حلمنا في تركيا

البارت(27)

طلعت من الكافتريا واني عل اعصابي حتى الاكل ما اتهنيت بي...
لحكني طيبة و مريم...

مريم: حبي من غيرته عليج غير هيج يحجي....
رقية: لج هي هاي هم غيرة وين الحب بالموضوع شو 24 ساعة بس يصيح علية ويتعارك وياية هيج حب مااريد.....
طيبة: كااافي هدئي....هو اتوا ثنينكم مدري شونكم بس تتعاركون...
رقية: طيبة كافي سدي الموضوع احس روحي راح تطلع....
مريم: اذا تحبي ليش تكابرين...
رقية: واسلوبة؟؟
طيبة: تكدرين تغيري....
رقية: هووووف مااعرف والله حرت...انوب عماد مدري ميل طلعلي بسالفة الخطوبة والله مناقصته....
طيبة: مشاكل فوك مشاكل مكتوب بقدرنه منتهنه بالكلية لان ما شاء الله كلة مشاكل.....
مريم: تعالن خلي نكعد عل المصطبة لان بقالنه بس محاضرة ونرجع للمهجوم القسم....
طيبة: اخذي شربي مييي...وهاج هاي لفتج ما كملتيها...
رقية: مااريد اكل مااشتهي...
طيبة: دخذيها يا رقوشتي خاف تتخربطين يا عمري اكليها وانسي كلشي...
رقية: ماشي راح اكلها لخاطرج...
طيبة: فطيتج....

دخلنه للمحاضرة الثانية وهم عماد جان ماموجود وهمزين جان ماموجود لان ما ناقصته ابدد...
رجعنه للقسم هلكانات من التعب....
اني رأسا رحت نمت لان تعبانه وراسي يوجعني....
اما طيبة و مريم هم نامن لان وراهن طلعة....
كعدنه الساعة بال4 عل صوت المنبه...
طبعا اني مابية حيل اكوم لان احس جسمي مكسر كلش....
كعدنه حمينه الاكل وكعدنه ناكل....
و طيبة و مريم وحدة ورة الثانية طبن للحمام....
طلعت مريم من الحمام و فتحت مريم موبايلها ولكت اكو واحد دزلها رسالة وجان مكتوب بيها....
جان مكتوب بيها "عل موعدنه الساعة بال5 ونص نلتقي بكافية••••••"

رقية: منو دزلج رسالة؟؟
مريم: سيرين كاعد تتأكد من الموعد مال اليوم...
رقية: اهاااا....خوش..

طيبة و مريم بدلن و طلعن بقيت وحدي بالقسم حايرة شسوي......
كعدت عل الموبايل شوية حجيت وية اهلي و بعدين فكرت اكعد اقرة...
طلعت الملازم كلبت بيهن....
بعدين فكرت اروح ادرس بالمتنزة الي كبال القسم شوية راحة نفسية.....
بدلت و لبست شالي واخذت الملازم و رحت للمتنزة....
نزلت كعدت عل المصطبة وكعدت ادرس....
__________________
مريم&سيرين

اجة السايق مالتنه وصلنه اني و طيبة كناله العنوان وصلنه ذبني اني بالاول لان مكاني اقرب.....
طبيت للكافية و شفت سيرين كاعدة....
من شفتها شريط الذكريات رجع لليوم الي تعرفت بي عليها جان اسوء يوم و جان اخر يوم حجيت بيها وية كيان....
سمعت اكو شخص يصيحني...

سيرين: مرييييم..اني هنا ليش واكفة...
مريم فزيت من صفنتي عل صوتها: هااا...يي اجيت....

رحت كعدت كبالها جانت هي طالبة نسكافية سألتي شريد اطلب طلبت عصير...
طبعا اني مااعرف احجي تركي ولا هي تعرف عربي لهذا نحجي انكليزي...

سيرين: شونج؟؟
مريم: تماام..اتي شونج؟
سيرين: تمام...اخبارج وية كيان شونها؟
مريم: ممكن تبدين بالموضوع الي خابرتيني علمودة..
سيرين: تماام....
مريم: اوكي...تفضلي..
سيرين: طبعا اني اعرف علاقتج بكيان انقطعت بعد ما تعرفتي علية وعرفتي قصتنه اتي وكيان....
مريم تفأجئت من حجيها: عفواا!! بس منو كلج؟
سيرين: من انتهت علاقتكم اتصلت بكيان و كتلة نلتقي..صراحة اني من عفته اي مشاعر بعد مااحمل تجاه صح مو رأسا نسيته بس اقصد هسه....لهذا وافق نلتقي والتقينه و كلي الي صار وياكم طبعا هو طول الكعدة يحجي عليج و يمدح بيج....ما اريد علاقتكم تضيع وتتخرب بسببي لان مثل مكتلج علاقتي انتهت بي و بقت علاقة صداقة ومو صداقة قوية كلش...لهذا من شفته هيج متأثر بيج و ظلينه طول الكعدة وهو يحجي عليج و كلساع يكول احبها مو بيدي مااكدر انساها...حسيت بالاسف علية لان كاعد يضيع حب حياته بسببي لهذا قررت احاجيج بهذا الموضوع واوضحلج كلشي...صح هو جان يحبني بس حبة الج غيرر يختلف نهائيا شفته يحجي من كل كلبة عليج لهذا اطي فرصة ثانية طلب من اخت لاختها ارجوج اطي فرصة ثانية كيان شخص مثالي مااعتقد تلكين مثلة شخص مرح و سبورت لهذا لتضيعي من ايدج وادري بيج اتي تحبي ومبين هذا الشيء بعيونج...
مريم قاطعتها: لاﻻﻻ مااحبة..،ومنو كال احبة ماكو هيج حجي(كاعدة اكوم من الطاولة كمشت ايدي)
سيرين: مريم رجاءا لتروحين وخلينه نتفاهم كعدي....
مريم كعدت: اعتقد حجيتي كلشي عندج واني كلت كلشي عندي وراح اختصرة بكلمتين بس وهي مااحبة...وادري بي هو الي دزج علية وكلج حاجيها هذا الحجي ميعبر علية (عفتها وكمت)...
_____________________
طيبة&كمال