البارت العاشر
#قلوب_على_جرف_الهاويه
قلوب على جرف الهاوية
للكاتبة nuha-d-h
حسام
اليوم تزوجت وحدة عن طريق صديقي نوفل
هو رتب لي السالفة هم كالعادة زواج متعة بالسر
وهاي الجديدة قنبلة متنقلة غير تدوخ اسمها هالة
يابة عالدلع والغنج فرتني فر
كعدت تركص وتهز بخصرها من اول يوم
وباعتباري عريس جديد بشهر العسل هم فترة اختفيت عن الانظار وصرت من الشغل گبل لاخضان اللعبة الجديدة
علي -الو هلة بحسام شخبارك اشو ماكو مداشوفك هالايام شكو شصاير
حسام-اسكت ولك اخوك غراگان بشهر العسل عريس
علي-ولك انت متوب من اسوالف هاذي عيب بطل لعب ونسوان
حسام-يابة دروح هو احنا شماخذين من الدنيا دخلي نتونس شوية
علي -الله يهديك ياابو فهد
صدك على طاري فهد ترة فهد كلش مريض بالبيت ومحد بحالة لا امك فارغة تعتني بي ولاخواتك فارغات رحت اخذتة لبيت جدي هناك لعند فرح بنت عمي منذر راح تعتني بي لان الوحيدة متطلع من البيت والبقية كلهم عندهم دوامات
حسام -هذا هو زين تسوي اخذتة لعندهم
طبعا اتعودت على اهمال ابني فهد ابد ماشاف يوم مني عناية او اهتمام ابو بتجاه ابنة
علي -حسام ترة جدي يريدك بموضوع كلش مهم وهو گلي اتصل على حسام وانطي خبر حتى يجي اليوم لبيتنا عندة موضوع وياك
حسام -الله اليستر من جدي اذا رادني بموضوع مهم لان كلها مواضيعة تخوف
علي -يالله انت اخذ راحتك اني رايح
حسام -الله وياك مع السلامة
فرح
اليوم اجة علي ابن عمو توفيق للبيت
وجاب وياه فهد ابن حسام خطية مريض مخنجر غير يكسر الخاطر
علي -هاج اخذي رحمة على ابوج الطيب اعتني بي
خطية لگيتة مريض ومبقينة عند الخدامات
محد درة بحاله
فرح وهي تقترب من هذا الطفل اليتيم يكسر الگلب
صدرة صاير خرخاشة من الرشح وبس يگح خطية الظاهر عند التهاب بالقصبات
فرح
احس حتى بيت عمو توفيق صارو يعتمدون علية بهاي الاشياء
ما اعرف يمكن اني صارت عندي هواية احب اعتني بالاشخاص الضعفاء
مثلا
عمو ابو نوال جارنا وزجتة و اختي سلوى وسرور وجدي وجدتي
والله حتى عمامي بنات عمي وهسة هذا المسكين انظم للقائمة
رحت عليه وشلتة
خطية هو ما گال باطل
حضني بيدة الصغيرة من رگبتي
فرح -روح علي لايظل بالك اني اهتم بي اصلا هذا صديقي بعد علواه اذا تبقوه عندي
فهد وهو ياشر على علي -لوح عمو لوح اني ابقى ام فلح
فرح وعلي -هههههههه الملعون بسرعة صرفني
اخذت فهد وسبحتة بحمام بخاري حتى البخار يوسع التنفس مالتة وسويت شوربة الة
عامر دخل على فرح بالمطبخ شافهة توكل بفهد
عامر -هلة بفروحة هاي ملابس فهد وملاعيبة جبتهم
فرح-اي عفية لان لبستة نفس ملابسة
عامر-عفية صبيلي شوربة ريحتها طيبة
علاء-عفية اني هم صبيلي شوربة
عامر -اهوووو هسة هذا اللزكة شجابة
فرح -لاتخافون اكو شوربة تكفي الكل ههههه
اتعودت كل يوم يجون اولاد عمو توفيق وابوهم على العشا لان همة وقت فراغهم بالليل
اتذكر بيبي تگول همة كانت جيتهم هنا لهذا البيت قليلة لكن من انتو اجيتو لهذا البيت تغيرو
حتى عمامي كانت قليلة جيتهم
طبعا نسيت اكلكم ان عمو نبيل اخذ عائلتة وطلع زعلان
وراح بيهم لبيت المزرعة
وبس اني وجدي وعمو توفيق نعرف ليش طلع زعلان
وبقيت بس اني وخواتي هنا عند بيت جدو
وصار يوم عن يوم يلتمون عمي توفيق وجواد وعائلتهم ويجون هنا يتجمعون وصار كل خميس بالضبط
يتجمعون ولد وبنات وحتى عمة رسمية صرت احبها
لان هي الوحيدة الي انتبهت على ملابسي وحجت وية جدو ان تاخذني واشتري ملابس وهو قبل ان اطلع استغربت ما اعرف شعجب
وگالت على الاساس على باجر تجي تمر علية تاخذني حتى اشتري ملابس وغراض
اما حسام الشخص الوحيد من بيت عمو توفيق الي ابد ما اختلط بي غير بعض الكلمات
حسام-السلام عليكم
الكل -وعليكم السلام
حسام -شنو شالو بيت توفيق هنا راح يسكنون اشو شوكت ما اجيكم الكاكم هنا انتو وابوكم شكو جاي يوزعون الحصة هنا وصاير ازدحام
عامر -لاعندهم غزالة جارة گلوب الكل وراهة واحنا هنا علمودها
وهو يغمز لفرح
فرح ببتسامة-هههههه اي ترة ماتقشمرني بهاي سوالف ما اسويلك دولمة موحسبالك لو تظل منا للصبح تحمد بية وتشعرلي
علاء-بم بم تم قصف الجبهة بنجاح عاشت ايدج لاتسويلة انتي عندج حبيب واحد الي هو اني
فرح -هههههههه والله ضحكتني قصدك عندي زاحف واحد الي هو انت ابو كرش
حسام ما اعرف ليش ضجت من شقاهم ولو هو عادي مابي شي هي البنية حبابة وروحها رياضية لكن اني ليش اضوج اصلا
حسام - يالله خلصو عشاكم وتوكلو عالبيت واخذو وياكم فهد
علاء-اي عفية خل ناخذ الزاحف الصغير لان من شافتة فرح بعد ما قلدتنا ولا تعبرنا صارت بس لفهودي
فهد بانزعاج-لوح لوح فلح ماتي بس انا
فرح-حسام
حسام اخ الله هاي شنو هذا اسمي هيجي يصير بصوتها
عبالك وحدة جاي تغازلني وتتودد الي حتى اجيها لعندها وانام بحضنا
اهووووو حسام هاي شبيك انثولت استغفر الله
