#صبر_الجبال الفصل ١٨
هنيه لما عرفت خطة فاروق انه
يخلي علي يطلق مراته بت العمده
ويتجوز حبيبه
بدئت تتخانق مع مرات علي ولدها
علي الفاضي والمليان
بسبب ومن غير سبب
كانت بت العمده تخبي علي جوزها علي اللي بتعمله هنيه معاها
وتتحمل علشان ماكانتش بتنجب
وعلشان اهلها بقو فقرا
فقررت انها تستحمل وكان اللي مصبرها
ان علي الوحيد اللي كان بيحبها وده مهون عليها
في يوم علي داخل
شاف امه بتتخانق مع مراته
وقف علي ورا الباب
وفضل يسمع ويشوف اللي بيدور بين مروه مراته وبين هنيه امه
هنيه:- تعالي هنا يابت المركوب
ليه مش غسلتي المواعين
مروه:- مانا لسه غاسلاهم ياعمه
هنيه :- يعني انا كدابه
مروه :- لا ياعمه ماقصدش
خلاص هاغسلهم تاني حاضر
هنيه :- انا عارفه ايه مخلي علي مخليكي لعند دلوك
ماتسيبيه يشوف حاله يمكن يتجوز بت الحلال اللي تخلف له واد يحمل اسمه واسم ابوه
وهنا دخل علي
وقال لامه كلام ايه اللي بتقوليه ل مرتي ده ياما
هنيه:- جيت في وقتك
مرتك اقولها اغسلي المواعين واقفه تغلط في
وتقولي اغسليهم انتي
علي:- مسك مروه وقالها من امتي وهي بتعمل فيكي كده
وماقولتيش ليه
مروه؛/ انا الغلطانه معلش ياعلي
انا هاغسل المواعين ومش هكررها تاني
علي:- انا واقف من بدري وشفت كل اللي حصل
ليه ياما بتعملي كده
ايه اللي في دماغك
ماقلت لك الف مره مش هتجوز
انا راضي بنصيبي كده
دخل فاروق شافهم بيزعقو
قال فيه ايه
صوتكم جايب لاخر الشارع
هنيه:- تعال شوف ولدك ومرته
فاروق:- مالك ياواد فيه ايه
علي:- ينفع اخش الاقي امي بتشتم في مرتي وتقولها سيبيه وامشي علشان يتجوز ويجيب له واد
فاروق:- ماهي امك فقريه ماتتكلمش في موضوع الا ويتطربق علي راسي
هنيه؛- حتي انت يافاروق هو انا ماحدش حامل لي كلمه في البيت ده
فاروق:- وانتي راحه تطفشيها من قبل ماتحصل حاجه
اهم رفضو
علي:- حاجة ايه ومن هم دول اللي رفضو
فاروق :- والله انت وامك تجيبو الفقر
انا هاخش اوضتي ارتاح جاكم الغم
علي:- يعني اللي بتعمليه ده ياما علشان اتفقتي انتي وابوي تجوزوني
طيب والله العظيم ما افرط في مرتي
ومانا قاعد لكم في البيت
قومي يامروه لمي هدومنا وقدامي علي بيت ابوكي
مروه:- بالله عليك ياعلي بلاش
دول مهما كان امك وابوك معلش ياعلي نستحمل
هنيه:- شوف العقربه بت العقربه
علي:- خشي يامروه لمي هدومك
عليا الطلاق لو ماسمعتي الكلام
لاسيب البيت وامشي ماتشوفيني تاني
جريت مروه علي اوضتها
لمت حاجتها هي وعلي في شنطه
وخرجت مع علي راحو بيت ابوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محمد رايح يشوف العمال اللي شغالين
قابل في الطريق علي ابن فاروق
وكان معاه مراته وشايل شنطه في ايده
