حلمنا في تركيا

البارت(12)

رحنه للكافتريا شربنه كهوة علمود نصحصح.....
رحنه للمحاضرة دخلنه وعادي كالعادة الصمت يعم المكان...
بعد الخروخ من المحاضرة..

حسين: هم شفتوا البنات؟؟
كيان: شنو هل السؤال الغبي مو جنه وياك طول الوقت...
كمال: تم قصف الجبهه بنجاح...
حسين: كبر هاي شبيكم يبتلي واحد يسأل سؤال....
كيان: ديلاا كافي..

كملنه دوام ورجعنه للقسم وما شفنه البنات اليوم...
رجعنه بدلنا وصل الاكل مالتنه اكلنا ونمنا....
                                 
_______________
البنات^^^^

اليوم ماعدنه محاضرة من الصبح عدنه محاضرة الساعه بال10 لهذا على راحتنه تريكنه وبدلنه ورحنه دخلنا للمحاضرة وخلصت ودخلنا للوراها واليوم حتى للكافتريا مارحنه وما شفنه الشباب اليوم مر عادي حتى من شفنا عماد لا هو اهتم ولا احنا واني ما بينت شيء بخصوص التهديد ضليت قوية من شفته....
بس الله اليستر من هذا السكوت مالته شنو وراه...
رجعنه للقسم الساعه بال2 بدلنا ونمنا...
كعدنه الساعه بال4 ونص...

رقية بصدمة: عاااا الساعه بال4 ونص...
طيبة تحاول تصحصح: شبيج تعوين اول ماكعدتي...
رقية بصدمة: لج ماالحك بعد لازم ابدل واكل شيء لان ماماكلة شيء ولازم اروح على الموعد اذا اتاخرت الله اليستر شراح يصير...
مريم: لج شبيج شنو تبدلين يا موعد شنو السالفة!!
رقية بتوتر: هاا...لاا ماكو....شيء بس اني اني....اني..
طيبة: ايي اتي شنوو؟!
رقية بتوتر وقلق: اتفقنا...اني وووووحسين نلتقي بالمتنزة الساعة بال5....
مريم بدهشة: لج يا ملعونه هاي وكتيش اشو من ورانه...
طيبة بأبتسامة خبيثة: صايرة اتفاقيات وية حبيب القلب مووو...
رقية: بعدين سئلن اريد اكل شيء وابدل لان ماالحك عود من ارجع لزمني تحقيق...
طيبة: ايي عيني بدلي ليش لا...
طيبة غمزت لمريم وكامن يضحكن...
رقية: وسسسم شبيجن!
مريم&طيبة: سلامتج ماكو شيء...

بدلت شلون ماجان وسويتلي لفة مال خيار وطماطة اكلتها شلون ماجان وطلعت...

مريم وهي تضحك: عووود سلمينه..
رقية ابتسمت مع كلب الخلقة..
_____________________  
عماد و رقية (المتنزة)^^^

امشي بتوتر وقلق خايفة خاف يسوي شيء هذا الناقص...
اففف يا ربي ساعدني...
وصلت للمتنزة ولكيتة كاعد ينتظرني اني هنا كمت اعرك من كثر الخوف مااعرف شسوي...

عماد: هلاااا بالگمر...
رقية شبه عصبية: حدودك...
عماد برود: اسفين نسينه حبيب القلب ميقبل...
رقية: من الاخر كول شتريد...
عماد: ليش مستعجلة عدنه وقت هواي...
رقية: ومنو كال اني عدي وقت وعدي دراسة لهذا مااريد اتاخر...
عماد: تمام...راح ابدي لعد...
رقية: ياريت...
عماد: اسئل واتي اجاوبين..
رقية: عفواا!!!!
عماد: اعتقد حجي مفهوم...
رقية: تماام يلاا اسئل...
عماد: تعاي خلي نكعد اكيد ماراح نظل واكفين...
رقية: امري لله..
عماد: السؤال الاول من وكتيش عدج علاقة وية حسين؟؟
رقية بعصبية: اعتقد هذا الشيء ميخصك...
عماد بعصبية: اعتتتتقد اني كلت بس اني اسئل اتي عليج بس اجاوبين..
رقية: ماكو ايي شيء من هذا الحجي يعني بالمعنى العام ماكو اي علاقة بيناتنه ولا يربطنه ايي شيء هو ذاك اليوم كال هذا الشيء بس علمود يبعدك...
عماد بصدمه: وانتي ليش مامنعتي؟؟؟؟
رقية: ماكدرت سكتني....
عماد بعصبية: يعني لو اني كايل هيج جاا قبلتي....
رقية: لااا اكيد مااقبل...
عماد بعصبية اكبر: لج انلصمي ليش اني شنو ناقصني بلة!
رقية برود: مو مال ثقة وزير نساء وسكير ومو رجال وهاي المواصفات كلها تنطبق عليك اما حسين فهو اكبر مصدر ثقة وماعدة هاي السوالف المكسرة مثلك ورجال ونعم منه....
عماد بعصبية اكبببر: انجبي لج منوة الي مووو رجال...
النذذل الحقير ضربني راشدي اني ضليت ابجي...
عماد: انلصمي مو رجال موو  مو رجال....
فجاءة جرني وباسني واني ادفر بي ماكو هو اقوى مني النذذل واني دموعي تنزل عشرة عشرة....
وهمس بأذني مو كتلج لتكولين لاي احد بس ماسمعتي كلامي وصورج اعتبريهن اندزن...
اني ضليت مصدومة شكاعد يحجي هذاا ماكلت لاحد اني والله ماكلت...
راح وعافني النذل...
ضليت ابجي لحد ما سمعت صوت وراية....