حلمنا في تركيا

البارت(31)

رقية: ما شفتي حالتة شون صايرة خلي اروح وافهم منه وعد مني اذا طلع شيء تافهه مااطي وجهه مرة ثانية....
مريم: يلة روحي قبل ميجي السايق..

رحت لعماد وشفته كاعد عل المصطبة....
وكفت كبالة وكتلة...

رقية: يلة استاذ عماد اطربنة شنو عدك.....
عماد: دكعدي بالاول....
رقية: كعدت....تفضل احجي شنوو عندك....
عماد: رقية اني أسف عل كلشي سويتة وياج....
رقية بأستهزاء: جنت متوقعة راح يطلع شيء تافهه مثل كل مرة....
عماد: جان عمري 18 وتعرفت عليها...جانوا جيرانة...
رقية قاطعتة: شكاعد تخربط؟!!
عماد: حبيتها كلش وهي هم نفس الشيء...جان عمرها 17 سنة اهلي اصروا علية اروح ادرس بتركيا طب عام....جنت مااريد اعيفها جنه اني وياها واحد متعلق بالثاني حبيتها من كل كلبي...كلت هي هاي ام بيتي وجهالي....
(يحجي ويبجي)...رحت لتركيا وظلينة نبجي اني وياها طول الليل لان راح نتفارگ....صح اكدر اخابرها بالموبايل بس مو مثل شوفتها.....احس روحي ترتاح جنت اذا مااشوفها مااكدر اتنفس جنت اعتبرها الاوكسجين مالتي...
جانت كلشي بحياتي....رحت لتركيا واهملت دراستي جنت احجي وياها وماافارگها يوم واحد....بس للاسف ما طلعت معدل عالي واهلها ماقبلوا يخلوها تدرس بتركيا...جانوا يخافون عليها كلش....بيوم من الايام صارت مشكلة بين اهلي واهلها...بس اني جنت بتركيا ومحد كلي عن المشكلة الي صايرة حتى من حاجيتها حسيت اكو شيء صايرة مبين من صوتها بس ما كلتلي.....راحت هندسة جنت خايف عليها من عيون الشباب تمنيت لو جنت وياها بنفس الكلية.....اهلي واهلها انگطعت علاقتهم بعض صار واحد يكره الثاني....ظليت كل سنة ارسب صار عمري 20 واني مرحلة اولى...ههههه جانت تكلي راح اتخرج واته بعدك بالمرحلة الاولى....رجعت للعراق و قررت اخطبها لان بعد مااتحمل بعدها عني وجان عدي استعداد اتزوجها بنفس اليوم فاتحت ابوية وامي بالموضوع بس....استغربت من ردة فعلهم جانت كلها حقد وكراهية...رحت حاجيتها و شرحتلي كلشي كلتلي جنت خايفة عليك من اكلك الموضوع.....قررت اروح افاتح ابوها بالموضوع كتلة بس طردني من بيته وكلي مستحيل ازوج بتي لواحد مثلك....عرفت بذاك الوكت ابوها واخوها عرفوا بيها تحبني موتها من الكتل.....بس ابد مااستسلمت وظلت تكول مااتزوج غيرة....احبة وهو يحبني ليش تفرقون بينه...كلتلهم اذا متزوجنيا انتحر....بذاك الوكت محد صدكها واعتبروا حبنه حب عادي محد قبل يسمعنة...بيوم من الايام سمعنه صريخهم طلعت برة حتى اشوف شكو....وياريتني ما طلعت انتحرت تعرفين شنووو انتحرت....بذاك الوكت لا ليلي ليل ولا نهاري نهار....من اليوم الي عافتني بي وانتحرت حسيت روحي ميت مثلها.....من ماتت كمت اشرب وادور سوالف مكسرة ونسوان حتى انساها  بس للاسف ماكو فائدة ماااااكو.....جان اسمها سلوى تذكرين من مرة غلطت بأسمج وكلت سلوى تدرين جنت اتخليج سلوى لهذا صحتلج بأسمها....صارت بية حالة نفسية بس من شفتج بالكلية اول يوم حسيت تصرفاتج وشكلج وكلشي بيج يشبه سلوى.....لهذا حاولت اتقرب منج حتى كلما اشوفج اشوف سلوى كدامي....حاولوا اهلي يعالجوني من حالتي النفسية بس ماكو فائدة....حتى صار بية تسمم بسبب الشرب....بأخر فترة ادهورت اوضاعي لان جان بذاك الوكت الي صار بية تسمم جان ذكرة وفتها....كثرت من الشرب حتى انسى كلشي بس....مافاد شيء.....حتى التصرفات الي جنت اتصرفها وياج جانت مو بأرداتي...بس هسه بأخر فترة قررت اتعالج حتى ارجع عماد القديم...رحت لدكتور نفساني وعالجني...وهاي الفترة الي ماداومت بيها جنت اتعالج...والحمدلله تعالجت ورجعت مثل قبل وعيت عل تصرفاتي الي سويتهن وياج.....وقررت اهتم بدراستي وادرس لان جانت سلوى تكلي حبيبي اريد اشوفك اشهر دكتور بالعراق....لهذا قررت احقق حلمها...اتمنى تقبلين اعتذاري.....
رقية: صراحة....مااعرف شكلك مريت بهواي اشياء وحقك يصير بيك هيج...بس مااعرف اذا كدرت اسامحك...(كمت وعفته)..
عماد: المهم كتلج الموضوع وعرفتي سبب تصرفاتي....وراح اظل اكلجياها للمرة المليون أسف...