Minsan di ko maalis sa aking isipan
Na baka pareho rin tayo ng nararamdaman
Minsan akala ko ako ang dahilan ng pagdadrama mo
Minsan akala ko may dahilan ang bawat pag tingin mo
At minsan akala ko sinasadya mong sumulyap sa gawi ko
Pero alam mo;
Madalas akong masaktan ng dahil sayo
Madalas rin akong malungkot
Dahil sobra sobra na ata kitang iniisip
Imbis na ako'y kiligin nangingibabaw ang sakit
Dahil alam kong kapag inisip kita lalo akong aasa
Aasa sa mga bagay na gusto kong mangyari
Mga bagay na imposible
Bagay na mahirap maabot kung ayaw mo namang ibigay
