#عمياء_في_يد_المافيا
الحلقة 32
زيد : هههههه c'est retard قول لمارك يفتح الفيديو لي بعثتهولو
كريس : مارك افتح الفيديو لي وصلك
مارك : كيفاه
كريس بعياط :ازرب قتلك افتح الفيديو لي وصلك
جبد مارك تيليفونو ويديه يرعشو شاف ميساج فتحو:" مشاهدة طيبة شريك "كليكا على رابط الفيديو يشوف فوتين مرمية عالارض كتفها يسيل بالدم وزوج رجال يضربو فيها بالكوتبيات
زيد : كريس وش راك تحس قلبك يتقطع؟ باغي تقتلني صح؟ نجوم السما اقربلك، لا حبس متغلقش الفيديو it's show time رفد سلاحو صوبو على وتين واوب تيرا عليها
طاح تيليفون من يد مارك
كريس : لالا اااه يا ربي لالا
ناض كي المهبول ركب طوموبيلو وقلع بأقصى سرعة كان يسوق كي لمهبول وصل لدار ومارك وراه يشوف فرجالو كامل غارقين في دمهم دخل كيفكيف طلع يجري لشومبرتها ويدعي فربي انو يكون كلشي حلمة خايبة دخل يشوف فيها مرمية عالارض وسام يحاول يحبس النزيف مشا كريس خطوتين وطاح على ركايبو التاريخ يعيد نفسو قتلولو مرتو للمرة الثانية دخل مارك يجري رفدها بين يديه وخرج سام عاون كريس ينوض ركبو فالطوموبيل وقلعو لسبيطار
كريس : قتلوهالي وتين ماتت ومات معاها ولدي
سام : ما ماتتش وتين مزالها حية كريس
كان سام يسوق كي المهبول وصلو لسبيطار طار بيها لغرفة العمليات مارك دا كريس عقمولو الجرح وخيطوهلو ورجعو توال غرفة العمليات يشوفو فالطبة داخلين خارجين وحد ما حب يصرحلهم بحتى معلومة شوي هك خرج سام لاتوني تعو معمرة دم راح كريس يجري لعندو حكمو من سوريتو ويخض فيه: وتين وتين وينها سام انطق
سام هبط راسو؛ البقية فراسك صاحبي
كريس عقد دبزتو وضربو لوجه : تكذب وتين ما ماتتش
مسح سام الدم من خشمو : ملحقناهاش وتين خسرت بزاف دم وكانت الضربة الأولى قريبة لقلبها
كريس قاعد يسمع فيه ومكذب حتى يشوف فيهم مخرجينها ومغطينها بدرا ابيض قرب لعندها نحا لغطا على وجها يشوف فيها راقدة كي الملاك حط يدو على خدها: وتين حبيبتي نوضي ها بركايك ما تفجعي فيا وتين مش وقت تمسخيرك افتحي عينيك
قدم مارك لعندو نوضو وتحضنو: كريس خويا خلاص بركاك متعذب فيها وفنفسك ادعيلها ضرك هذا وش تحتاج
دز كريس مارك وهز صبعو فوجهو(اللقطة هذيك تع التهديد عرفتوها ياك!): وتين ماماتتش رد بالك تعاود تهدرها ضرك نروح لدار نلقاها تستنى فيا
مارك وقلبو يتقطع على خوه: كريس!
كريس: ابعدني
خرج كريس مالسبيطار جا يلحقو مارك حبسو صوت سام
سام : مارك لازم توجد أوراق وفاتها وتوجد لجنازتها ملازمش نطولو الميت حقو الدفن
دار ليه مارك وعينيه معمرين دموع: وش لازم ندير
سام : اهبط للاستقبال هوما ضرك يورولك وش لازم انا رح نعيط للغسال
مارك : اوكي
راح مارك وجد الأوراق اللازمة باه يخرجوها جاو الشرطة داو الإفادة نتاعو ونتاع سام بعدما كملو من ساحة الجريمة
لغدوة من ذاك
سام : وينو كريس
مارك : راني مبارح ونا نعيطلو مكاش خبر
سام : إن شاءالله ميكونش دار كش حاجة غالطة
مارك هذا لي خايف منو
سام : لحق الوقت باه نخرجوها مارك....
🌹 🌹 🌹 🌹 🌹 🌹 🌹 🌹 🌹 🌹 🌹
التصويت يكون بالنجمة ☆
وصلو هذ لحلقة ل 20 نجمة تفاعلكم طاح مره
ومورالي طاح معاه
اعتبرو هذ البارت تصببرة للعشوة
إن شاءالله رح يكون في بارت جديد
#Ñøūçhå 💋 💖
أنت تقرأ
عمياء في يد المافيا (باللهجة الجزائرية)
Mystery / Thrillerترتيبها وفق الواتباد : #1 كلوي #3 عمياء #6 في المافيا #7 باسم مارك #7 زيد قصتنا هذي فيها حب ??? انتقام ??مخدرات ومافيا ?? احداث مشوقة ??? تابعو احداث قصتنا #Ñøüçhā
