#عمياء_في_يد_المافيا
الحلقة 34
دارت جاكلين عندها وبصوت بارد :عندك اعتراض؟
كلوي : لا boss
جاكلين : اوكي مالا، الخطة راح تكون كالتالي : زيد نت راح تضمن دخولنا لجماعة جلال على أساس انو حنا أعضاء جدد وأكبر مافيا في اليابان قررنا نعملو تحالف مع كل مافيا من كل بلاد باه نضمنو بقائنا ونعرفو حلفاءنا وحنا الدفعة لي بعثوها لدزاير وبعد الاستطلاع والبحث قررنا نعملو تحالف معاكم لأنكم أقوى مافيا هنا، كلوي نتي راح تكوني مع سام وتعاونيه ونحبك طيحيلي هذاك البوقوص وتخليه يعبد التراب لي تمشي عليه
دارو كامل لجيهة شاشة العرض لقاو فوطو تع مارك
تبسمت جاكلين وكملت: نظن هذ المهمة ساهلة عليك
كلوي : بالطبع boss
جاكلين : اوكي مالا يا البوقوصة
جات جاكلين ماشية حبسها صوت زيد: وين بيها جاكي
دارت ليه متبسمة: تعرف محضرتش جنازة المرحومة مرت كريس لازم نادي الواجب ونروح نقرأ الفاتحة على روحها
زيد : تقتلي الميت وتمشي فجنازتو
جاكلين : لا راني روطار على الجنازة ب 3 سنين وزيد مش انا لي قتلتها نت لي درتها لا نسيت نفكرك مش مشكل
جوانا : booom قصفتلك جبهتك شريك
جاكلين بصوت بارد : جوانا نظن هدرت معاه مش معاك
زيد : هههههه booom جماعة مكمش تشمو فريحة لحريق ياااه جوانا أي تتحرق
جاكلين : مش وقت تبهليلكم المهمة تبدأ من غدوة وقبل مننسى حنا في 5 راح نرتديو أقنعة على وجوهنا مهما يكن منخليوهمش يعرفو شكلنا ونتي كلوي رصاصة فجنبك متقتلكش بصح تخليك تدخلي دار مارك نظن الخطة مفهومة؟
الكل : oui boss
جاكلين : الليلة اعتبروها عطلة يالا بأي
خرجت جاكلين لبست الكاسك ركبت موطوها وقلعت في طريقها حبست عند محل يبيع الورد هبطت دخلت لمحل
مول لمحل : انسة فاش نقدر نعاونك
جاكلين : حابة وردة بيضاء كبيرة وباهية وكارت صغير
بدأ مول لمحل يوريلها فالورد لي عندو خيرت وردة وكارت صغيرة : ستيلو من فضلك وغلفلي الوردة
مول لمحل : اوكي
حكمت الكارت كتبت كلام وهي تبتسم حطاتو مع الوردة سلكت مول لمحل وخرجت ركبت موطوها وقلعت ديراكت للمقبرة وصلت قارات (حبست) موطوها بجنب ودخلت تمشي وصلت توال 3 قبور تبسمت ؛"هنا ترقد وتين كلاود زوجة السيد سالفاتور": مالا هنا وين دفنوها جبدت سكين جرحت صبعها وخلات الدم يقطر على الوردة ممبعد حطتها على لقبر ومشات خارجة. ..
🌹 🌹 🌹 🌹 🌹 🌹 🌹 🌹 🌹 🌹
عند كريس
مارك : مكش راح تحبس هذ السم لي راك تشرب فيه
كريس : يسموه شراب روحي مش سم صحح مصطلحاتك خويا لعزيز
مارك : كريس ليوم ذكرى وفاة وتين نوض نروحو نزورو قبرها
كريس : وتين. ..وتين...وتين ما تملش من هذ السيرة ماتت ماتت كي نروحو لقبرها راح ترجعلنا ياك لالا مالا خلاص ما كا لاه تزيد جبدلي سيرتها قدامي اوكي
مارك : خسارة الحب لي حباتولك
كريس شرب كأس على دفعة ودخل في هستيريا تع ضحك رفد جاكيتو وخرج
مارك : وين رايح
كريس : وين فرايك للجامع باه نصلي اكيد لالا باينة رايح عند وحدة من عاهراتي
مارك : كثرتلها والله
كريس : وليت صامط علابالك! ايا انا نخليك à bientôt شريكي
خرج كريس طلع مارك لشومبرتو وبدل قشو لبس كلشي فلكحل رفد بوكي الورد وخرج ركب طوموبيلو وقلع للمقبرة...
🌹🌹 🌹 🌹 🌹 🌹 🌹 🌹 🌹 🌹
أنت تقرأ
عمياء في يد المافيا (باللهجة الجزائرية)
Mystery / Thrillerترتيبها وفق الواتباد : #1 كلوي #3 عمياء #6 في المافيا #7 باسم مارك #7 زيد قصتنا هذي فيها حب ??? انتقام ??مخدرات ومافيا ?? احداث مشوقة ??? تابعو احداث قصتنا #Ñøüçhā
