حلمنا في تركيا

البارت(1)

طيبة: بنات لا لا اني مامصدكه اني بتركيا هسه لو هذا حلم..
 رقية: لا حبي حقيقة...
مريم: اي اي حقيقة...
طيبة: ولجن كرصني خلي اصدك...
مريم&رقية كرصناها..
طيبة: خرب يومجن اي والله كتلجن كرصني مو هيج ترة والله صدكت هاهية...
مريم: هه تريدين بعد اكرصج..
طيبة: لا حبي كافي صدكت..
مريم: اهاا عسبالي لساعج بحلم..
رقية: ديلاا كافي لغوة زايدة امشن خلي نروح للقسم...
مريم&طيبة: ايي والله تأخرنا يلاا امشي..

رقية: رحنه اجرنا تكسي طبعا نحجي وية ابو التكسي انكليزي..
انطينا العنوان وصلنه اله...
وصلنا للقسم ونزلنا من السيارة وساعدنا هو بالجنط...

مريم: واخيرا بعد عنا طويل وصلنالك....
طيبة: ايي والله يخية صدوك بعد عنا طويل...
رقية: هيي هيي وين صفنتن..
مريم&طيبة: خاب دولي شبيج خلينه نشوف القسم ونشبع منه..
رقية: لتخافن هسه تشبعن منه وتملن..
مريم: والله اني اذا بيها تركيا ونسة فماامل...
طيبة: يلاا ولجن خلي نطبب الجنط...
رقية: ايي يلاا..

شلنه الجنط وطبينه للقسم وكفنه يم مكان شلون الاستعلامات وكنالها احنه طالبات ومسجلات اهنا...
كالت دقيقة خلي اشوف...
كالت هاجن هذا مفاتيح الغرفة الغرفة بالطابق الرابع رقم 103....
كنالها اوكي...رحنه صعدنه بالمصعد وصلنه للغرفة مالتنه وطبينه شفناها يعني احلى من غرفنة ولا كأنما غرفة مال قسم...
طببنه الجنط وكعدنه نرتاح شوية ونزعنا الاحذية والشالات...
كل وحده اخذت سرير الها حمدالله ماتعاركنا على القريولات كل وحده تكول هاي الية والثانية تكول الية...مصار هذا الشيء
طبعا هو قسم جبير مقسوم قسم للبنات وقسم للشباب بس معزولات...
وطبعا مالتنه الغرفة جان بيها بلكونه...
طبعا اني اول ماشفتها طلعت بيها حتى اشوف المكان كامن يضحكن علية طيبة ومريم يكولن تعاي وين طالعه بلاا حجاب...
طبيت واني اضحك اخذت شالي وحطيته على راسي وطعلت...
يااااي شكد الهواء نقي ويجنن والمنظر الي كدامي بعد احلى...
ورة شوية اجن مريم وطيبة يمي...

مريم: مكان يخلي النفسية تمام..
طيبة: ايي والله تحسين روحج عايشة بعالم ثاني...
رقية: اكلجن صدوك هم جبتن اكل وياجن اني جعت...
طيبة: ام كرش متشبع ولج شكد تاكلين..
رقية: ديلاا هسه اتن علساس سودة علية متاكلن..
مريم: اكلجن صدوك اني هم جعت تدرن بيه كل خمس دقايق لازم اكل مااشبع..
طيبة&رقية: هههه يلاا امشي خلي ناكل...

طبينه لي جوة وفتحنه جنطنه وطلعنه الاغراض حتى نشوف شنو عدنه اكل...

رقية: اني امي حطتلي كبة ومعكرونه...
مريم: الللله معكرونه اطيني ولج خلي اسويها اموت عليها اني...
رقية: سويلي وياج ولج...
طيبة: اني هم..
مريم:تمام
طيبة: واني جبت جباسة ونساتل وسويت كيكه كلت علمود من نجوع ناكلها...
رقية: شو دكصيلي قطعة خلي اضوكها...
طيبة: ديلاا خلي نكعد ناكل اني وياج كيك علما تصير المعكرونه هاي اذا ما حركتها...
مريم: ترة سمعت مو طرشة اني...
طيبة: هو اني اريدج تسمعين...
رقية: هههه هاي فوك ماكاعدة تسويلج اكل...
طيبة:ههههه..هاا شلونها الكيكه طيبة لا...
رقية: تخبل هو اني ماطول جوعانه شاكل طيب..
طيبة: هههه كبر...
مريم: وهاي جبتلكم احلى واطيب معكرونه بالعالم من ايدين الطباخه مريم....
رقية: ما كملت ست الحسن مدح بنفسها مو نريد ناكل...
طيبة: رجعنا للغرور مال مريم افندي...
مريم: شبيجن كبر اي والله ابدال ماكاعدة اسويلهن اكل وازقنبهن كاعدات يمظرطن فوك راسي...
رقية: شنو زعلتي متريدين تاكلين..
مريم: لا عيني اهم شيء الاكل...
طيبة: ديلاا مو بردت هسه على هذا حجيجن...

اكلنا وشبعنا ونمنا شوية لان جنه كلش تعبانات نمنه الساعه بال2 الظهر كعدنه الساعه بال5 العصر ماشالله اتلاثتنه تمبل مال نوم لو منا لباجر الصبح يخلونه نايمات منشبع...

كعدنه طبت وحدنه ورة الثانية تغسل وكعدنه شوية على الموبايل نكلب بالفيس....وكعدنه ناكل جبس...
طبعا اهلنا هم حاجونه وكنالهم وصلنه بالسلامه وماكو اي شيء يخوف...
طبعا اني ضجت من الكعدة لهذا رحت طلعت بالبلكونة اتنفس هواء نقي...
رحت طلعت لبست شالي وطلعت شفت الشارع هدوء طبعا هو جان اكو كبال القسم متنزة وشارع عام...
درت وجهي كاعدة اشوف على الجهه الثانية وانبهر بلي شفته شفت شاب واكف  وكامش بيدة كوب ماادري شنو بيها وصافن وبعالم ثاني طبعا اني ضليت صافنه علية لان هو صراحه كلش حلووو...
بس غير فشلة انتبهلي واني اعمل حالك ميت بسرعه طبيت للغرفة...

طيبة:هااا شبيج مخروعه..
مريم: خاف شفتي شبح..
رقية: هاي شبيجن صدك تحجن لا مخروعه ولا شبح...
طيبة: اكلج هاي الدروب مو علينه احجي شبيج وفضينه...
رقية:حجيتلهن كلشي من الالف للياء...
مريم: خررب ولج شلونه حلوو هاا كولي شنو مواصفاته شلونه ابيض لو اسمر..
طيبة: شجان لابس مبين عليه ثكيل لو لا من ذولة لملطلطين...
رقية:افففف شبيجن ما صدكتن اسئلة اسئلة شبيجن فضحتنا....
مريم: هسه ديلاا احجي وجاوبي على الاسئلة بسرعه....
طيبة: للاسف عدج بس 30 ثانية ولازم تجاوبين على ذني الاسئلة..
رقية: محسساتني بمن سيربح المليون....
▪▪▪▪▪▪▪▪▪▪▪▪▪▪▪▪▪▪▪▪▪▪
   اتمنى تعجبكم^^

لا تخبلوا علينا بالتصويت والتعليق^^^