#قلوب_على_جرف_الهاوية
البارت التاسع
قلوب على جرف الهاوية
للكاتبة nuha-d-h
حسام -عهود هذا هو انتهت بعد وياج خلاص لان انتي طلعتي عن القواعد
عهود -لاعفية حسام اسفة اروحلك فدوة لاتتركني والله التوبة بعد ما اعيدها والله بعد ما اطلب منك تعلن زواجيً منك
حسام -لا عهود بعد ما ينفع الاسف خرجتي عن النظام وسقط حقج
حسام
كالعادة كلما وحدة منهم تبدي تنگ وتلمح على مطالبتها بحقوق الزواج العلني
اني بسرعة اصدر القرار واتركها
لان اني ما ضربت وحدة على ايدها همة بنفسهم يقبلون بزواج المتعة ويكونون على معرفة تامة بالشروط والقواعد الي اني حاطها لذلك اي وحدة تبدي تلعب بذيله اني گبل اصدر القرار واطردها من حياتي لذلك اني ابد ما اثبت على وحدة اكثر وحدة بيهم سنة ابقى وياهة
لان اتعلمت ما اتعلق بوحدة
وهاي سوالف الحب الي يوهمن نفسهم بيها هاي اعتبرها مضيعة وقت
لان ماعندي ثقة بَـــاي وحدة من جنس حواء
حسام -الو نعم جدي اي اي
ان شاء الله اليوم عشاي عندم سوي حسابي
الجد
اتخذت القرار وصار لازم انفده
توفيق -زين تسوي يابة بس اريد اسأل سؤال ليش شمعنا تسجل الورث كلة بأسم فرح ليش ماتقسم الورث عليها وعلى خواتها بالتساوي
الجد-لا توفيق من خلال مراقبتي طول هاي المدة لفرح وخواتها لاحظت ان فرح مهرة شرسة وكلش تعجبني شخصيتها وهي الوحيدة الي راح اضمن ان حصتها وحصت خواتها تكون بامان عندها لان هي كلش سباعية وتعجبني
ابتسم الجد صالح بيوم اتذكر دفاعها عن اختها وشلون لازمة السجين وشخطت وعلمت على اولاد عمها بكل جرئة
كلش عجبتني وحسيت ابني منذر عرف يربي
بس الي سويتة بحق سماح كان لازم اسويه
لان اني العيون كلها علية
اتفاجيء الجد صالح بدخول ابنة نبيل عليهم فجاءة لان الظاهر وكالعادة انه كان يسترق السمع عليهم
نبيل وبغضب والشر يطلع من عيونة
نبيل-ليش بوية تنطي الورث لبنت منذر
ليش انة ما محسوب ابنك يعني صدك تحجي بوية اني اتعب وبعدين تالي تعبي يصفة ويروح لهاي الزانية بنت الزانية
الجد صالح-نبيل احترم نفسج ولاتتجاوز ترة اتعديت حدودك ومو شايفني ساكت عليك لحد هسة عبالك ما اعرف سوالفك
توفيق -نبيل لاتجرب حظك عند ابوي لان ابوي عرف كلشي عن منذر وشلون كنت تطرد منذر وحتى عرف ان انت الي استلمت الاتصال من البنات بيوم وفاة منذر وكنت تعرف بخبر وفاة اخوك بس فضلت تسكت
فاحسن شي ماتفتح حلكك وعرف حتى بالرسايل الي كان منذر يرسلهن وانت تستلمهة
الجد-وعن اي ورث وحق وتعب تحجي عنه
ترة انت عايش هنا بفضلي واني مسوي فضل عليك
وراحمك وعفتك هنا تسكن بهذا البيت
ليش نسيت بيوم اخذت حصتك مني انت واخوانك وما ظل واحد بيكم ما اخذ حصتة وبعد ماعندكم شي يمي
مو مشكلتي اذا انت انضحك عليك وطلعت قشمر واخذو فلوسك لان انت ارعن ما دتشوف اني ليش ما اسلمك ادارة امور محلات صياغة الذهب لان اعرف بيك لو بقت يمك سالفة الادارة هم راح تخسرهم وتخسرني وتغرك
اما هاي المحلات والاملاك الباقية كلها حصت منذر لونسيت منذر اخوك الي نكرتة
والي خليت گلبي يشيل عليه ويحقد كلة من وراك لان كنت تجيب الي اخبار كلها جذب بجذب
والي خليت اغرك ايدي بدم بنت ابني من وراك ومن ورة عملتك السودة
