دخلنة للكافتريا وشفناهم كاعدين...
شافونة دخلنة رحنة للميز الي كاعدين بي....
وصلنا للميز الي جانوا كاعدين بي...
حسين: يا هلا وكل الهلا....نورتن.....(يحجي ويباوع عل رقية)
كيان وهو يأشر عل ساعتة: تأخرتن عشر دقايق...ههههه
طيبة: والله النومة اخذتنة لهذا تأخرنة....
كمال وهو يغمز لطيبة: يعني متعترفن انو تتأخرن بالتبديل والميكب مدري شيسموة....
رقية: اكلك شو كاعدنة ركبة ونص...عل كيفك ويانة..
حسين: تريدن تشربن تاكلن شيء؟؟؟
رقية: بالنسبة الية مااريد شيء....
مريم&طيبة: اني هم مااريد...
حسين: صدك رقية ردتي تكليلي شيء...اذا تريدين نكعد عل انفراد عادي هسة نكوم ونكعد بغير مكان....
رقية: ﻻﻻ ماكو داعي ماكو احد غريب....
حسين: اوك..يلة كلينة شنو عدج.؟؟
رقية بتوتر: بس بالبداية اوعدني ماراح تعصب وراح تظل تسمعني للاخير...
حسين: اوك ماشي..وعد اسمعج للاخير...
رقية: طبعا اني حبيت اكول هذا الشيء كدام الكل لان مااريد اضم شيء عليك اني البارحة......البارحة حجيت ويةة عماد....
حسين وعلامات الغضب عل وجهه: شنوو كلتي...عيدي عيدي ما سمعت عدل؟؟.
رقية بخوف: حسين انتة مو كتلي راح تسمعني للاخير وبدون عصبية...وعدتني بهذا الشيء..
حسين بعصبية: كملي...كملي لا هسه اكوم ارتكب بعماد جريمة....
رقية: حجيتلة كلشي من الالف للياء....
حسين بعصبية: وشلون تصدكين بي....جوز كاعد يمثل ترة مو بعيدة علية هيج شغلة....
كيان: رقية ليش رحتي حجيتي وية؟؟ احنة مو اتففنة بعد مالنة علاقة بي...
مريم بأستفزاز: والله انتة لو تسكت احسلك....
كيان: عفوااا !!!!!! الي سمعتة صح لو غلط....
مريم: بكيفك والله صح غلط اني معلية....
طيبة: كافي شبيكم صلو عل محمد شبيكم كبيتوا واحد يتعارك وية الثاني ولا كأنما قبل شوية جنة واحد يضحك بوجي الثاني....
كمال: صدك شبيكم...كافي يلة واحنة شعلينة بعماد هو حجة قصتة لرقية واذا جانت صح او غلط احنة معلينة وهي كالت اذا اجة طلب مني احجي وية مرة ثانية ارفض...كافي لتكبرون الموضوع....
رقية وهي تحط ايدها عل ايد حسين: والله اسفة حبيبي....وعد مااسويها بعد..
حسين: مااشي...هاي المرة راح امشيها بس مرة ثانية ﻻ تعذريني....
مريم: وينها ست الحسن مالتك؟.؟
كيان بأستغراب: عفوا تقصدين علية؟؟
مريم: ﻻ عل ابوية لعد عليمن...اي عليك..
كيان:والله حبيبتي هسه بالمحاضرة...يمةة فديتها شكد اشتاقيتلها مكانها خالي....
مريم بأستفزاز: ﻻ والله متروس وين نكعدها بعد....
كمال وهو يحاول يغير الموضوع: شنو رأيكم نطلعنة طلعة مرتبة ورة امتحانات اخير السنة لان بعد منشوف بعض ونرجع للعراق....
رقية: والله فكرة تجنن....
حسين: مااعرف ليش انقبض كلبي من سمعت راح افترق عنج...(يحجي ويباوع عل رقية)
رقية: لتخاف راح نظل عل تواصل....
كمال وهو يباوع عل طيبة: احم احم....اريد جواب عل العرض مالتي اعتقد طولتوا هواي...
الكل ضحك عل حجي كمال..
طيبة بخجل: اووف كمال لتخجلني...
مريم: بس دقيقة...دقيقة خلي استوعب الي كاعدة اسمعة صح لو لا اكلكم سمعت اسم كمال لو اني غلطانة؟؟!!!
طيبة بأستغراب: ياااا شبيج تخبلتي...
كمال: ايي مريم...الي سمعتي صح...
مريم بهمس لكمال: لك بالغرفة مال القسم كلة كمولي حبيبي وكلبي ماكو اسم كمال كلة كمولي....
كمال وهو يضحك: ههههه لعد لازم تسويلي صورة وصوت حتى اشوف لان يمي ماكو جفاف...
أنت تقرأ
حلمنا في تركيا
Romansثلاث صديقات حلمهن يدرسن بتركيا... لكن سيواجهن الرفض من الاهل... لكن بعد معاناة تتم الموافقة من قبل الاهل.... يذهبن الى هناك من اجل الدراسة لكن لا يعرفن ماذا كان يخبئ القدر لهن.... سوف تنقلب حياتهن رئسا على عقب... لكن ياترى هل سوف تحل هذه المشاكل ام...
