#صبر_الجبال. الفصل. ١١
عيشه:- هتسافرو امتي
حسين. الصبح ان شاء الله
راحت عيشه فتحت دولابها
وطلعت جلابيتها السوده
القديمه
وادتها ل مني
وقالت لها.
اول ما تروحي تلبسيها لاختك
مني:- ليه ياامي دي قديمه
هاخد لها هدوم جديده من هدومي
عيشه. دمعت. وقالت يابوي اسمعي كلامي
واعملي اللي بقولك عليه
وتقولي للدكتور اللي عمل العمليه. لأختك
امي بتقولك. متشكرين. وربنا مايحرمك من ريحة الحبايب
مني. حاضر يا امي ،،،،،،،،
عيشه فضلت. متوتره جداً
مش قاعده علي الارض
حست ان الدكتور ده. هو محمد ولدها
وعلشان تتأكد
ادت. مني الجلابيه بتاعتها اللي كانت تلبسها زمان لما محمد كان معاها
بتتأمل. ان لو كان الدكتور محمد ده هو ولدها
هيعرف ريحة امه.
سافرت. مني وحسين.
ونزلو علي الفندق الاول
اتطمنو علي الحاج حسن.
مني كانت عايزه تروح المستشفي تتطمن علي حبيبه
لكن حسين والحاج حسن قالولها.
مافيش زيارات باليل متاخر
الصبح ان شاء الله هنروح كلنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محمد اتصل ب لوجين
وطلب منها تعدي عليه بعربيتها
علشان عرف ان احمد ساب البيت
وراح قعد في فندق
ومحمد حابب يروح يتطمن عليه
عدت عليه لوجين.
وراحو الفندق
قعدو في الريسبشن
وبعد شويه احمد نزل
وقعد معاهم وهم بيتكلمو
نزل الحاج حسن. وحسين
محمد شافهم اتفاجئ.
ولوجين كمان.
واتفاجئو اكتر لما شافو احمد بيجري علي الحاج حسن وياخد بأيده ويقعده جمبه
ويقول له. دانا لسه كنت هسال عليك.
ماشفتكش مالصبح
الحاج حسن شاف محمد. ولوجين.
اتفاجئ.
احمد قال. اعرفكم.
الحاج حسن قال. احنا عارفينهم
الدكتور محمد والدكتوره لوجين
هم اللي عملو العمليه. ل حبيبه
احمد؛- سبحان الله صدفه سعيده
محمد ابني. من امهر الدكاتره في المستشفي هو والدكتوره لوجين
الحاج. حسن :- هو الدكتور محمد ابنك! ربنا يحفظه ويبارك لك فيه
احمد. الله يطول لنا في عمرك ياحاج حسن ويبارك فيك
فضل احمد يحكي ل محمد علي اللي حصل بينه وبين امل.
محمد كان سرحان وكأنه في عالم تاني
الف حسبه في دماغه
بيفكر في الاحداث والصدف الغريبه اللي بتحصل دي
وفجأه محمد. بص ل حسين
وقال. له. جبت حد معاك يقعد مع حبيبه
حسين. ايوه يادكتور
مني مراتي. واخت حبيبه جات معانا
وهنروح الصبح ان شاء الله
محمد. قام. وقال طيب انا هستأذن.
اروح اشوف ماما امل.
يلا بينا. يا لوجين.
مشي محمد ولوجين. ركبو العربيه
رايحين ل امل
وهم في السكه لوجين قالت ل محمد.
ايه وصلت ل حاجه
محمد؛- لو كانت مني دي معاهم وشفتها
كان ممكن اوصل ل حاجه
لوجين:- ماهم كلهم هيروحو المستشفي الصبح
محمد. ماهو الصبح بقي لازم نكون مع حبيبه
لوجين:- انت من جواك حاسس بأيه
محمد؛- حاسس ان الناس دول دمهم من دمي
وفيهم حاجه مألوفه بالنسبالي
والاسامي. مش غريبه عليا
لوجين:- يارب يامحمد يكونو هما
محمد:- لو تلاحظي الصدف الغريبه اللي بتحصل دي
وكون ان حبيبه ومني مش عندهم اخوات
بيخليني اتاكد ان ممكن يكونو هم اهلي
