ايه. رايك. في الاستاذ حسين
مني قالت. اللي تشوفيه ياما.
عرفت عيشه انها. موافقه.
قالت عالبركه. يابتي.
هرد عليهم.
وهاقولهم. يستنو رجوع محمود من الجهاديه.
علشان هو اللي يتفق معاهم
هو الراجل.
وكلامي. في غيبته. مايصحش
مني قالت. صح يا امي.
ان شاء الله ربنا يرد غيبته
ويرجع بالسلامه
فضلت. عيشه. كل يوم. تقعد في ضهر الباب
تستني اللي مابيجيش
طوّل محمود
وكل يوم. الصبحيه. لما تسمع. صوت. صفارة. القطر
تطلع عيشه فوق السطح
تبص علي الطريق.
عساها. تشوف محمود
محمد. كان يروح المدرسه.
بملابس قديمه. وجزمه. مقطعه
بس ماكانش بيغيب
كان يحب العلام من صغره
وكان باين عليه الذكاء
وكل اساتذته. كانو يتوقعو له. مستقبل كله. نجاح
طالت. غيبة. محمود.
وتروح عيشه. علي البوسطجي. في بيته
تسأله. مافيش جوابات من محمود
يقول لها. ان شاء الله. يوم السبت. هتيجي جوابات يمكن فيهم
ترد عيشه. تقول له.
كل مره. تصبرني كده.
وبتفوت الايام. وقلبي واكلني علي الواد
تطلع. عيشه. من بيت البوسطجي
في طريقها. علي البيت.
تسمع. عند دوار العمده. هيصه. ولمه
قربت. وسألت.
هو فيه. ايه
قالو لها. الحرب قامت.
والجيش دخل سينا.
والارض بتتحرر
فرحت. عيشه. وجريت. علي دار ابوها الحاج حسن
وقالت له.
بسرعه الحاج حسن. شغل الراديو.
وجاب الاخبار
وسمع بخبر عبور القناه
وقع ساجد علي الارض. يبكي
ويقول الله اكبر
الحمد لله
ماهو كان جندي في النكسه.
وشاف الارض بتروح قدام عنيه.
فرحة. عيشه. ما طالتش. لما افتكرت. محمود
قلبها. انخطف.
وخافت. يروح. زي احمد. وزي اللي راحو.
رجعت. بيتها. وسط بناتها.
وقعدت. تدعي طول اليل
ربنا يرد لها الغايب
ومايوريهاش حزن تاني في حبايبها.
