البارت الثاني
#قلوب_على_جرف_الهاوية
قلوب على جرف الهاوية
للكاتبة nuha-d-h
رحنا اني وعمو ابو نوال لمركز الشرطة حتى نبلغ عن فقدان اختي سماح
ورجعنا بعدها للبيت وماعدنا اي خبر عن اختنا حتى يجبر بخاطرنا
دخلت للبيت واني احس بالضياع اختي وين اختفت يارب سترك ما عدنا غيرها هي جبيرت البيت وسندنا
ورة عدة ساعات اندك الباب وطلعت شفت عمو ابو نوال
فرح -هَـا عمو بشر ماسمعت شي عن سماح
ابو نوال وهو لونه مخطوف-لحگو بنات اتصلو علية مركز الشرطة عثرو على اختكم سماح مشمورة قرب المستشفى
فرح وهي تلطم على صدرهة -يمة صخام شلون شنو مسوية حادث
ابو نوال وهو صوتة بي قهرة على حالنا ما اعرف ليش من شفت نظرات ابو نوال النا حسيت اكو شي جبير صاير على اختي
واني بلحضتها حسيت عبالك واحد ضرب معدتي برفسة قوية
ابو نوال-بوية لبسو وتعالو وياي انتي وخواتج
رحنا اني وسلوى فقط وسرور بقت عند ام نوال
وصلنا للمستشفى
دخلنا وگعدنا نستفسر عن اسم المريضة سماح منذر ودلونا على الردهة الموجودة بيه سماح رحت اركض من خوفي على اختي ما اعرف شصاير عليها وصلنا للردهة شفنا قرب السرير ضابط ووياه كاتب على ما اتوقع وسمعت الضابط يسأل سماح الي من شفتها اجيت اتخبل على منظرها كان وجها ازرق من الضرب والملابس ممزقة ولابسة عليهم عباية فزعت من منظرها
رحت ركضت اني وسلوى عليها يابعد عمري كانت بس تبجي ومنهارة من الخوف
دخل الدكتور وطلب من عدنا الخروج
الدكتور-المريضة لازم انطيها ابرة مهدئة لان اتعرضت لموقف صدمة صعب عليها والمثل حالتها لازم اعطيها ابرة مهديء
فرح وسلوى بنفس السؤال-ليش سماح شبيهة
الضابط وبصوت ناصي تكدرون تنتظروني برة فد لحظة واني جاي وراكم افهمكم عن وضع اختكم
فرح
اخذت سلوى وطلعت برة احس بخوف ومغص صار قوي ببطني يارب دخيلك
بعد ربع ساعة طلع الضابط من الردهة الي بيهة سماح ركضت عليه
فرح -شنو شبيه اختي
الضابط -اختكم متعرضة للخطف والاغتصاب من قبل شخص مجهول
فرح -يمة صخام الصخمنا سودة علية اختي هسة شراح يصير بيها
فرح وتحجي وية نفسها بقلق: عزة وين ننطي ووجهنا
سلوى-لا لا مستحيل يصير بينا هيج ربي سترك
الضابط-ومع الاسف اختكم داخلة بحالة هستيرية بس كل الي گدرنا نسجلة من اقوالها ان سيارة سودة معترضة طريقها باثناء ذهابها للعمل وساحبيها اثنين ملثمين
بالقوة ودافعيها للسيارة وبعدها ماخذيها لمكان هي ما تعرف توصفه النا بس حسب المعلومات احتمال بيت بقيد الانشاء مبني بس هيكل وهناك ماخذيها ومغتصبيها
فرح
كان وقع الخبر علينا مثل الصاعقة شي مو بالحسبان اختى راح تدمر حياتها او بالاحرى اتدمرت حياتها
بعد ما بقت سماح اسبوع كامل بالمستشفى
رجعت للبيت وهي غير انسانة كانت هادئة بشكل غريب ماتحجي وبس تصفن. وتگعد لوحدهة ربي اجبر خاطرها مسكينة شبابها اتدمر
