عمياء في يد المافيا (باللهجة الجزائرية)

part #1

#عمياء_في_يد_المافيا
الحلقة 1
كيما كل يوم من كل عام اليوم لي كان من المفروض يكون عيد ميلادها وﻻ يوم ذكرى وفات أعز ناس عندها ناضت لبست كلشي نوار كيما حياتها سيبت شعرها لحرير رفدت عصاها وخرجت هابطة فدروج جازت للكوزينة راحت لفريجيدار جبدت كونفيتور )) معجون (( لفراز لي تحبو من صغرها فرماج وخبز قعدت فلاطابل وبدات توكل ففطورها جات نسرين : تعرفي يا وتين لي يشوفك هك ميامنش بلي نتي عمية
وتين : راهي 3 سنين حفظت الدار وزيد نسرين حابة نحكي معاك فموضوع اقعدي قعدت نسرين مقابلتها : غير الخير وتين
وتين : شوفي يا ختي الأمر معادش يتخبى راجلك معادش يحملني ويحمل مصاريفي وضرك راني 21 سنة نقدر نتحمل مسؤوليتي غادي نشري دار صغيرة ونخرج من عندك
نسرين : فاش راكي تخرفي نتي نسيتي بلي راكي عمياء
وتين : لا منسيتش وهذا لي لازم يصير
جلال )) راجل نسرين (( : خليها تروح انا ونتي علابالنا بلي معدناش نقدرو لمصاريفها واذا عينها تبقى ديرلنا وكالة بقسمتها تع الورث لي خلاوهلها
وتين كانت عارفة راجل ختها بلي طماع : لا راني خارجة هذ السمانة نلقى دار ونروح فتحت عصاها وخرجت وقفت في الطروطوار تشور لطوموبيلات حبستلها طاكسي ركبت
طاكسيور وين يا مودموازل
وتين : لشط تعيش
بعد مشيت نص ساعة حبس الطاكسيور : مدموازال رانا وصلنا
وتين : مرسي جبدت صوارد مدتهملو وخرجت فتحت عصاها وبدات تمشي حتى وصلت للشط ....