#صبر_الجبال الفصل (الاخير)
الدكتور المتابع ل حالة مني
قال ل محمد انها بقت كويسه
وممكن يكتب لها علي خروج
محمد قال له ياريت يادكتور
الدكتور قال له اهم حاجه تفضل جمبها وماتخليهاش تتعصب ولا تتنرفز
محمد ان شاء الله يادكتور
محمد قال ل لوجين ان الدكتور هيكتب ل مني علي خروج
لوجين قالت طيب الحق انا اروح اوضب اوضه ل مني
واجهزهالها في الفيلا
محمد:- تاعبينك انتي واهلك من ساعة ماجينا يالوجين
لوجين:- عيب عليك ماتقولش كده
اهلك هم اهلي
واهلي هم اهلك وبعدين انا لو عملت ايه
مش هوفي استقبالكم ليا في الصعيد
محمد:- اصيله يا لوجين ربنا يحفظك ويبارك لي فيكي
خرجت لوجين
وفضل محمد في المستشفي
خلص اجرائات خروج مني
وخدها هو وحسين وحبيبه وعيشه والمهندس علي
وراحو الفيلا عند لوجين
اتفاجئو بوجود امل هناك
سلمو وقعدو
محمد قال يلا نطلع مني اوضتها
لوجين قالت
معلش استني شويه يامحمد
هوضب حاجه في الاوضه
وطلبت من امل تروح معاها
وبعد شويه لوجين نزلت وقالت
يلا كلنا نوصل مني اوضتها
خدوها وطلعو فوق
فتحو الباب
لقيو محمد اول ماشافهم
نطق وقال امي
وجري علي مني اللي كانت هتموت من الفرحه
صوتها العالي بصرخة ولدي
ودموعها النازله زي النهر
وسجدة عيشه علي الارض
ومنظر حسين لما شاف ابنه وجري عليه
وبكا حبيبه وفرحتها برجوع ولد اختها
كل ده مايجيش في اللي جوا محمد حاجه
محمد واقف هيتجنن
ايه اللي بيحصل ده
اذاي وكيف وميتي
محمد افتكر نفسه بيحلم
امل قربت منه وقالت له
محمد هو الطفل اللي ماكانش يتكلم
اللي جه مع الاطفال وكشفت له عند الدكتور اشرف
لوجين اول ماشافته عرفته
وهو عرفها
لوجين قالت لي انه هو ده محمد
واتفقت معايا نعملهالكم مفاجأه
محمد بص بعنيه اللي الدموع غيرت لونها
بنظرة شكر مع حب
بادلته لوجين بابتسامة خجل وعشق
عيشه قامت وقالت
شفتي يامني يابتي
الصبر والدعا اللي يطلع من القلب لربنا نتيجته ايه انا افتكر قبل رجوع محمد
خدت ليله وانا ادعي من قلبي بدموع
وقعدت اترجي ربنا بلهفه اني اشوفه
ويرجع لي
ابوي الحاج حسن الله يرحمه
قال لي
السيده عائشه سمعت واحده كل شويه تحلف وتقول ( لا واللي رد التوب القطيفه .. لا واللي رد التوب القطيفه ) ! ف استغربت من حلفانها ! و سألتها ايه السر ؟! فقالتها انها كانت بتشغل خدامه ل احدي العائلات .. وف يوم ادوها اكل ملفوف في قماشه من قطيفه ف وهي رايحه توصل الاكل وشيلاه علي راسها جه طائر ضخم زي النسر اسمها ( حِدايه ) وقامت شايله الاكل برجليها من علي راس الست وطارت !! .. ف راحت قالتلهم ان الاكل الطير خده منها ! محدش صدقها وقالوا هيقموا عليها حد السِرقه وفعلاً الناس اتجمعت علشان يقطعوا ايديها.. والست تبكي وتقول يارب بكل قوتها ف عز ضعفها ! فجأه جت الحِدايه ورمت القماشه القطيفه اللي فيها الاكل في المكان اللي الناس متجمعه فيه !! فبكت من الفرحه ان ربنا سمعها وبرأها وبقت تحلف بربنا اللي خلي الطائر يرجع التوب القطيفه اللي فيه الاكل ونصرها
