عمياء في يد المافيا (باللهجة الجزائرية)

part #36

#عمياء_في_يد_المافيا
الحلقة 36
خرج سام بعدما كمل سهرتو مع مارك ركب طوموبيلو وقلع لدارو كي وصل صاب لموطو مقارية وطفلة تبربش في تيليفونها
تلاح لجنبو حكم سلاحو وقرب جهتها قبل ميوصل ليها كانو زوج سيوف محطوطين على رقبتو بشكل x تع يعمل أي حركة ميبقاش راسو بين كتافو
سام : وكتاه تبطلي لعب اختي لعزيزة
جاكلين : حرام نلعب مع خويا راهي 3 سنين مشفتكش ياو
سام : الله يهديك لا عاد هذا يتسمى لعب
جاكلين وهي ترجع سيوفها لاغمادها ورا ظهرها : رح نظلو واقفين هنا بزاف!؟
سام بضحكة :لا اتفضلي اتفضلي ولاه نتي تتعرضي لدار! ماهي الدار دارك
دخلو لدار راحت جاكلين قعدت فالصالة وشعلت TV وقعدت تبدل فالقنوات؛ سام طلع حط معدات العملية وخرج رجع ليها ب لصالة
سام : كشما تشربي ختيتو
جاكلين : فودكا مع limonade
سام : من عينيا
راح سام جاب زوج فودكا عطاها كاسها وقعد جنبها شربت منو شوي وتعدلت في قعدتها :سام افتح لباب
سام باستغراب : وشمن باب
مجا وين يكمل كلامو حتى صونا باب دارو دار ليها مستغرب
جاكلين : اووف بركاك نحي عليك هذ الخزرة هذا زيد قال محتاجني قتلو نتلاقاو في دارك
سام : اوكي اوكي
راح سام فتح الباب وسلم على زيد
جاكلين : زيدو اقعدو عند لباب شوي كثر راكم قريب توليو نسا
زيد؛ جاكلين متزعفينيش
جاكلين : ولا وش؟
سام وهو يهدي في الحالة : دين الله يعني حرام تتلاقو كيما الخلق بلا عياط وسلاح ومهاوشات
زيد : نموت ونعرف اذا والديك غلطو كي داروها
سام وهو يغلق في الباب : كيفاه!
زيد : يا خويا عندها رجولة زايدة راهي كثرمنك في الرجولة
جاكلين : راني سمعتك زيد والاحسن تضب لسانك خيرمن نخسرك في رمز رجولتك (قالتها وهي تشوف في منطقة رجولتو ببرودة)
زيد وهو يقعد مقابلها : ها شفت اسام مش قتلك عندها رجولة بزيادة
جاكلين : فوتنا ضرك سام قولي خطة كلوي كملت
سام : ايه كمل الجزء الأول
جاكلين وعلى وجها ابتسامة جانبية :اوكي ونت نيكولاس تقدر تقولي لاه مخليني نايضة لضرك إن شاء الله تكون حاجة تفيد خطتنا احسن منخسرك رجولتك
زيد : غدوة كاين سباق سيارات
جاكلين وانا وش يفيدني هذ الشي
زيد : انا خبرت جلال بلي راح نختبر قوة قائد الفريق لي طلب التحالف معانا فهذ السباق
جاكلين : والمطلوب!
زيد : المطلوب انك تشاركي فهذ السباق وتربحيه
جاكلين بصوت كلو ثقة : ساهلة
زيد نسيت مقتلكش السوربرايز
جاكلين : لي هي
زيد : كريس راح يشارك في السباق
جاكلين: ياهاي الهدرة الزينة يا تكون السوربرايز هك يا بطل
سام : ظاهرة شيطانك ناض
جاكلين وهي تتصنع البراءة : لالا راهو رايح يرقد
سام : امنتك sister
جاكلين : نيكولاس على قداه السباق
زيد : 10 تع ليل
جاكلين : اوكي تصبحو على خير راهي قريب ال 5 نروح نرقد شوي
زيد وسام : وانت من اهلو...

🌹 🌹 🌹 🌹 🌹 🌹 🌹 🌹 🌹 🌹

عند كريس
ناض مدقدق كل عظم في جسمو يقول لخوه متتكاش عليا رفد تيليفونو شاف ساعة صابها 10 متع الليل شاف على جنبو صابها راقدة ومغطية جسمها بملحفة تبسم على جنب ماهو عدى نهارو لكل معاها فلفراش رفد دراهم حطهم على لكوافوز دخل عمل دوش لبس حوايجو وقلع بعد شي 45 دقيقة كان واقف توال باب المقبرة في يدو الفاس والبالة وقرعة ويسكي ديراكسيون لقبرها
كريس : مستحيل تكوني متي نتي وعدتيني تستنايني قلتي بلي رح تستنايني حتى نرجع مكش نتي لي تمدي كلمة وممبعد ترجعي فيها ناض بدا يحفر في قبرها قريب ساعتين وصل لتابوت قعد على ركايبو مد يديه وفتحو.....

🌺 🌺 🌺 🌺 🌺 🌺 🌺 🌺 🌺 🌺

في رأيكم وش رح يلقى كريس في التابوت؟
وش رح تقول كلوي لمارك كي تفطن؟
كيفاه راح يكون السباق؟
وشكون حيربح؟
كل هذا واكثر في الحلقة القادمة
#Ñøūçhå 💋 💖 🌹
وصلو الحلقة ل 20 نجمة ☆ و 10 تعليقات
تفاعلكم طاح نظن الرواية معادتش تعجبكم كيما لي الأول