حلمنا في تركيا

البارت(18)

ممكن نتعرف؟؟

يعني شكد عمركم؟

من وين؟؟

شنوو اسمكم؟؟

حبيت اتعرف عليكم😊😊
~~~~~~
ضلينة نسولف اني وياها كتلها خلي نطلع اليوم كلتلي حبيبي والله مااكدر عدي امتحان اني هنااا ذبت و معت من كلتلي حبيبي تغيرت رقية الي اسمع منها كل يوم اهانة صدوك طلعت هاي البنية ملعونة يعني جانت تحبني بس متظهر هذا الشيء واني حمار مافهمت شيء.....
كتلها شنو! عيدي الي كلتي طبعا عرفتها خجلت وماعادتها وكلتلي طيبة صاحتني ويمكن المحاضرة راح تبدي...
طبعا عرفتها كعدة تجذب بس علمود تتهرب لان طيبة كاعدة يمها هي ومريم اسمع صوتهن يسولفن....
ختمت المكالمة وياها شفتها صارت بال10 ونص كلت خلي اكعدهم لان بعد منلحك عدنه محاضرة بال11 صدوك كعدتهم بدلنه ورحنه حتى ما تريكنه لان بس نتأخر مندخل للمحاضرة وللاسف احنه تبدي محاضرتنه هي تطلع من الكلية لهذا اليوم ماراح اكدر اشوفها....
من خلصت المحاضرة رحنه للكافتريا اكلنه وكعدنه نسولف فكرت اخابرها..
خابرتها ماردت خابرت مرة ثانية طلعتلي مريم وكلتلي رقية نايمة لان تعبانة من الدوام...
كتلها اهاا اوك اسف على الازعاج سديت الموبايل وفكرت وكلت اني شكد غبي يعني هي اكيد هسه نايمة هووف اشتاقيتلها اريد اشوفها شيخلص الدوام هسه....
دخلنه للمحاضرات رجعنه الساعة بال4 جنه هلكانين.....

كيان: كمال كوم احمي الاكل حباب والله مابية حيل اكوم احمي...
كمال: دروح لعد اني البية حيل، خلي حسين يكوم...
كيان: مو حسين بالحمام طب يغسل....
كمال: خوش لعد اني راح انام كووم احمي اته وازقنب...
كيان: لو كايم من البداية مو احسن ماانزل من كرامتي...
كمال: تعب شدامك ولا تتعب لسانك...
كيان: ديلاا نام نام...
كمال: ههههه نمت..

طلعت من الحمام لكيت كمال نايم وكيان كاعد ياكل كعدت وية واكلت....
 °•°•°•°•°•°•°•°•°•°•°•°•°•°•
البنات^^^

  كعدت الساعة بال3 من النوم كعدت جوعانة لان مااكلت هواي...
حميت الاكل واكلت لكيت طيبة ومريم كاعدات يسجن مدري شعجب اول مرة مينامن والله هو حقهن لان المادة صعبة الي راح نمتحن بيها...

طيبة: واخيرا جعتي..
رقية: ههه ايي...
مريم: ولللللج رقية شنووو هاي!!
رقية: صمالله! شكو ولج! لتخرعيني مرتوج ماعايزة ترة...
مريم: طالعتلج هالات سودة جوة عينج...
رقية: كبرر حتى كبر والله عسبالي شيء مهم..
طيبة: طبعا مو شيء مهم بالنسبة لست مريم...
رقية: اييي...كملتن دراسة؟.
مريم: بعدلي 3 اوراق...
طيبة: 5 اوراق...
رقية: حلووو خوش تقدم...
مريم وهي تعيب: احسن منج...
رقية: شوو هيج صارت..
طيبة: صدوك نسيت اكلج..
رقية: شكو يا ساتر!!!
طيبة: صهري العزيز اتصل...
رقية: حسسسسين!! وكتيش اتصل ولجن ليش ماكتلي...
مريم: اتصل الساعه بال1 واتي خطية جنتي نايمة اني بالبداية ماردت اجاوب بس من دك مرة ثانية رديت بس لتخافين ماكتلة على عماد...
رقية: ايي عفية ببنيتي الوردة همزين ماكتيلة....