البارت الاخير
#قلوب_على_جرف_الهاوية
........................................
قلوب على جرف الهاوية
الكاتبة nuha-d-h
مرت الايام ونشغلنا بزواج سلوى ونواف ابن عمي وجهزنا لسلوى وجدي مقبل الزواج يتأجل لان خطية المگرود نواف بس واحد يگلة اجل يبجي لان هذولي هواي عانو ويانا من ورة المشاكل والاحداث الصارت
ومبقى شي على زواجهم
حسام
طلع من المستشفى لكن بعدة جرحة مطاب بس كان الجرح مضمد ولابس حامل اليد ومثبت الكتف خطية وهو الاستاذ مستغل هاي الفقرة اشو كلما يشوفني ادخل لبيتهم يسوي روحة كلش معوق ومابي حيل لايشيل ايد ولايحط رجل وتعاي يفرح ساعديني وتعاي يفرح وكليني وتعاي يفرح نوميني
واني اختكم هم ما اجذب عليكم صرت اذا اريد اشرب كلاص ماي كمت اروح اشربة من يم بيت عمي توفيق
احلى شي حسام من گد ما كل ساعة يشوفني رازة نفسي عدهم ويم البنات
حسام-شنو ياحلو اشو كل ساعة اشوفك عدنا
شنو ماعندكم بيت شعندك گاعد بگلبي
فرح-اني مجاية عليك اني جاية لبيت عمي توفيق حبيبي
حسام وبدت عندة بوادر الغيرة
-هَـا هَـا عيدي شنو شگلتي مسمعتج زين
فرح وبضحكة شقية -ههههههه لا مو وياك دة احجي وية عمو توفيق
توفيق-هلة بوية توة مانور البيت والله اشكد افرح من اسمع صوتج
رشا-بابا قصدك گول اشكد يفرح كرشك من تسمع بفرح هنا
اشو هي مدللتك انت وجدو وعمو جواد خو هذا رمضان كضيتة كلة تتفطر عند بيت جدو على ابو خطية جدو يضوج يتفطر لوحدة وما شوف الا رمضان خلص وانت و كرشك دخلت بشهر التاسع
حسام -هلة هلة كلة هَـذا يصير من وراي واني ماادري
ثاري طلعت يبو حسام زاحف وتزحف على بنات اخوك حتى يدلعوك
فرح وهي تباوع لحسام وتحرك بحواجبها -عوفو عمي شبيكم مقهورين من عندة لو تغارون
توفيق -اي يابعدعمج كليلهم مقهوريييين من الملكة
هههههههههه
وانتهت مراسم حلفة زفاف سلوى ونواف وكانت جدا جميلة لاتخلو من مطاردات حسام لفرح ومعكسات فرح لحسام
الجد وهو يحجي وية فرح الي دخلت عليهم بصينة الخبز الحار وراحت على عميز الطعام حتى تصب الريوك الهم
-والله يابوية راح تفرغون علينا البيت وراح نستوحش انة وجدتج
هاي سلوى اتزوجت وانتي مابقة شهر على زواجج انتي وحسام
سرور-عفو عليك جدي لعد اني وين رحت عنك لو بس فرح حفيدتك
الجد وهو يبتسم
-انتي الروح والرية (يعني الرئة) انتي الكل بالكل
الجدة-شوف الشايب شلون يقشمر على البنات وياكل بعقلهن اثاريك يالشويب ماتگعد راحة
الجد-هَـا ام توفيق اشو جنك اشم ريحة غيرة بالهوى
لج ام توفيق انت الاول وانت الاخير ويبتسم الها
الجدة وهي تحط شيلتها على حلگها
-يا يا خابية صالح منا البنات استحي على شبياتك
