حلمنا في تركيا

البارت(3)

رقية: اوكفن دقيقة خلي اطلع الملاحظات الي سجلتهن...
مريم: يلااا يل شاطرة..
طيبة: غير تسكت ام اللسان...

كعدت فهمتهن وضلينه تقريبا بالساعتين ندرس لان انكليزي ومادة جديدة....
صارت الساعه بال7 بليل كملنا كلشي كعدن مريم وطيبة يسولفن ويحششن وحدة على الثانية واني طلعت بال بلكونه شوية اشتم هواء نقي اضوج اكعد هواي....
جان اكو كرسي كعدت علية وضليت صافنه وافكر واتذكر مواقف تافهه واكعد اضحك عليهن وكاعدة احجي وحدي مثل المخبلة...
ورة شوية انتبهت اكو شاب كاعد يباوع علية ويضحك على تصرفاتي....
اني هناا صرت طماطه من كثر الخجل...
هو لوحلي بأيدة يعني كاعد يسلم علية عزززة شكد فشلة هسه شسوي اطب للغرفة لو فشلة....
ابتسمتلة وطبيت جوة مااعرف شسوي بعد احس الكاع بعد متحملني وقلبي يدك بسرعه مااعرف شسوي بعد...

مريم: ولج طيبة شوفي هاي الطماطاية شبيها كل ما تطلع للبلكونه ترجع لو مخروعه لو صايرة طماطاية...
رقية: شو دنجبي وعيفيني بحالي...
طيبة: لا مبينه الشغلة جدية احجي بلة المن شفتي هسه....
مريم: اكو غير ذاك الصاك....
رقية: افف ولجن كافي...
طيبة: لج شوفي شلون خجلت...
مريم: صديقتنه وقعت بالحب...
رقية شمرت عليهن المخدة:ولجن كافي لا حب ولا بطيخ....
طيبة: ديلاا احجي ست خجولة...
مريم: يلاا نسمعج كلنا اذان صاغية...
رقية: بهيج شغلات عدج اذان صاغية بس بالمحاضرة تنطرش مووو...
طيبة: لا وجماله كاعدة تحشش وتقصف حضرت جنابها...
رقية: يلاا راح احجيلجن....
مريم&طيبة: يلااا نسمع ست رقية....

جنت كاعدة اني على الجرباية وهنه مربعات وكاعدات بلكاع يسمعن السالفة حجيتلهن السالفة كلها من الالف للياء....

مريم: كبرر لج ليش ما سلمتي عليه حجيتي وياه....
رقية: هو هذا العايز احجي وياه..
طيبة: لا صدك مريم مو من اول يوم تكعد تحجي وياه مصارنه يومين هناا...
رقية: اييي والله واتي تدرين بيه مو ياهو اليجي اثق بي...
مريم: ايي هم صحيح حجيج بس مو تبتسمين وطبين للغرفة...
رقية: لعد بلة شتريدين اسوي خانوم...
مريم: يعني ابتسمي وضلي كاعدة شوية وطبي...
طيبة: مريم شبيج تخبلتي احنه ترة ماعايزنه مصايب....
رقية: ايي والله حجيج صحيح طبطب...
مريم: كبر بدال ماكاعدة انصحهن...
طيبة: احتفظي بنصايحج الج حبي...
مريم: شلون ثنين ثنينهن يتفلسن على الباكلة....
رقية: دنجبي انجبي خلي اكوم اصلي احسلي (بتركيا يأذن الساعه بال9 بليل)...
طيبة: ايي والله اني هم اكوم اصلي...
مريم: صلن واني وراجن...

صلينه وكملنه رحنه نمنا حتى نكعد من وكت لان خاف تاخذنا النومه وتروح علينه المحاضرات....
وقتنه موبايلاتنه بال6 نمنا الساعه بال11 تقريبا....
جنه انسولف ونمنه بدون منحس على روحنه...
هاي المرة كعدت اني الساعه بال6 مدري شعجب كعدت طيبة وراية بعشر دقايق كعدت حطيت الچاي على النار وطيبة راحت تغسل وجها واني رحت اكعدم الثور النايم (مريم)...

رقية: يلااا بومة كعدي الساعه بال6 وربع كعدي...
مريم: ..............
رقية: الاخت بسابع نومة...
قررت اصيح بأذانها: مرررررررررررريم حريق حريق لحكينه..
مريم: هااا شننو شكو احتركنا....شكو كولن....
طيبة: كبر حتى كبر يلاا كعدي....
رقية: هههههه هااا شكو احتركنا ههههه...
مريم: كبر وجماله تقلد اكو واحد هيج يكعد شخص من النوم...
رقية: ايي اني لان اتي ميفيد وياج شيء غير هاي الطرق مال المخابيل..
مريم: بلاا شلون بالمستقبل رجلج هيج تكعدي...
طيبة: لا حبي ذاك الحب انكعدة بوسة ونيمه بوسة شلون يصير هيج نكعدة...
مريم بضحكه خبيثة: ايي مو اكول...
رقية: مو صوجن صوجي اني كعدتجن...
طيبة: دروحي شوفي الجاية مو احترك واتي كومي غسلي يلاا بسرعة...
رقية&مريم: سوووووندس
كرصت مريم وعيبت عليها: رجلي احلى من رجلج...
كرصتني: لا عيني رجلي احلى...
طيبة: استغفرالله كاعدة بحضانه مال اطفال....
طفرنه اني ومريم على طيبة وكعدنه ندغدغها....
طيبة:هههههه ولجن كافي...ههه كافي ولجن...
رقية: سحبي كلامج...
مريم: مال الحضانه....
طيبة: مااسحب لان حجي صدوك...
مريم: رقية حجمي اكثر لحد متسحب كلامها....
رقية: ههههه ايي..
طيبة: ولجن راح اموت من الضحك بعد مااكدر اتنفس...
رقية: سحبي كلامج...
طيبة: اوك راح اسحبة عمي والله امي كاعدة ويه بنات عاقلات مؤدبات ويخبلن فديتهن...هاا رضيتن...
مريم: من كل كلبج هذا الحجي؟؟
طيبة: من كل كلبي....
رقية: ولجن شنو هاي الريحه...
طيبة: جنها ريحه حرك..
مريم: ايي والله..
رقية: ولجن لحكن الچاي احترك...
ركضنه كلنه ورحنه للمطبخ....
طبعا الچاي الله يرحمه جان خوش رجال....
يلاا الله يجعل مسواه الجنه...ههههه..
بدلنه لان بعد منلحك ركض ركض بدلنه عود هاي احنه اليوم كاعدات من وكت مالحكنه نتريك....
ابو التكسي الي البارحه وصلنه كال اذا تريدن اني اوصلج كل يوم ماعدي مشكله وكلنه المبلغ اتفقنه ويه وصار شلون الخط يودينا ويجيبنا طبعا هو رجال كلش جبير وماعدة سوالف منا منا....
اجه علينا واحنه ما متريكات رحنه للكلية وبطنه تقرقر....
~~~~~~~~~~~
اتمنى تعجبكم^^^

لا تبخلوا بالتصويت والتعليق^^^^

❤❤❤❤