كعدت اقرة واقرة لحد ماضجت كلت خلي اطلع اشتم هواء شوية طلعت بالبلكونه واخذت وياية الملزمه كعدت على الكرسي وكعدت اقرة جنت كلش مندمجه وية القراية لحد مااشوف ملاك يطلع كبالي اكيد عرفتوا منووو...
الشاب نفسة لي لوحلي بأيدة المهم وجان هو هم كامش ملزمة يعني الظاهر هم كاعد يقرة...
هو ماانتبهلي بس اني ضليت صافنه علية نسيت الملزمه اصلا...
لحد مااسمع صوت عركة جووو واشوفيها عالكة....
نزلت ليجوة ركض...
________________
مريم&طيبة^^^^
نزلنا جوة بالمتنزة كعدنه نتمشى شوية ونسولف ونضحك شوية ترفيه عن النفس بعدين كعدنه ضلينه شوية كاعدات هم نسولف وماخلينه وحدة فاتت من يمنه تعتب علينه كلهن حجينه عليهن وطلعناهن كسر......
بعدين شفناها صارت الساعه بال10 كلنه خلي نروح احسن لان خطرة نظل لهيج وكت.....
المهم جنه كاعدات نمشي نروح للقسم واجو ثنين ورانه يتحارشون بينه طبعا همه مبينين من القسم مالتنه ضلوا يذيون حجي واني ومريم ضلينه نمشي بعد كتلها لمريم خلي نفلت ضلينه نركض بعدين لزمونه من ايدينه اني ومريم ضلينه نرجف بس من شفناهم تفاجئنا شكلهم مو غريب حاولت اتذكر منو!! منو!! طلعوا النذلين الي ويانه بالكلية الي يباوعون علينه....
بعدين من شوفلج اله واحد يجي من وراهم وضرب بوكسات علكت اني ومريم تحنطنه بمكانه منكدر بعد نتحرك وبعدين منشوفلج اله ثنين اجو هم صارت ضرب بوكسات ضلوا يضربون بذلوا الي جانوا يتحارشون بينه يمكن اصدقاء الشاب بعد الله اعلم مندري.....
ورة شوية اجتي رقية حضناها ثنينه لان جنه كلش خايفات وضلينه نبجي وهي تهدي بينه لان الموقف الي نحطينه بي موقف لا يحسد عليه بشارع فارغ تمشين بي وبعدين يجوج ثنين يتحارشون بيج شتتوقعين يصير بيج....
المهم ذولوا الي تحارشوا بينه بعد ماصارت ضرب وبوكسات شردوة بس شسووة بيهم دموهم....
الشاب: كافي بجي يللا راحوا...
رقية: مااعرف شلون اشكركم يعني لو ماانتوا جاا هسه صديقاتي راحن مني...
كمال: ههه عادي مو اول مرة توكعن بالمشاكل...راح اسميجن صاحبات المشاكل...
رقية:هههه ونعتذر منك مرة ثانية ونوعدك بقميص جديد هم....
بعدين انتبهت هذا الشاب الي جان واكف بالبلكونه هم موجود وهو جان يباوعلي عزززة شكد خجلت...
الشاب: اعرفكم عن نفسي اني كيان...
رقية: تشرفنا بيك واني اسمي رقية...
دغيت طيبة ومريم علمود يسلمن لان فشلة واكفات جنهن صنم..
طيبة: اوووه اهلا بيك واني طيبة...مااعرف شلون اشكرك لو مانته تجي جا مااعرف شصار هسه...
مريم: اشكرك كلشش واهلا بيك اني اسمي مريم...
كيان: اهلا بيجن...شنو حسين مناوي تعرف على روحك...
حسين: اووه مرحبا اني اسمي حسين...
مريم: اهلا بيك...
طيبة: اهلاا...
رقية اني ضليت صافنه وكلت بداخلي (فدوة شكد يخبل ملاك والله ملاك) اهلا بيك....
كمال: واني مااعتقد اكو داعي اعرفكم عن نفسي...
كيان: ليش تعرفهم من قبل؟؟؟؟
كمال: ايي اعرفهم موو اليوم سولفتلكم عن البنية الي انطخت بيه....
كيان:اهااا ومنيه جان تعيسة الحظ....
باوعت الطيبة احسها طبت جوة ملابسها من كثر الخجل....
اشرنه اني ومريم على طيبة وكلنه....
مريم&رقية:للاسف طيبة تعيسة الحظ...
ضحكوا كلهم وكال حسين بس حسيتها بعصبية...
حسين: واتن شعدجن طالعات برة بالليل؟؟؟
مريم حجت بس بتلعثم لان حسيتها خافت: هيج...طلعنا..نشتم هواء...
قاطعتها: بأختصار تغير جووو...
حسين بعصبية: واكو تغير جووو بهل ليل واتن بلد غريب شلون اطلعن بليل وشلون امنو اهلجن يلوجن تجن وحدجن....
رقية بعصبية: اعتقد اته مو مسؤول عنه حتى تصيح علينه هاي اولا وثانيا احنه بكيفنا وبمزاجنا وكتيش منطلع نطلع وثالثا شسوينه حتى تكول شلون اهلجن دزوجن شايفنه احنه الي تحارشنه بالولد بهي بهي وجاي يتحكم بينه بعد يلاا بنات امشن خلي نرجع للقسم ميعجبني احجي ويه هيج نماذج....
مشينا نرجع للقسم وسمعته كال طبجن طوب بدال ماواحد يخاف عليهن...
طبعا اني امشي وصايرة نار شلون يحجي هيج بصفته شنوووو! ابوية لا اخوية لا حبيبي لا زوجي لا بصفته شنوووو!! وجماله الي يقهر يكول اهلجن شلون امنو واجيتن اهنااا شيقصد بهذا الحجي!! شيقصد!!!....
رجعنه للقسم طبينه للغرفة وطبكت الباب حييييل....
مريم: شبيج على كيفج...
رقية: سكتي مريم كافي يلاا اريد انام...
طيبة: صح هو كلامه يخلي الواحد يزعل بس هو جان من باب الخوف علينه...
رقية: وبصفته شنو يخاف.....
طيبة: يا حبيبتي من باب الاخوة....
رقية: لا اخوة ولا بطيخ...
مريم: دعيفيها تدرين بيها راسها يابس...
رقية: ومنوو هو حتى يتدخل ويتحكم ويضل يسئل لا ونوب يعصب بهي بهي...والله هم يلوك استغفرالله الله ربي واتوب اليه..
مريم: ايي ندري بيج متحبين واحد يتحكم بيج بس اتي هم اجاوزتي عليه بالحجي...
رقية: يستاهل...يللا كافي اريد انام تعبانه...
نمت ورة شوية نامن طيبة ومريم يمكن....
•••••••••••••••••••
اتمنى تعجبكم^^^
لا تنسوا التصويت والتعليق^^^
❤❤❤❤❤
أنت تقرأ
حلمنا في تركيا
Romanceثلاث صديقات حلمهن يدرسن بتركيا... لكن سيواجهن الرفض من الاهل... لكن بعد معاناة تتم الموافقة من قبل الاهل.... يذهبن الى هناك من اجل الدراسة لكن لا يعرفن ماذا كان يخبئ القدر لهن.... سوف تنقلب حياتهن رئسا على عقب... لكن ياترى هل سوف تحل هذه المشاكل ام...
