عمياء في يد المافيا (باللهجة الجزائرية)

Part #15

#عمياء_في_يد_المافيا
الحلقة 15
سام : اووف يا ربي كيفاه راح نخبر مارك ضرك انا كيفاه رآه نوصلو ونخبرو بلي وتين بالحمل وقادرة تموت على طابلة الزيادة
ركب طوموبيلو وقلع لدار مارك شي نص ساعة وصل لعندو صونا فتحتلو الخدامة
سام: مارك راهو هنا
الخدامة : ايه
سام : وينو ضرك
الخدامة : راهو فلجنينة اللورانية توال البيسين
سام : اوكي مرسي
راح يزرب فخطواتو وصل لعندو يشوف فيه يتكيف فسيقارو ودبوزة الشراب توالو
سام : الصحبة كي راك
مارك : كي ***، وش هذا لي هازو فيدك
سام : الزح لا ظرافة لا ****
حطلو الدوصي توالو :حلو ضرك تعرف
حل مارك الدوصي قلب قلب :هذو لي زاناليز تع وتين؟
سام : ايه هوما شوف مارك مش بش نخبي عليك حتى حاجة
مارك:وش كاين سام لاه راني حاسك سيريو بزاف
سام : اسمعني مارك وتين ليها جمعة ملي حبلت معناها لي فكرشها ولد كريس بصح
مارك : بصح وش
سام : الرحم نتعها تاذى من الاغتصاب وجسمها ضعيف
مارك : والمعنى وش حاب تقول
سام : ضرك يا دير عملية إجهاض يا تكمل لحبالة وتموت على طابلة الزيادة
مارك : مكاش حل اوخر
سام : للأسف لا
مارك : انا رح نخبر وتين ولي قرراتو هذاك هو مش باه نجبرها على حتى شي
سام : اوكي صحبة ضرك انا نخليك عندي عملية بعد ساعتين دمت
مارك : دمت شريكي
راح سام رفد مارك الدوصي وطلع توال وتين دقدق الباب جاه صوتها من الداخل :تفضل
دخل مارك راح قعد بجنبها صابها تبكي بدا يمسحلها في دموعها ممبعد جبدها لعندو حطلها رأسها على كتفو وبدا يمسحلها على شعرها:وتين
وتين : مممم
مارك : علابالي لي فوتيه فهذ السمانة مهوش قليل ولي راح نقولولك ضرك باه يبدل حياتك
رفدت رأسها عليه :شكاين ثاني مارك شمازال باه نتهد كثر
مارك : وتين انتي حامل من كريس ليك جمعة
وتين : مارك مش وقت تبهليلك
مارك : وتين مرانيش نتمسخر هنا آخر مرة دحتي فيها جا الطبيب ودارلك لي زاناليز وهذا وش ظهر فيهم انتي حامل من كريس بصح كاين خبر ميعجبش
وتين : وش كاين كثرمن هك اغتضبني وحاملة ولدو فلحرام وش مزال ثاني
مارك : وتين الرحم نتعك تضرر من الاغتصاب وجسمك تاعب بزاااف وهذا قادر يخليك تموتي ونتي تزيدي
وتين ودموعها نازلين وبصوت مكسور :رك تتمسخر مارك ايخي قولي بلي راك تتمسخر
مارك: لالا وتين وحياة امي غير هذي هي الحقيقة والطبيب قال تقدري تجهضي
وتين : لا منصححش غلطة سي خوك بغلطة أخرى وش ذنبو الطفل باه نقتلوه بهذ الطريقة البشعة
مارك : نفهم من كلامك لي راح تخليه
مسحت دموعها : ايه رح نخليه واوعدني كريس ميسمعش بهذ الشي حتى نولد
مارك : بصح
وتين : مارك مش حابة شفقة من حتى حد فيكم وبالأخص كريس مالا من فضلك يا ميسمعش يا اديني وبعدني من
مارك : خلاص ضرك نشوفلها حل وضرك اتصطحي وبركايك من البكاء مش مليح ليك
وتين : مرسي مارك
جا خارج ممبعد دار ليها : ايه وتين قبل مننسا
وتين : انعم
مارك : اذا شتهيتي أي حاجة خبريني متحشميش مني
وتين : مرسي مارك وقبل مننسا من فضلك جيبلي عصا جديدة باه نقدر نتحرك براحتي
مارك : اوكي ليوم تكون عندك
فاتو ليام وكريس مبان من ذاك اليوم لحد الساعة مش فاهمة لاه سايرها وقعد معاها هي بداوها أعراض لوحام ناضت صباح خلايقها دايرين فتحت عصاها وراحت تزرب لدوش راحت لتوالات وبدات تستفرغ كملت ناضت غسلت وجها حطت يدها على كرشها :الظاهرة بش تعبني يا صغرون
نزلو دموعها كي تفكرت بلي يمكن حتى متشوفوش وتموت وتخليه مسحتهم ثمثم وخرجت دخلت ريحتو لخشمها قلبها بدأ يدق تذكرت آخر مرة بوستو تحضينتو وقبلها اغتصابو ليها خافت حبست في بلاصتها
كريس : وتين شبيك على الصباح تستفرغي
وتين : ش.ش..ششي جيست عشا لبارح ماوالمنيش
قرب ليها تسمع فخطواتو يقربو بلعت ريقها وصل لعندها : راكي sur
وتين: ايه ني مليحة
كريس : وتين لي صار بيناتنا ذوك نهار ديزولي عليه كنت سكران مش شافي والبوسة معلاباليش وش صارلي ثاني سامحيني عليها
وتين بصوت فيه خنقة وبحة متع بكا :مصار شي بيناتنا ولبوسة مهيش الحاجة لي تعتذر منها راك ديت قبلها أغلى حاجة عندي سما ضرك مش حتفرق معيا
كريس : وتين..
وتين : تعيش خليني وحدي
كريس:بصح. ..
وتين يا سيدي متفهمش نت ولا كيفاه قتلك خليني وحدي منيش حاملاتك اووف