فارس الأميرة – الفصل العشرون –
" ماماااا!! "
ركض آدم محتضنا اميرة ما ان رآها تدخل مع والده فاحتضنته ثم سمعته وهو يقول بحبور:
- انا مبسوط اووي انك رجعتي تاني يا ماما !
ابعدته اميرة قليلا عن ساقيها حيث كان محتضنا اياهما ثم مالت بجذعها قليلا حتى تضع عيناها في عينيه فلم تجد أي أثر لبكاء او دموع ، عضت على اسنانها بغيظ ثم رفعت نظرها حيث كان فارس واقفا مستندا بكتفه على الحائط واضعا يديه في جيبي بنطاله الاسود وقفت ببطء وقالت موجهة الكلام لفارس مضيقة عينيها:
- غريبة.. يعني آدم مش بيعيط ولا حاجه ؟؟
هز فارس كتفيه واعتدل في مكانه ثم ابتعد سائرا نحوها حتى وقف امامها تماما وقال بهدوء :
- ومين اللي قال ان آدم كان بيعيط ؟
هتفت فيه بحنق وجاهدت كى لا يعلو صوتها فتخيف طفلها :
- انت هتستعبط يا فارس ؟ مش انت اللي لسه قايلي تحت ...
قاطعها ببرود ويديه لا تزال في جيبيه :
- انا قلت آدم زعلان و أنا مش عارف أراضيه ازاي ؟ والعياط .. مش لازم دموع تنزل اصعب دموع هي الدموع المكتومة وانا متأكد انى كنت حاسسها في ابني !!
كادت أن تفلت منها شتيمة منعتها في آخر لحظة ثم اغمضت عينيها زافرة بحنق وبعد ثوان فتحت عيناها ناظرة اليه وقالت :
- ممكن اعرف انت عملت كدا ليه ؟؟ انت قولتلي خدي الوقت اللي انت عاوزاه وانا وافقت و آدم كان هيقعد معاك علشان تقربوا لبعض اكتر يبقى اقدر اعرف انت عملت كدا ليه ؟؟
قال ببرود :
- وانا لسه عند كلامي مغيرتوش انك تاخدى وقتك في التفكير لكن اظن لما تقضي الفترة دي واحنا التلاته سوا هيكون افضل .. اقله تشوفي شكل الحياة هتكون ازاي مع بعض وفي نفس الوقت تعرفي انت عاوزة تحرمي آدم من ايه .. من حقه انه يعيش زي باقية الاطفال مع ام واب ..هو مالوش ذنب باللي بيننا ..
هزت راسها متفهمة ثم مررت يدها في شعرها الذي انفلتت خصلات منه من ربطتها فأحاطت بوجهها ورقبتها وقالت متنهدة باعياء :
- ماشي يا فارس.. هنقضي ال 4 ايام المهلة اللي انت ادتهانى سوا.. علشان آدم قبل اي حاجه تانية !!
مال عليها قليلا وقال بهمس :
- طبعا علشان آدم .. هو حد قال غير كدا ؟؟
ثم مد يده حيث لمس خصلاتها المتطايرة باصبعه السبابة و كأن ليده ارادة مستقلة بذاتها فيما ارتبكت اميرة قليلا ولكنها حاولت تمالك نفسها والابتعاد عن يده فلم يسمح لها بالابتعاد واضعا يده تحت ذقنها رافعا رأسها اليه حيث نظر في عينيها بقوة وقال وعيناه تلمعان وصوت متحشرج :
أنت تقرأ
فارس الأميرة كاملة بقلمي منى لطفي(احكي ياشهرزاد)
Romanceالملخص: خلق الله الرجل وخلق المرأة من ضلع من اضلاعه الذي يحيط بالقلب ، وعلى مر الزمان الى الآن وما بعد الآن يظل الكون مقسوما بين هو و هي ..... تحلم الفتاة منذ نعومة أظفارها بفارسها الذي يأتيها على حصانه الأبيض ليبحر معها في بحار الحب والعشق فتصبح مع...
