#صبر_الجبال الفصل ١٦
محمد رجع المستشفي مع لوجين
قعدو اتكلمو في موضوعهم
محمد طلب من لوجين يأجلو الموضوع شويه
لحين يكون عدت فتره علي موت الحاج حسن ويامنه
ولحين مايخلص موضوع امل
ويخلص المشاريع اللي بتتبني في البلد عنده
لوجين كانت صابره ومقدره ظروفه
وما حاولتش تضغط عليه
بالعكس كانت تساعده يحل كل المشاكل اللي بتقابله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
المهندس بتاع شركة المحمول
راح عند بيت محمد نده عليه
ردت حبيبه محمد اخوي سافر مصر
المهندس:- وهيرجع امتي
حبيبه:- ماعارفاش والله يا استاذ
المهندس:- انا اسمي علي
وفيه طلب كان قايل لي محمد عليه
ممكن حضرتك تاخديه ولما ييجي تديهوله
حبيبه:/ ممكن
المهندس اداها علبه فيها تليفون محمول من الشركه وقال ل حبيبه وحضرتك اسمك ايه
قالت له اسمي حبيبه
ابتسم علي وقال لها عاشت الاسامي
حبيبه راحت قافله الباب في وشه من غير ماترد عليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
احمد كان قاعد مع اهله
كانت اخته بتتكلم معاه عن اللي مزعله
واللي مخليه في الحاله اللي هو فيها دي
احمد فضل يحكيلها علي اللي حصل
اخته قالت له
انه لازم يفضل جمبها ويروح يتطمن عليها
برغم ان امل ماكانتش بتحب اهله
وكانت واخداه منهم
الا انهم ناس طيبين
اخته قالت له انها مستعده تروح معاه
تاني يوم اخدته وراحو المستشفي
فضلو مستنيين معاد الزياره اللي
بيبدء الساعه تسعه الصبح
لكن هما راحو بدري
احمد وهو قاعد افتكر محمد
مسك تليفون اخته واتصل منه علي محمد
محمد كان قاعد مع لوجين في مكتبها
جاله اتصال
رد محمد ولما سمع صوت احمد
قام واقف وقال له عم احمد فينك
انا بدور عليك
احمد قال له علي اللي حصل
وقال له انه هو واخته عندها بالمستشفي
محمد قال له ماتقابلهاش غير اما اجيلك
مسافة السكه
محمد خد لوجين وطلع علي اهل امل
قابل اخوها وقال له انا جمعت كل اخواتي
وهم موجودين دلوقت
محمد طلب منه يجيبهم بسرعه
ويطلع معاه علي المستشفي
طلعو وركبو عربياتهم
وراحو كلهم علي المستشفي
دخلو قابلو احمد
محمد سلم عليه وفضل يتكلم معاه
فجأه جات الممرضه وقالت لهم
يقدرو يقابلو امل
راحو كلهم غرفة الطبيب المعالج ل امل
لقوها قاعده علي الكرسي
اول ماشافتهم
قامت من علي الكرسي
وجريت علي محمد
خدته في حضنها وفضلت تعيط
وتبص ل احمد واخواتها
وتاخد محمد في حضنها وتبعده عنهم
قعدته جمبها علي الكرسي وفضلت حاضناه
وتبص للواقفين بنظرة غضب
ولما بصت علي احمد
ركزت في عنيه ودمعت
وغمضت عنيها وضمت محمد ليها
وقالت ليه خدوك مني يامحمد
انت ليه سبتني
انا عملت ايه علشان يجيبوني هنا
دانا كنت بدور عليك وعايزه اشوفك بس
انا متدايقه هنا يامحمد
نفسي نرجع بيتنا زي زمان
بس احمد ده مش هييجي معانا
هو اللي جابهم خدوني من البيت
هو خدك مني وجابني هنا علشان ماشوفكش
