AKO SI SAPPHO
Hindi ako taga-Lesbos –
Ni isang tanyag na manunulat
Ni hindi isang hinahangaang manunula
Ni isang respetadong tao
Isa lamang ako sa karamihan –
Isang taong nagtitiyaga
Sa pagtitipa
Ng mga salita
Ng mga tula
Sa makinilya
Hindi ako siya pero
Sa aking pananaw
Ako ang kanyang hinaharap
At siya naman ang aking nakaraan
Nasa magkaibang panahon
Pinag-isa ng tadhana
Na may iisang tunguhin
Ang sumulat ng mga tula't prosa
Para sa kanyang minamahal
Na kailanman ay di niya maaring makasama –
Ni mapag-alayan ng matatamis na salita
Ni maawitang ng isang kanta
Ni malagaan
Ni maaring hagkan
Iisa kami –
Isang kapalaran
Isang daan
Isang katauhan
BINABASA MO ANG
Spirito ng Kape
PoetryKalipunan ng mga tula at prosa na hinugot mula sa ulong lango sa spirito ng kapeng nilamig.
