عمياء في يد المافيا (باللهجة الجزائرية)

part #45

#عمياء_في_يد_المافيا
الحلقة 45
تبسمت جاكلين ونحات لقناع: أهلا مارك
مارك بدهشة :و وتين حد فيكم يفهمني لي صاري هنا
جاكلين : كلوي صغرونتي نوضي جيبي كأس ما لحبيب القلب
كلوي : اوكي boss
ناضت كلوي صبت كأس ما لمارك ومداتولو وقعدت توالو
وقفت جاكلين وراحت قعدت بين سام وزيد تبسمت وبدأت تهدر
جاكلين : مارك الحقيقة والأسرار لي رح نقولهملك ضرك يتدفنو هنا حتى تكمل المهمة
مارك : وشمن مهمة
زيد : بلعقل يا خويا الصغير متاكولش العيش وهو حامي يتحرق لسانك
سام : وش هذا ولد خالي هكذا يرحبو الناس بخاوتهم عيب والله
مارك : وش هذ لحالة حد فيكم يفهمني وتين انطقي
جاكلين : انا اسمي الحقيقي جاكلين وماريا اختي ل كبيرة وسام خونا لكبير مارك زيد أو بالأحرى نيكولاس خوكم لكبير نت وكريس
مارك وهو يضحك : ههههه وتين وش هذ لكذبة لي ختارعتيها ضرك يعني تظهري بعد 3 سنين من موتك وتقوللي عندك خوك لكبير وسام خوك نتي ومارياهههه
جاكلين بصوت هادي : حنا مناش مافيا حنا الفرقة السرية الدولية لمكافحة المافيا ونت ابن واحد من أفضل العملاء خالي وخالتي الله يرحمهم كيما الحال مع كلوي وانا وسام والدينا كامل تقتلو في مهمة وعلى يد بابات جلال وعمو لي هو بابات نسرين وسيباستيان لي كان باباكم بالتبني هو كان عارف حقيقتكم ودخلكم للمافيا بصح الشي لي غفل عليه انو المنظمة الدولية مين يزيد عند العملاء اول طفل بغض النظر عن جنسو يخليو ولادتو سرية ويتربى في المركز بعيد على العالم كيما الحال مع زيد وسام وكلوي وثاني أي طفل يولد للعملاء يوم ولادتو يزرعولو شريحة تتبع ودراسة حالة
ناضت جاكلين جابت زوج ملفات ورماتهم توال مارك : يمكن هذو زوج يقدرو يخليوك تصدق وش راني نقول
فتح مارك الملفات وبدا يشوف وش فيهم تواريخ لكل حاجة دارها من لي كان فعمرو 6 أشهر إلى يومنا هذا حتى كاين أسرار كريس ومعلابالوش بيهم أسرار خاصة مذكورة في الملف هذا
مارك : وعلى فرض اني صدقتك وينهي ماريا
جاكلين : ماريا ماتت صح قتلوها خاطر بابات نسرين اكتشف حقيقتها هو وجلال
مارك : ونتي كيفاه زورتي موتك
زيد:كانت خطة بديلة الخطة الرئيسية كانت انو جاكلين تدخل في وسطكم تكسب ثقتكم وتبعدكم على المافيا وتعرفكم بحقيقتكم لي خباوها عليكم بصح للأسف فوسط المهمة جاكلين اكتشفت بلي 20% من رجالكم كانو جواسيس لجلال وعايلتو وعلى هذي دخلت انا مع جلال باه نراقب تحركاتهم وجاكلين كلفت لبنات باه يرسللوكم التهديدات لمزورة هذ الشي كان يوصل لجلال وبعدما عرف لي عندكم أعداء حبو ينتاقمو منكم قرر يشارك فهذ الشي ويربحهم لصفو وانا بالطبع اقترحت عليه نقتلو وتين انتقاما لنسرين وبالفعل تلاعبنا بيكم وبعدناكم عليها وقتلناها مؤقتا كانت رصاصة فارغة ونوع جديد طورتو انا وكلوي هذ النوع صغير يدخل في الجسم بعمق 1 سم ويحبس فيه مادة مركزة تخلي القلب يكون شبه حابس وعضلات الجسم شبه ميتة لمدة 72 ساعة وهكذا دفنا وتين قدام عينيكم وبعد 24 ساعة خرجناها من لقبر وحطينا هيكل عظمي مزيف مدهون بطبقة تحوي على DNA جاكلين في حال شكيتو في موتها نتوم ولا جلال
سام : بالمناسبة مارك راك وليت عم من عامين ونص
مارك : كيفاه!؟
سام : حمل جاكلين من كريس مكانش مزيف وحالتها الصحية كيفكيف وعلى هذي نقلنا الجنين في العملية الأولى لي درتهالها لرحم لوسي مرت خوك زيد مبروك عندكم فرد جديد في العايلة وسمو غيث
مارك : ولايكو لي كنا نشوفوهم في السبيطار والتحاليل
سام : مهيش صعيبة باه تزور هذ الشي خاطر هذاك السبيطار تع جاكلين
جاكلين : وضرك نوليو لخطة كلوي اسمعني مارك انا من الاول كنت عارفة الماضي تعك وحوست على كلوي بعدما لقيتها كانت تبناتها عايلة كذبت عليهم ومهيش صعيبة كيما تعرف بعثت وحدة من لبنات وقتلهم بنتكم رح تقرأ في أمريكا لمدة 10 سنين ومكانش الأمر صعب باه نقنعو هذ القطة ديناها لأمريكا ولثم خبرناها بحقيقتها ودربناها لمدة عامين ورجعنا لدزاير وولات وحدة من جماعتي كي شفت الوقت لحق عرفت بلي حد ما راح يحميها كيفك بعثتها في مهمة مزيفة باه تكون مع حب حياتها يعني هي في الأساس مكانش علابالها بحقيقة المهمة مالا متلومهاش
مارك : ونت وين كنتي فهذ 3 سنين ومن وكتاه عارفة الحقيقة تعك استناي كيفاه درتي هذ الشي كامل ونتي عمياء
جاكلين وهي تضحك : الفضل لهذو الزوج  (سام وزيد) قبل ما نلحق 18 سنة جاوني للثانوية وخبروني بكلشي بعدها صرا الحادث وسام تهلا فيا وانا مكنتش عمياء اصلا هذي تقنية قديمة تعلمتها كي نضغط على نقاط محددة في الجبهة والعين يحبسو الأعصاب البصرية ونولي عمياء أما فيما يخص 3 سنين لي فاتو كنت فروسيا وأمريكا واليابان ندرب وحاليا راني رئيسة المنظمة الدولية لمحاربة المافيا
زيد : فهمت ولا نزيدو نشرحولك
جاكلين : نيكولاس بركاك متتمهزا بيه ياو
مارك : خليه خليه هذوين فهمت كريس وين جاب دمو الثقيل هاني لقيت خويا لكبير دمو رصاص
ضحكو كامل على كلام مارك
جاكلين : وضركة نهدرو في المفيد. ..

🌹 🌹 🌹 🌹 🌹 🌹 🌹 🌹 🌹 🌹 🌹
علابالي البارت هذا مفيهش أحداث بزاف بصح حبيت نفهمكم في نقاط الغموض ونكشف بزاف من الأسرار
الرواية قربت عالنهاية
#Ñøūçhå 💋 💖 🌹
وصلو الحلقة ل 20 نجمة ☆ و 10 تعليقات