عمياء في يد المافيا (باللهجة الجزائرية)

part #4

#عمياء_في_يد_المافيا
الحلقة 4
وصل لشومبرتو دخل حطها فوق سرير دخل لصالدوبان عمر طاسة بالماء الدافي وجاب منشفة صغيرة شمخها وعصرها نحا الدرا عليها ونحالها القش لمقطع وبدا يمسحلها فالدم وينظفلها في لجراح شاف مع فمها صابو مجروح كان متوقع كلش غير انو يظلم إنسان ملوش دخل في حكايتو لكل نحالها رباط عينيها وهنا كانت صدمتو رغم الكدمات واجراح لي في وجها توقع كلش غير أنها تكون نسخة طبق الأصل على حبيبتو ومرتو ماريا بدأ يعدي فيدو على خدها بحنانة يشوف فدمعة هبطت من عينها زرب مسحالها سامحيني هبط راسو لقى بركة دم بين رجليها رجعلو المشهد تع ذاك اليوم
#flash_back
قبل 4 سنين
صونا تيليفونو رفد كريس يشوف وش كاين صابو ميساج من عند مرتو فتحو :" عندي ليك سوربرايز افتح الفيديو " فتحو صاب مرتو مربوطة وعريانة وراجل يغتاصب فيها حتى شاف بركة دم بين رجليها ناض عليها صوب على رأسها ضغط الزناد وقتلها دار لولدو لي كان مربوط فتحلو رباط فمو بدأ يبكي ويعيط بابا بابا يا بابا حكمو حشرلو الفرد في فمو وضغط على الزناد قدم الراجل من الكاميرا : كريس هذا كادو لكريسماس تعك رمى تيليفون وراح شغل طوموبيل وقلع وصل لدار صاب رجالو كامل موتى رجليه رزانو دخل لدارو شاف مرتو في الفراش عريانة ومربوطة وتعوم فدمها قرب منها شاف بين رجليها لقى كتلة لحم في الدم عرفها بلي كانت حامل وهذي هي المفاجأة لي كانت موجدتهالو بعدما يرجع كانت باش تخبرو بحملها دار شاف وليدو فلرض مرمي فدمو رفدو يبكي ويعيط
# back_to_The_future
فطن من ذكرياتو على صوت مارك والطبيب لي دخلو ناض من جنبها شافها طبيب وممبعد شاف فيه:كريس مش لهذ الدرجة راك وليت وحش أخرج تعيش خليني نخدم خدمتي
خرج كريس و مهدر حتى كلمة مارك بقى مشوكي لحقو صابو واقف وعاطي الباب بظهور
مارك : كريس وش كاين نعرفك متسكتش
كريس : مشفتش وجها
مارك : لا مشفتوش لاه
كريس : راهي نسخة طبق الأصل على ماريا
مارك: لا مستحيل عاود دخل لشومبرة يشوف مع وجها بدأ يرجع فخطواتو لا مستحيل مستحيل هذ الشي خرج مالشومبرة مصابش كريس هبط لصالة لقاه حاط دبوزة ويسكي توالو وكأس فيدو والقارو فيدو لخرى
كريس : آدم
مارك : انعم ليث
كريس : ادم روح اشريلها وش تحتاج من لبسة ووجدلها شومبرة
مارك : ليث وش راك تخمم
كريس : مش رح نخليها تبعد من توالي
مارك : ليث راك تخلط
لض كريس على الكأس فيدو حتى تكسر ودخلو الزجاج والدم يقطر من يدو: آدم متناقشنيش دير وش قتلك
طلع مارك الدروج لشمبرة كريس دخل صاب طبيب مزال معاها قالو: كي تكمل روح داوي كريس راهو جرح يدو
عملو الطبيب براسو ايه خرج مارك وراح باه يدير وش امرو خوه. ...