البارت الثامن
#قلوب_على_جرف_الهاوية
قلوب على جرف الهاوية
للكاتبة nuha-d-h
فرح
من يوم الحجت بي وياي سلوى
قررت ان ابدي بداية جديدة وافتح صفحة جديدة من حياة فرح
واحاول ان احسن من اسلوبي بلكي يحنون علية لان علمتني الحياة ان الكلمة الاولى والاخيرة لمن تدين لهم بالولاء ومستقبلي ومستقبل خواتي بيدهم
وبدة مشوار جديد من حياتي
وقررت اصنع عالمي الخاص بية
كمت اكعد من الصبح مثل ماكنت قبل بيت بابا
وصرت انظف غرفت الجدة والجد واطلع بيبي للصالة واروح عالمطبخ بعد ما انظفه واحضر الريوك الهم كلهم الي بالبيت وانزلة على ميز الطعام
اجيب بيبي وجدي العجوز الطاغي
ونتجمع على ميز الطعام
كانت بيبي كلش فرحانة بتغيري وياهم والظاهر اول مرة واحد يعتني بيهم صارت تكسر خاطري لان هي مو قوية مثل جدي ويخافون منهة ويعتنون بيها ويسمعون كلامها
خطية همة بس من يكون جدي مجرد يعتنون بيها كدامة
ومرت سنتين على وفاة سماح
وصرت اهتم بالشياب احس بيهم صارو مثل اطفالي واعتني بيهم
فرح-يالله بيبي تعاي اتريكي
ونضرت لجدي شلون التفت علية ومنتظرني ان ابادر فهاي المرة قررت امد غصن الزيتون
فرح -احم احم يالله جدي گوم اتريك
اول مرة احجي وياه من بعد الي صار وياي والي سواه بية من يوم الزوجني هذا حسام
شفتة ما رد علية وعاكد حواجبه الثخان كلهن شيب وگام وراح للمطبخ بكل كبرياء وخشم يابس
اني ابتسمت
الجدة-على شنو تبتسمين ترة انتي تشبهين راسة اليابس
فرح -لابيبي اني مو طاغية مثلة
الجدة صدگيني لاتحكمين عليه ترة هو گلبة طيب
مو مثل ما تشوفينا
رحت گعدت البنات من النوم
فرح-يالله بنات گعدو دوام هم يالله تنزلون ترة اني حضرت الريوك
خطية شفت سرور گعدت من ركضت علية وحضنتني
سرور-حبيبتي فروحة صباح الخير
ونزلو البنات وكعدو على الميز وية جدي وجدتي وصبيت الهم الجاي ونزلن بنات عمي هم عندهم دوام
سلوى صارت مرحلة ثانية كلية تربية مثل سماح الله يرحمها
خلصو الريوك وطلعو لدوامهم مع السايق
بقيت اني لوحدي بالبيت وية بيبي
وهاي سندس كانت تطلع كل يوم من الصبح ترجع الظهر ومحد يسألها وجدي بما ان هو شيخ العشيرة فعندة هواي امور تقتضي ان يطلع من البيت بشكل يومي
فرح وهي تتذكر الايام الي مضت من بدت تتقبل تعيش وياهم
تتذكر
شلون غيرت ببيتهم هو صحيح فخم بس ما معتنين بي
ماعبالك اكو مرية تديرة وتهتم بشؤونة
والله وما قصرت استلمت تعديل وتنظيف وطبخ بس هالمرة مو مغصوبة لا هالمرة اني اريد مثل ماگلت اني راح اصنع عالمي الخاص
لان ولاواحد موجود بالبيت
والجد يطلع مع السايق مالتة جوة ايدة دائما ويروح يحل امور العشيرة او يواصل فاتحة وغيرها من الامور الي تقتضي عليه القيام بيها
