عمياء في يد المافيا (باللهجة الجزائرية)

part #44

#عمياء_في_يد_المافيا
الحلقة 44
كلوي تحكي
بعد ما طمنا لي عملية كريس فاتت على خير مشيت انا وآدم روحنا
مارك بحزن : معلاباليش وكتاه يخلص هذ لعذاب عايشين في رعب دايمن كل يوم نقول رح نخسر حد عزيز عليا مش فاهم هذ لجماعة منين خرجتلنا وش حكايتها معانا
حكمتلو يدو وحاولت نخلي صوتي هادي على قدما نقدر: رح يخلص حبيبي اطمن
آدم(مارك) : إن شاءالله
كان يسوق وعقلو شي وين شفت موطو جاكلين سبقتنا وقطعت علينا الطريق ووراها طوموبيل فيها ليسا ونينا مفهمت والو قلبي بدأ يدق بالزربة خفت تكون جاية تقتل آدم فرينا مارك هبطت جاكلين من الموطو وهي هازة سلاحها وموجهاتو لآدم
جاكلين : هبطو من الطوموبيل ازربو
آدم :كلوي ريحي هنا
جاكلين بعياط : كلوي مارك قتلكم اهبطو متخلونيش نغلط
ادم :كلوي وين تعرفك هذي
غمضت عينيا وطاحتلي دمعة سخونة متوقعتش لي جاكلين يكون قلبها حجر ودير فيا هذ الشي
آدم وهو يضحك بقهرة :متوقعتهاش منك كلوي متوقعتش الضربة تجيني منك
هبطنا مالطوموبيل وانا رحت جهة جاكلين جيت حنهدر قصت عليا
جاكلين : مارك كلوي اركبو فالطوموبيل معنداش بزاف وقت
آدم : منركبش
جاكلين : إذا حاب تشوف مرت خوك وتين الأحسن انك تركب وتبلع
آدم بصوت متقطع :و.وتين وتين ماتت
جاكلين: لالا هذا الشي لي حبيتك نت وخوك تصدقوه ماماتتش
آدم : صدقيني كون نعرف بلي كذبتي عليا رح تكون اخرتك على يدي
جاكلين وهي تشوف فساعتها: اركبو مبقاش وقت
ركبت انا وآدم وكل مرة نشوف معاه بالسرقة علابالي مش حيسامحني مع قلعنا طرطقت الطوموبيل لي كنا فيها درنا نشوفو انا وآدم وهو بقا مشوكي
انا : شكون ورا القصة ليسا
ليسا : جلال
انا : ولد الكلب
ليسا :متخميش جاكلين رح تربيه
ادم : وين رانا رايحين وين مديينا
انا : للمقر نتعنا....

🌹 🌹 🌹 🌹 🌹 🌹 🌹 🌹 🌹 🌹

جاكلين تحكي
بعدما وصلنا لنص الطريق غيرت اتجاهي ورحت لمقر جلال وصلت حبسوني الحراس توال الباب
الحارس : شكون نتي
انا : قباضة لرواح خبر سي جلال لي وصلت
جا الحارس رايح يدخل تفتح الباب صبتو زيد
زيد : جماعة الكوبرا مرحبا مرحبا
انا : خبر الكلب تع سيدك لي راني هنا
زيد : امشي معايا
دخلنا غير ما بعدنا على الحراس نطق زيد
زيد : جاكلين وش كاين
انا : جلال عصا اوامري وكان حيقتل مارك وكلوي دارلهم بومبة في الطوموبيل كون ملحقتهمش كانو...
زيد : الكلب
انا : راح يكون تغيير في الخطة بعدما ندخل نحبك تمشي للمقر تعيط لسام ثاني وتستناني رح تلقى مارك وكلوي ثم
زيد : اوكي
دخل زيد عند جلال شوي هك خرج وقالي ادخلي مع دخلت نطق جلال : أهلا أهلا برأس الكوبرا خير ما جابك لعندنا
قربت لعندو طول عطيتو بكوتبي لوجهو وحكمتو من كول الشوميز :نت طوالو يديك ووليت تطاول على سيادك اه
جلال بصوت هادي : مفهمتش
انا : مفهمتش اه! كلمة وحدة نقولهالك تزيد تعصي اوامري بأي شكل من الأشكال صدقني مش حنتردد ولا مرة ونمحيك من هذ الدنيا
جلال بصوت مرعوب : ح.حاضر
ضربتو بكفوف خفاف على خدو وقتلو : صحيت هكذا نحبك عاقل كي لكلب زدت عطيتو دبزة وخرجت من عندو ديراكسيون لدار لجبل...

🌹 🌹 🌹 🌹 🌹 🌹 🌹 🌹 🌹 🌹

في دار الجبل
كانو كامل مجمولين في الصالة دخل زيد شافو معاه كامل
مارك : ونت وش جابك يا رخيس
جا حينوض يتضارب معاه دخل سام
سام : مارك اتهدن مش وقتك خلي تجي جاكلين وتفهم
مارك وهو مشوكي : نت ثاني معاهم يا سام
طرطق بالضحك وطاح فلرض على ركايبو :كامل خاينين لي نقول ولا من عايلتي يخرجلي خرجة يهود
دخلت جاكلين بصوت هادي : متتسرعش مارك
سام : sister
مارك : sister!!! هذي ختك
سام : ايه وزيد ولد خالنا
زيد : وش  cuz ريقلتيه
جاكلين : ايه ويلا نت وهو وسام ونتي ثاني كلوي الحقوني للمكتب نتعي
طلعت جاكلين ولحقوها لجماعة دخلو للمكتب بدون مقدمات نطق مارك
مارك : لحد الساعة ضابط اعصابي وينها وتين وهذ القاتل وش راهو يدير هنا
تجاهلاتو جاكلين : كلوي صكري الباب وراك
صكرت كلوي الباب وقعدت
جاكلين : سيد مارك اتفضل اقعد
قعد مارك وبدأت جاكلين تهدر : بعد وش صرا الليلة رح يكون تغيير في الخطة ورح نسرعو فيها زيد : والمطلوب
جاكلين : نظن المعلومات لي جمعناها كافية باه نطيحو بجلال وعايلتو كاملة ونظن انو جا لوقت باه نخبرو هذ البوقوص لي معانا بالحقيقة
سام : لي تشوفيها يا ختي هذيك هي
جاكلين : أي واحد فيكم عندو اعتراض
زيد : لالا خاطر علابالنا أي حاجة ديريها تكوني حاسبة حساب لكلشي قبل مطبقيها
جاكلين : مارك زيد مقتلش وتين وولد خوك كريس
مارك وبصوت في شوية عياط؛ وكي مقتلهمش وينهم هذ السنين كامل اصلا لاه راح نامنك ونتي مدايرة لخبرق كامل
تبسمت جاكلين ونحات لقناع: أهلا مارك
مارك بدهشة :و وتين حد فيكم يفهمني لي صاري هنا. ...

🌺 🌺 🌺 🌺 🌺 🌺 🌺 🌺 🌺 🌺

وش حتكون ردة فعل مارك بعدما يعرف لي زيد خوه لكبير لي ميعرف عليه والو؟
وش حتكون ردة فعل مارك بعدما يعرف حقيقتو هو وكريس وتكشفلو جاكلين على ماضيهم؟
وش هي خطتها الجديدة؟
وش هي الأوراق لي رح تكشفها؟
كل هذا واكثر في الحلقة القادمة
#Ñøūçhå 💋 💖 🌹
وصلو الحلقة ل 20 نجمة ☆ و 10 تعليقات