عمياء في يد المافيا (باللهجة الجزائرية)

part #30

#عمياء_في_يد_المافيا
الحلقة 30
خبط كريس يديه على الطابلة: وهذوين تخبر ****بهذ الشي
وتين : متروحش كريس تعيش منيش مطمنة
كريس : متخافيش عزيزتي حكايتها ساعتين ونوليلك وزيد راهو معاك مارك ورح نخلي خيار رجالي هنا
وتين ودموعها سبقوها: علاه مكش حاب تفهم منيش حاباتك تروح خايفة عليك نت
تبسم كريس بحب وقالها: يا عمري على صغرونتي لي تخاف عليا
جبدها لعندو وحضنها
مارك : احم احم احتارمو مشاعر السيليباير لي معاكم
ضحكت وتين بدأ كريس يمسحلها في دموعها : متخافيش نوعدك ميصرالي والو
مارك : على قداه التسليم
كريس : 9
مارك : سما 8 تمشي نت ورجال
كريس : ايه
مارك : اوكي فيريرو ضرك انا نروح لشركة عندي خدمة نكملها وعلى 7:30 نكون هنا
كريس : اوكي متفاهمين
راح مارك وقعد كريس ووتين في الدار
وتين : كريس منيش حابة نقعد في الدار خلينا نخرجو
كريس : وين حابة نروحو
وتين : حابة نروحو لبحر ونقعدو عالشط ومبعد نوكلو مشاوي بحرية
كريس : اوكي حبيبتي روحي بدلي حوايجك وهيا نروحو
وتين : ياااه مرسي حبيبي
جات ماشية حكمها كريس : وش قلتي!
وتين : قتلك مرسي
كريس : لا مش هذي لي بعدها
وتين خدودها حمارو من الحشمة: ح...حب.
كريس : وشنو!
غطست رأسها فصدرو : حبيبي
رفدلها رأسها يشوف مع عينيها لي ضايعين تمنى كان كانت تشوف وقدرت تشوف الحب في عينيه قرب منها طبع بوسة حنينة على شواربها وعاود ضمها ليه : نحبك وتين
حس بحاجة دافية شمختلو تريكوه: وتين لاه راكي تبكي وتين شبيك
وتين : مش حابة نموت
زاد زير عليها كلامها حسو سكاكن فقلبو
وتين : منيش خايفة منهم بصح مش حابة نموت ويموت ولدي معيا فكرة اني نموت ويعيش ولدي تقبلتها خاطر عالاقل مش حتخسر كلشي بصح انهم يقتلوني... كريس راني خايفة
كريس وهو يمسح على شعرها : شششت واحد مراح يقدر يقيس شعرة منك اطمني
جبدها عليه مسحلها دموعها :يلا روحي بدلي حويجاتك لا نبدل رأيي
وتين : خلاص راني رايحة هاه
راحت وتين بدلت حوايجها وهبطت خرجو راحو لبحر قعدو يتمشاو عالشط واليد في اليد

كريس يحكي

فاجاتني وتين بطلبها انها حابة تروح لشط حقها معاها من يوم عرفتها مخرجتهاش حوست وعلا هذيك وافقت مباشرة بلا مناقشها راحت بدلت قشها ورحنا طريق كاملة وهي زاهيتلها وتغني وصلنا قعدنا عالشط حكينا وضحكنا مشينا والماء يلعب تحت رجلينا حاكمين اليد في اليد لحق وقت لغداء ديتها لمطعم تقليدي ثم يدير المشاوي البحرية متوقعتش لي رح تفرح بهذ الخرجة لهذ الدرجة كانت كي الطفلة الصغيرة لي مدولها الحلوة ولا لعبة جديدة بقينا ندورو لثم حتى قريب المغرب
وتين : كريس عندي طلب واحد اوخر صغيرون
انا : لي هو
وتين : حابة نبقاو هنا حتى غروب الشمس
انا : كيفاه
وتين : علابالي رح تستغرب طلبي هذا وش رح ندير بالغروب اذا مش حنقدر نشوفو من الأساس
انا : مش هكذاك وتين مش قصدي وش فهمتي
عملتلي وتين برأسها لا وكملت تهدر: صح مش حنشوفو بصح نت رح توصفولي ورح نكونو مع بعض حابة نعيش ونحس بهذ اللحظة
معلاباليش وش حسيت فهذيك دقيقة حب حزن خوف معلاباليش لاه تملكتني فكرة اني رح نخسرها ومعادش رح نشوفها ضميتها لصدري وبقينا هكذاك معلاباليش قداه : نحبك
وتين : نموت عليك
انا : يلا رح نروحو لبلاصة شابة باه نشوفو الغروب منها
وتين : يلا. ...
🌹 🌹 🌹 🌹 🌹 🌹 🌹 🌹 🌹 🌹 🌹
زعمة إحساس كريس يطلع صح؟ ووتين تموت؟
وعلاواه ناوية #J  وجماعتها؟
كل هذا واكثر في الحلقة القادمة
#Ñøūçhå 💋 💖