البارت السابع
#قلوب_على_جرف_الهاوية
قلوب على جرف الهاوية
للكاتبةNuha-d-h
بعد مرور اسبوع على موت اختي
العجوز الطاغي ماقبل حتى نلبس اسود على اختنا او نحزن عليها
الجد-شوفو ترة هذا الموضوع ينسد وبعد ما اسمع اي كلمة بخصوص هاي السالفة
اني كنت منهارة ومتمددة بحضن الجدة الي ماتركتني على الرغم من قساوتي وصدي الها وما كان عندي حيل احجي حتى صوتي مبحوح من الصياح على اختي والله حرگة اختي سماح جمرة صارت بگلبي
الجد والتفت على سلوى وسرور- وانتو احجو وية هاي اختكم
الهاجرة المسترجلة وفهموها ان اذا بقت هيج
تأذي روحها واكسر راسها
واني اتمنى احجي بس مو خوفاً منة ساكتة لكن تعبت ماعندي حيل احجي
ومرت الايام سرور نقلو مدرستها
وگعدت تداوم
وسلوى هم نقلو مدرستها هنا لكن اني مانقلو مدرستي يخافون مامرتاحيين من ناحيتي
وصارت رشا بنت عمي توفيق وشهد والبقية
شوية شوية يتوددن حتى يقتربون من عدنا ويقون العلاقة بينا
سرور وسلوى اتقبلو رشا وشهد والبقية
لكن اني الي ما گدرت اتقبلهم
وكنت جدا عنيدة مو بيدي احس بيهم كلهم خونة خانو امانت بابا سودة علية سماح كلما اتذكر شكلها شلون خايفة اخ الله ارجع ينمرد گلبي
سندس مرت نبيل-يالله گومن على شغلجن مو گاعدات مسعدات يالله
سلوى گامت تتكفى الشر وماتحب تتعارك ووسرور هم گامت
فرح -سرور سلوى رجعو اني اكمل عنكم الشغل انتو اتفرغو لدراستكم
سندس -شنو حبوبة تردين نخدمكم ست فرح خاتون
فرح - اشكرج احنا مانحب واحد يخدمنا
احنا نخدم نفسنا مو مثل بعض الناس الي كل يوم والثاني هادة علينا حتى تريد واحد يخدمها واجتها فرصة من الله
فرح طبعا همة صحيح الله رازقهم وخير من الله لكن كلة يسوون شغلهم بيدهم كلة بناتهم يشتغلون بس هذا القانون بس بهذا البيت بس البقية عندهم خدامات ببيوتهم
صرت يوم عن يوم لازم اخفف عنادي ومشاكلي لان لاحظت
ان اختي سرور كلما اسوي بيوم مشكلة اشوف اختي ترجف بس تبقى تبجي لان تخاف خاف يصير بية مثل مصار بسماح الله يرحمها
ومرات توصل من ورة عنادي وراسي اليابس صرت انكتل بالحزام على ايد عمي نبيل
لان عمي توفيق من يوم الي سواه بعد ما راواني وجهة
لا هو ولا عمي جواد احس بيهم مستحين يشوفنا وجهم
وعمي نبيل هو الي تولى علينا بس الله لايرضى عليه
شلون مرجفنا كلنا اني وسلوى وسرور
وبمرور الايام
خصصوا غرفة النا قريب على غرفة بيبي
كان اولادهم حسين متزوج وطالع عن ابوه لان يشتغل وية حسام
لكن موجود عندهم ولد لاخ اسمه محمد هذا مهتلف ونافخ حاله على خالي بلاش ابد ما ارتاح له
وبس يصيح على خواتة واني ابد ما اقترب منهم
