عمياء في يد المافيا (باللهجة الجزائرية)

The end

#عمياء_في_يد_المافيا
الحلقة 50
الحلقة الاخيرة
#الجزء_الثاني

طلعت جاكلين لشومبرتها مع دخلت صابت 3 بايط مغلفين ومزينين ومعاهم بوكي ورد التوليب الأسود والياسمين غلقت الباب وراحت للورد رفداتو قربت شماتو وغمضت عينيها وهمست :كريس
فتحت عينيها ورفدت la carte لي كانت مع الورد فتحتها : " اليوم يومك يا ملكة قلبي فلتتالقي بالأبيض فالابيض لم يخلق إلا ليلائم الملائكة.
أحبك "
جاكلين : لا مستحيل
كلوي : لا حقيقة يلا خلينا نجهزو
باربرا : la coiffeuse و groupe تعها راهم فطريق يلا ادخلي ادوشي ونشفي شعرك
كلوي: نتلاقاو فالحفلة حبيبتي
دخلت جاكلين دوشت ونشفت شعرها شوي هك طبب باب شومبرتها
جاكلين : اتفضلو
دخلت coiffeuse وجماعتها: أولا مبروك عليك يا عروسة انا ايملي وليوم رح نخلوك ملكة على عرش مملكة حبك
سلمت جاكلين عليهم وخلات جسمها وشعرها ليهم
بعد 3 سوايع وهوما عقابها
ايميلي : واو يا ملكة







طبطب الباب نطقت ايميلي اتفضل
دخل كريس شافها عاطياتو بظهرها تعدل فالروبة قري منها حضنها من اللور وحط راسو على كتفها : مبروك ليا بيك نتهنى بيك
جاكلين : منيش مأمنة ليوم عرسنا
قرب لعندها باسها من جبهتها : حكايتها ساعة وتولي على اسمي وحلالي ستنيت قريب 4 سنين باه عشت هذ اللحظة
جاكلين : نحبك كريس
كريس : نفنى عليك يا عمري
بعد عليها جبد باط فتحو كانت فيه سنسلة أقل ما يقال عنها أنها تليق بملكة بملكة قلبو هو رفدها دارهالها قرب من السنسلة لي كانت توصل قريب لتجويف صدرها باسها رفد راسو parfum تعها رهوجاتو حكم يدها وخرجو ركبها فالطوموبيل وقلعو ...



🌹 🌹 🌹 🌹 🌹 🌹 🌹 🌹 🌹 🌹

جاكلين تحكي
ركبنا فالطوموبيل مش مصدقة انو الإنسان لي عشقتو راح يصير راجلي أععععع مجرد التفكير بهذ الشي يخليني ندخل في حيط مزلت مش مأمنة هذ الشي حاسة روحي في منام قطع عليا تفكري صوتو
كريس : وصلنا
انا : اه!
كريس حطي هذي على عينيك
انا : وعلاه
كريس : يا ودي قتلك حطيها وخلاص
قرب مني حطهالي على عينيا هبط الطوموبيل جا فتحلي الباب وخرجني محاوطني بيدو نمشيو وصوت الموسيقى وين تاما يعلى وصلنا بعد عليا قرب لوذني :قرب الوقت
شوي هك جاني صوت سام : نحي على عينيك صغرونتي
نحيت لغطا على عينيا شفت الدموع فعينين سام طول ترميت حضنتو بدأ يمسح على شعري شوي هك جبدني عليه مسحلي دموعي
سام : كبرتي ووليتي عروسة واجمل عروسة ربي يهنيك ختي تستاهلي تفرحي واذا قلقك هذاك لبعير عيطيلي نربيه
انا: قبل متوصل نكون كملت عليه
سام : يلا يلا قبل ميجي يخطفك السيد راهو حاكم روحو بالسيف
انا هيا
كروشيت فيد سام ورحنا نمشيو واو كلشي perfect ممر مفرش بالسجادة الحمراء ومزين على لحواشي بورد الياسمين والتوليب الأحمر طوابل كيفكيف مفرشين بالأحمر  مزينين بنفس الورد والأهم من هذا كلشي على شط لبحر ولي نحبهم كامل حاضرين وكريس مقابلني بكوستيمو لي كلو رجولة ...