...................
البارت السادس عشر
#قلوب _على_جرف_الهاوية
قلوب على جرف الهاوية
للكاتبةnuha-d-h
حسام
كنت متوجه للبيت بعد ماخلصت وطلعت من مركزالحلاقة الرجالي وجنت لابس قاطي وكان وياي عامر وعلاء بس طلعو قبلي راحو للبيت لان علي حرك النقال حرك بالاتصالات لان باقي لوحدة ماجاي يلحك على المعازيم
خلصت وتوجهت لسيارتي
واني رايح عالبيت حتى تطلع الزفة من بيتنا لبيت جدي واخذ عروستي اليشوفني عبالك اول مرة راح اعرس
لكن قبل لا اوصل لمنطقتنا اجاني اتصال من هالة
وهي تصرخ وتطالب بالنجدة وتصيح الحكني حسام
راح يكتلوني
اني بسرعة غيرت اتجاه السيارة ورحت عليها لان مهما كان غيرتي ماتقبل ان اترك وحدة تنخاني حتى اساعدها
المهم رحت وصلت للبيت الي هي بعدها ما طالعة منة اتذكر كلتلهاالج مهلة اربع ايام حتى تطلعين من البيت
نزلت من السيار ركض وفتت عالبيت شفتة مفتوح دخل الخوف لگلبي ما اعرف. ليش گلبي گرصني
دخلت للبت جوة وصحت باسمها
حسام -هالة هالة
بس بعدني ما مكمل طريقي للصالة وحسيت اجتني ضربة قوية على راسي من الخلف وبعدها ماحسيت على شي
وراها بفترة صحيت لكيت نفسي نايم على السرير وهدومي وقميصي دكمة مشلعة وفانيلتي بهة اثر حمرة وحسيت اكو طعم مر بحلكي عبالك جنت مخدر
اريد ارفع راسي من المخدة ما اكدر من گد ما راسي ثكيل
اتصلت بالگوة على عامر اخوي
والله بالف ياعلي يالله رد على اتصالي
عامر-حسام شنوولك وينك يارجال احترگت الدينا تعال شوف شمصخم
حسام وكوة يطلع الكلام مني- تعال علية اني ببيتي الخاص
هو يعرف معنى كلمة ببيتي الخاص
وبعدها بفترة اجة عامر واتفاجيءمن منظري
عامر وبكل احتقار-اخ يالنذل انت هنا غاط بالعربدة والنسوان وعايف الدنيا هناك محروكة حرك وانت هنا ولايمك ولاهامك
ولك انت الى متى تبقى هيج ولك شوكت تحس بالمسؤلية بتجاه غيرك
حسام عامر يحجي وصوتة يوصل لراسي عبالك شلون الجاكوج على راسي
حسام -عامر رحمة على والديك نصي صوتك ترة دمرتني ما جاي اركز وياك بالكلام بس انطيني مهلة اصحى على حالي
عامر حس على اخوه وضعة مو طبيعي واقترب منة
وسندة وكومة واخذة للحمام حسام وهو يمشي ويحس رجليه عبالك خيوط گوة. يشيلونة
دنك راسة تحت بوري المغسلة وفتح الماي على راسه حتى بلكت يصحى راح عامر سحب المنشفة وحطها على راس اخوه
وانطاه فرصة حتى يصحصح ويفتهم منة شنو السالفة
اخذ منة المنشفة وكعد ينشف بشعره وانتبه على روحه لابس قاط وساعتة وهذا القاط يكون قاط العرس اي شنو يعني وفجاءة
فز حسام مفزوع اخ الله اليوم عرسي
التفت على عامر
حسام-عامر بيش الساعة
عامر وهو يباوع على ساعتة -الساعة بالوحدة ونص ليلا
