LOXTING (LOve teXTING)
Ang hindi masabi nang harapan
Sa LOXTING ay idinadaan
Umaasang baka ang drama'y mapansin
Ng kaibigang manhid ang damdamin
Nagpapasa ng mga kotang-pangromansa
Na baka sakaling magbigay-himala
Sa pusong sabik na'y umaasa pa
Sa kaibigang palihim na sinisinta
Sa bawat mensaheng-elektronika
Isang hiling ang kapara
Na sana'y mapansin kahit konti
Ng kaibigang patagong minimithi
Di na baleng magmukhang parang pulubi
Di baleng nangangalabit-pengi
Di baleng lumalabas na nanglilimos
Di na baleng bansagang sa pansin ay kapos
Ang mahalaga'y nasasabi
Ang mahalaga'y hindi naisasantabi
Ang mga damdaming naiipon
Ang mga emosyong matagal na ikinakahon
Ang LOXTING ang piping pag-amin
Ng isang abang naghihintay na mahalin
Ng isang kaibigang walang alam
Sa tunay niyang nararamdaman
***
Pero sorry ka, friend
Di kasi tayo talo
Dahil
Lalaki rin
Ang gusto ko
BINABASA MO ANG
Spirito ng Kape
PoetryKalipunan ng mga tula at prosa na hinugot mula sa ulong lango sa spirito ng kapeng nilamig.
