WALANG MALISYA
Hindi ko na lang papansinin...
ang panaka-nakang sulyap mo sa akin
ang pangiti-ngiti mo sa akin
ang paminsan-minsang titigan natin
Walang malisya yun dahil...
hindi mo iyon sadya at nagkataon lang na nahuli kita
pinipilit mulang ipakitang natawa ka sa jokes
ko para di ako mapahiya
ganun talaga pag nag-uusap tayo nang hindi nagsasalita
Hindi ko na lang papansinin...
ang paghawak mo sa aking kamay
ang paghagod mo sa aking buhok
ang maya't mayang pagtawag mo sa aking pangalan
Walang malisya yun dahil...
nagbatian at nag-apir lang tayo
sinusuklay mo lang ang buhok kong magulo
sabi mo may kailangn ka kamo
Hindi ko na lang papansinin...
ang mga biro mong nakakakilig
ang pagsuyo mo sa akin
ang pag-a-I love you mo
Walang malisya yun dahil...
kahit nakakakilig, nananatiling biro ang biro
pinapakita mo lang ang iyong pagkamaginoo
mahal mo ako dahil kaibigan mo ako
Walang malisya kaya di ko papansinin
Pero ang kaso, meron. tsk. Ang hirap balewalain
BINABASA MO ANG
Spirito ng Kape
PoetryKalipunan ng mga tula at prosa na hinugot mula sa ulong lango sa spirito ng kapeng nilamig.
