_صبر_الجبال. الفصل. ٩
محمد ولوجين قعدو يتكلمو في موضوع امل
لوجين قالت له. معلش دي مهما كان
هي اللي ربتك وتعبت معاك
محمد:- انا ما بنكرش ده.
بس بجد يالوجين دي كانت مش مدياني فرصه حتي اختار اللبس اللي بلبسه
لوجين:- يادكتور ماهو علشان ربنا ما رزقهاش باولاد
صدقت مالقتك وبقت تترجم حرمانها بالتحكم فيك
عايزاك تكون ملكها ومش حابه اي حاجه تاخدك منها
هي حاسه انك لو ارتبطت بحد
هتتخلي عنها
لانها من جواها عارفه ان بعدك عنها
هيخليك تاخد فرصه تدور علي اهلك
بالظبط زي ماخلت اونكل احمد يسيب اهله.
وينقطع عنهم ويعيش معاها لوحدهم
محمد:- طيب اعمل ايه
لوجين:- كلمها وقول لها انك هترجع
وروح اقعد في البيت
وبعد كم يوم
هننزل تاني الصعيد
يمكن نوصل لحاجه
محمد:- مبسوطه انتي من رحلة الصعيد
لوجين /- يااااااه يامحمد
مش قادره اوصفلك الانبهار اللي كنت فيه وانا هناك
احنا بنسافر اوروبا
ونسافر بلاد كتير
ومش شايفين بلدنا وجمالها
بجد عمري ماحبيت اماكن ولا ناس
زي اللي هناك
محمد:- علشان كده مهتمه اننا نروح
لوجين طبعا
محمد طيب انا هكلم امل
وهنروح انا وانتي سوا بعد الشغل
لوجين لا روح لوحدك
محمد:- لازم تجي معايا علشان اتاكد
هي حست بغلطها ولا هتكرره تاني
لو شافتك معايا
لوجين:- اوك ماشي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيشه بعد اخواتها ما مشيو
ادت الفلوس ل حسين
وقالت له. خد حبيبه
وروح شوف اجرائات العمليه
مني قالت. انا هروح معاهم علشان اشيل اختي وابقي جمبها في الكشف
عيشه. انتي حامل يامني
والسفر واعر عليكي
وبعدين حسين اخوها برضك
الحاج حسن قال.
حسين والنعم فيه
بس لازم حد يروح معاهم
وانا هاروح معاهم.
يامنه:- تروح فين ياحسن
دانت رحت قنا اللي جمبينا
راجع تعبان
هتقدر تروح مصر
الحاج حسن:- اهو بالمره اكشف انا كمال علي ركبي وتكون حبيبه متطمنه شويه وانا معاها
وافقو ان حسين. والحاج حسن وحبيبه يسافرو
في اليوم التاني.
جهّزت عيشه حاجتهم
وودعتهم هي ومني
ووصلوهم لمحطة القطر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محمد. خد لوجين
وراحو البيت
فتحت لهم امل.
وسلمت عليهم
وكانت فرحانه جدا برجوع محمد
وما ابدتش اي زعل من وجود لوجين
وده اللي خلي محمد يرتاح لكلامها
وفضل يجهز معاها الاكل
وكان احمد قاعد يتكلم مع لوجين.
وسألها عن امها
امل سمعتهم
سابت. اللي في ايديها. وراحت عنده
وقالت بصوت عالي
ماتروح تتطمن عليها بنفسك
طالما مشتاق تسمع اخبارها كده.
محمد:- جه بسرعه من المطبخ وقال ياماما مايصحش كده
هو بيسالها عادي
امل:- ماهو لو سأل عن حد تاني ماكنتش اتكلمت
بس الظاهر ان الاستاذ بيحن للماضي
محمد. ياماما. لاحظي ان اللي بتتكلمي عليها دي
ام لوجين. مايصحش الكلام ده في وجودها
امل. اسكت انت يامحمد. انت ماتعرفش حاجه
محمد بغضب
لا اعرف
اعرف انه اختارك انتي.
وفضلك عن اي حد
وعارف انه لو كان عايز حد غيرك
مافيش حاجه كانت هتمنعه
لاكن انتي اللي دماغك كلها هواجس
ان الكل بيتآمر عليكي
وعايز ياخدنا منك
احنا مافيش حد هياخدنا منك
انتي اللي بتضيعينا بأيديكي
