مرحبا اني اسمي رقية عمري 19 سنة عايشة بالحلة وعدي صديقات ثنين (مريم و طيبة) ذني اقرب صديقات الية من المتوسطة لحد هسه احنه سوة طبعا تعرفت على مريم بالاول متوسط وبعدين بالثاني تعرفنا على طيبة صارت علاقتنا كلش قوية يعني مو بس علاقة صديقات وخوات هم طبعا احنه الواحد اذا يشوفنه يكول ذني شلون صارن صديقات يعني ليشوفنا اكو اختلاف بتصرفاتنه واني عكس مريم وطيبة مو اجتماعية يعني مااحجي بس وياهن بس الواحد اذا يعاشرنة يشوفة نفس الطينة ونفس الخبالات ونفس التفكير....
كملنا المتوسطة سوية والاعدادية هم سوية وصلنا للسادس وشدينه حيلنا وطلعنه معدلات عالية....
طبعا احنه جان حلمنا نروح ندرس طب بتركيا لان كلش نحب تركيا.....
قررنا نقنع اهلنا نروح لتركيا ندرس بس جانت اكو مشكلة وحدة وهي انو احنه تلاثتنه اهلنا صعبين يعني اذا كالوا لع يعني لع...
جنه خايفات من هاي الشغلة....من الخامس اعدادي واحنه نقنع بيهم طبعا اول ما فتحنا وياهم الموضوع جان الجواب هو الرفض طبعا حقهم هيج يجاوبون لان يخافون علينه...
بس احنه ما استسلمنه وضلينه انقنعهم ويوم من الايام رحنه لمريم اني وطيبة علمود نقنع اهلها طبعا اتفقنا وحده اتقنع اهل الثانية رحنه وحجينه ويه ام مريم وتقريبا اقتنعت بحجينه وام طيبة كذالك و راحن هنه وهم قنعن امي....
جنه خايفات خاف يرفضون بس بيوم من الايام اهلي صاحوني وكعدو يحجون وياية وكلولي احنه نخاف عليج ولتخلين بالنه عليج واتصلي علينه كل يوم ومن هذا الحجي....اني لساعني ما مفتهمه السالفة شنو ضليت صافنه....
بعدين كلولي انو همه قبلوا اروح لتركيا...طبعا اني اهنا الفرحه ما وسعتني بس بعدين تذكرت صديقاتي وكلت مااعيفهن وحدهن اذا نريد نروح نروح اتلاثتنه....
رحت حاجيتهن على الفايبر وكتلهن وافقوا اهلجن لو لا؟؟؟
وللاسف جان الجواب لا ماوافقوا اني كتلهن اهلي وافقوا....
ورة يومين ردلي خبر انو اهلهن وافقوا من سمعوا اهلي وافقوا...
طبعا اهنا الفرحه ماوسعتنا اتلاثتنه....
رحنه للسوك واشترينه ملابس واحذية وجنط وعطور ومكياج و اكسسوارات ماخلينه شيء ما اشترينا....
قدمنا للكلية وقبلونا وهنا كملت فرحتنا اكثر.....
خلصت العطلة واحنه نخطط ونحضر ومامصدكات...
وباجر راح نروح لتركيا كاعدات نحضر جنطنا ونحجي على الفايبر....
رحنه وصلنه للمطار وطبينه وسلمنه الجنط وانتظرنه وكتيش نركب بالطيارة...
كاعدات نسولف ونضحك ونطك صور ومتونسات على الاخر....
ركبنه بالطيارة وهمزين وحدة بصف الثانية وكاعدات نسمع اغاني وسوالف....
وصلنا لتركيا ونزلنا من الطيارة واستلمنا الجنط مالتنه وطلعنا.....
*****************
اتمنى تعجبكم^^^^
لا تبخلوا علينا بالتصويت والتعليق^^
أنت تقرأ
حلمنا في تركيا
Romantikثلاث صديقات حلمهن يدرسن بتركيا... لكن سيواجهن الرفض من الاهل... لكن بعد معاناة تتم الموافقة من قبل الاهل.... يذهبن الى هناك من اجل الدراسة لكن لا يعرفن ماذا كان يخبئ القدر لهن.... سوف تنقلب حياتهن رئسا على عقب... لكن ياترى هل سوف تحل هذه المشاكل ام...
