طيبة بأستغراب: اوكفي!!اوكفي شو اتي من رجعتي وية حسين جنتي واكفة على اعصابج هسة شغيرج خانوم؟؟!
رقية: بعد مااتحمل اضم عليجن اكثر، لازم احجي...
مريم: لججج احجي شكو شصاير...
رقية: حجيتلهن كلشي من الالف للياء مابقيت شيء مكلته...
طيبة بصدمة: يااااا ملعونة هذا كلة صاير واحنه كاعدين مثل الاطرش بالزفة...
مريم: عززززة بعينج شلون اجتلج الجرئة تكليلة اني هم احبك!!!
رقية: ولجن هو اني ماادري شلون طلعت من حلكي اصلا اني بالبداية ردت اكلة مااحبك بس بعدين فكرت وكتلة الحقيقة....
مريم: عفيةةة بيج..
طيبة: يعني هسة حسين ورقية الي مكضيها كلة عركات صاروا حبيبين....
رقية: سبحان مغير الاحوال...
مريم: برمشت عين كلشي تغير...
رقية: انشالله يوم الجن...ترة كيان وكمال بعدهم عزابية...
طيبة بخجل: لججج انجبي، ماكو هيج شيء....
رقية: الايام بيننه وهي تحكم ونشوف...
مريم: لازم نحتفل بهاي المناسبة....
طيبة: وبيمن نحتفل كلشي مامحضرين!!
مريم: عدي فكررررة...
راحت مريم للمطبخ وجابت كيكة صغيرة ام ربع وبيها شمعة....
رقية وهي تضحك: لججج شنو هاي ميل جبتيها؟؟!
طيبة: هههه خبلة...
مريم: اليوم بالكلية اشتريتها وشفت هاي الشمعة عجبتني واشتريتها الظاهر من نصيبج ذني رقوشششتي...
رقية: يااااي فديتج حببي، كمت حضنتها وبستها...
مريم: تستاهلين يعمري انتي وحسوني...
رقية:لجج منو هذا حسوني؟؟
مريم: ليش اكو غير حسين!
رقية: وللج شو من هسه بديتي ادلعي...
طيبة كامت وكفت يمنه: طبعا لعد شلون مندلعة هذا صهرنا العزيز حسوني...
رقية بخجل: انجبن ولجن....
حضنني ثنينهن واني هم حضنتهن كلششش فرحت جنت متوقعة المشاكل خلصت بعد ماكو شيء راح يوكف بطريقي بس للاسف جنت غلطانة.....
مريم: ولجن ماعت الكيكة...
طيبة&رقية: ههههه..
مريم: يلاا تعاالن خلي نتقاسمها سوة....
كعدنه ناكل الكيكة ونسولف تونسنه بكتها كلششش حتى نسيت رجعتي للعراق جنت مقررة بس نرجع من الطلعة افتح الموضوع وية طيبة ومريم بس هسه غيرت رائي....
¤¤¤¤¤¤¤¤¤¤¤¤¤¤¤¤¤¤
الشباب^^
طبينه للغرفة وكالعادة بدة كيان العصبي يصيح....
كيان بعصبية: صدك تحجي اته يعني لازم تخرب علينه الطلعة...
حسين برود: شسويلها هي راسها يابس...
كمال: شصار احجينه خلي نشوف منو الغلطان...
حسين ضحك...
كيان بعصبية: شلون هسه اكوم اضربة بوكس على وجهه...
كمال: لك شبيك انته تخبلت ندري بي خرب الجووو الرومانسي مالتك انته ومريم....
حسين وهو يضحك: خووووورب لا الظاهر فاتتني هواي شغلات....
كيان: استغفرالله، يااا جو رومانسي ولك!
كمال: هاج مالتي السترة ادفي بيها خاف بردانه، لا شكرا مااريد خليها انت ادفئ بيها، اني ادفئ من اشوف عيونج الحلوة، تسلم....
حسين: صدددوك هيج يحجون؟!
كمال: والله..
كيان: لتجذب لللك...
كمال: ما كاعد اجذب اني ويه الحق دائما....
كيان: خلي نشوف هذا الشفية الي كاعد كبالي شلون مال هسه اكوم اكسر سنونه، كول شبيكم ثنينكم رجعتوا وجهكم مگلوب گلاب...
حسين: عل كيفك وياية، حجيتلهم كلشي من الالف للياء....
كمال:چذذذذذذذذذب....
حسين: والله شبيكم فاتحين حلوكم ما مصدكين...
كيان: والله اني لو اشوف كدامي مااصدك يعني معقولة رقية ام الراس اليابس وحسين ابو سنون عوج واحد يحب الثاني لا لا مامصدك....
حسين: لك لتحجي على حبيبتي هيج....
كمال: اوكف شوية شوية علينا لتصدمنه كل دقيقة....
حسين كرصتهم ثنينهم....
كيان: لك اغبر هاي شبيك...
حسين وهو يضحك: حتى تصدكون خاف عسبالكم حلم...
كمال: لك حتى بالحلم تتعاركون....
حسين: ههههه مو لهل الدرجة....
كيان: ديج و دجاجة شتتوقع منهم....
حسين: شووف الاغبر بيمن يشبهنه....
أنت تقرأ
حلمنا في تركيا
Romanceثلاث صديقات حلمهن يدرسن بتركيا... لكن سيواجهن الرفض من الاهل... لكن بعد معاناة تتم الموافقة من قبل الاهل.... يذهبن الى هناك من اجل الدراسة لكن لا يعرفن ماذا كان يخبئ القدر لهن.... سوف تنقلب حياتهن رئسا على عقب... لكن ياترى هل سوف تحل هذه المشاكل ام...
