Sa papel na naghihintay at sa bolpeng nakatanga
Sa astang-manunulat na nakatengga sa kama
Sa mga nagdaang gabing walang tulog
Sa kadilimang naguguhitan ng mailap na kidlat at kulog
Sa naalimpungatang diwang-wala-sa-hulog
Sa kapeng lumamig dahil sa hamog
Kaluluwa'y kumawala...
Lumipad; ibon ang kapara...
Mabilis, matayog, malaya
Lumikha ng magarang mundo ng haraya
Sumama ka sa akin
At ating lasapin
Ang kalayaang walang katapusan
Ang imahinasyong walang hangganan
Halika na at sumama
Dahil
Hinihintay na kita
Aking sinta
BINABASA MO ANG
Spirito ng Kape
PoetryKalipunan ng mga tula at prosa na hinugot mula sa ulong lango sa spirito ng kapeng nilamig.
