حلمنا في تركيا

البارت(7)

خلي نرجع لكمال وحسين وكيان^^^^

رجعنه للقسم بعد ماتعاركنه اني ورقية طبعا هي كلش لسان واني ما باب الخوف عليهن هيج حجيت ماتوقعتها هيج راح ترد صح احنه اليوم تعرفنا واني مالي دخل بيهن بس مااعرف ليش سويت هيج!!!
دخلنه لغرفتنه وكيان كال بعصبية...

كيان بعصبية: واته شعليك تدخل بيهن وتعلي صوتك؟؟
حسين: كافي عيفني بحالي...
كيان: شنو اعيفك بحالك بعد مالك حق تدخل..
حسين: شفتها شلون لسانها اطول منها اكيد شو شمسوية مصيبة علمود ذولة الشباب لحكوهن وتحارشوا بيهن....
كمال: حتى لو انت معليك لتتدخل احنه علينه ساعدناهن...
حسين: واذا وكعن بمصيبة ثانية كدام عينكم هم راح تركضون مثل الچلاب تساعدوهن...
كيان بعصبية لزم حسين من ياخته: لك انت شبيك متكلي شبيك انت تعرف شكاعد تحجي...
كمال: كافي كيان خلي يهدء شوية كافي عيفة...
كيان: ايي استاذ حسين راح اركض مثل الچلب علمود انقذهن عدك اعتراض!!
كمال بعصبية: كلت كاففففففففففففي يلاا كعدوا شبيكم متكلولي انتم صغار قابل علمود تتعاركون يلاا كاااافي....

كعد كل واحد على چربايته بهدوء وصمت.....
نمنا وكعدنا هدوء محد يحجي وية الثاني.....
كال كمال...

كمال: شلون راح تضلون هيج محد يحجي وية الثاني؟؟
كيان: شسويلة اذا هو مااعرف شلون صاير...
حسين: طلعت اني هسه مو خوش مووو؟؟
كمال: كافي عاد زودتوها ترة....
كيان& حسين: .............

                                                                       ___________________
رقية طيبة مريم^^^^

كعدت الصبح الساعه بال5 مااعرف جنت شبعانه نوم عفت طيبة ومريم نايمات لان بعد وكت جنت مختنكة كلش غسلت وطلعت بالبلكونه اشتم هواء وضليت ابجي لان اشتاقيت لاهلي مااعرف ليش هيج حاسة ضليت واكفة بالبلكونه ابجي لحد ما صارت بال5 ونص رجعت طبيت وغسلت حطيت الچاي على النار حضرت هدومي وبدلت وتريكت صارت بال6 وربع بدت المنبهات تشتغل ومريم وطيبة ولا كأن المهم رحت كعدتهن ماكو اكد ماكو ميكعدن بعدين صحت بيهن صوت خليتهن يطفرن من الفراش...

رقية بعصبية: يلاااااااا كومننننننننننن كااااااافي كوممممممن قسما بالله اجيب مي حار مربيه ثيران اني علمود هيج نايمات يلاااا كوووووووومن.....
مريم وهي تفرك عيونها حتى تصحصح: شكو هاي شبيج مثل المخبلة من الصبح....
رقية برود: مابية شيء...
طيبة: شنو شو مبدلة؟!
رقية: ايي كعدت بال5 وتريكت وبدلت...

طيبة ومريم وحدة ضلت صافنه على الثانية كتلهن بدلن واني اسويلجن ريوك صدوك بدلن وكملن وتريكن وطلعنه نزلنه ليجوة الخط بعدة مجاي...
ضلينه ننتظرة شوية واجوا حسين وكمال وكيان يمكن كاعد يروحون للدوام...
كال كيان...

كيان بأبتسامه: اوووه صباح الخير...شلونجن؟
مريم: صباح النور الحمدلله بخير...
كمال: شلون صرتن خو ما صار شيء مرة ثانية؟؟
طيبة: لا مصار شيء....
رقية: يلاا بنات اجه الخط...

رحنه للخط طبعا جنه اني وحسين واحد يباوع على الثاني ويخنزر....
جنت من اشوفه بالبلكونه عسبالي ملاك بس للاسف طلع شيطان....
وصلنه للكلية وطبينه هم ورانه اجوو....

كمال: عدجن محاضرة هسه؟؟
رقية: لا ماعدنه ليش؟؟
كمال: لا هيج بس كلنه نكعد بالكافتريا ونتعرف على بعض اكثر لان البارحه ماكدرنه نتعرف....

عرفت على شنو يقصد( على عركتنه اني وحسين)...

رقية: نتعذر منكدر..
كيان: ليش مو كلتن ماعدنه شيء...
رقية: اي صح بس احنه منعرفكم حتى نكعد وياكم...
حسين: عيفوها هسه اتوا قابل لطشتوا ديكولن منريد....
كيان خنزر على حسين: حسييين اسكت رجاءا....
رقية: يلاا احنه نترخص...

رحنه وطبعا شبعت رزايل من طيبة ومريم...

طيبة: شبيج اكو وحدة هيج تحجي...
رقية: وشحجيت اني قابل؟!
مريم: لا ابد ماحجيتي شيء!
طيبة: شنو تكليلهم منثق بيهم نسيتي منو نقذنة البارحه..
رقية: وهذا مو دليل حتى نثق بيهم...
طيبة: البنية تخبلت علخالص...
مريم: اي والله كملت..

رحنه كعدنه بالكافتريا كعدت اني اكلب بالملزمه عود كاعدة اسوي روحي كاعدة اقرة بس جذب هيج كاعدة اكلب بيها لان مابيه حيل اكعد احجي...
راحت مريم جابت عصير وكعدنه نشرب منشوف غيرر واحد يجر الكرسي ويكعد كبالنه....
احنه هناا بعد منعرف شنحجي حته اني عود قوية بهيج مواضيع بس خفت خاف يسوي شيء...

الشاب بأبتسامة خبيثة: حلووو يا حلو شلونك تلوكلك الدراسة ترة...

عرفت جان يقصدني لان جنت اكلب بالملزمة...

رقية رفعت راسها: انت شكد حقير يعني مااخذت درس من البارحه دشوف وجهك شلون صاير جنه خريطة....
الشاب بعصبية: لج لزمي حدودج ترة سكتت هواي وبعدين منوو ذولوا الي هجموا علينه البارحه معقولة حبيبج....
رقية بعصبية: الزم حدودك لا حبيبي ولا بطيخ....
الشاب: ليش ما رحتي وياهن للمتنزه لو تخافين خاف ههههه جبانه مووو....
مريم بعصبية: هيييي شو دكوم منا ماعايزين دوخه احنه....
الشاب: بسيطة اني الجن الا اراويجن نجوم الظهر....

اجه واحد وجرة من ياخته....

حسين بعصبية: لك شجابك هناا هااا متكلللللي شجابك حقير تفووو عليك...
الشاب: هذا هو حبيبج هه موو؟؟
***************
اتمنى تعجبكم^^^

لا تنسوا التصويت والتعليق^^^

❤❤❤